الأربعاء 29 مايو 2024

علاقة الفنان أحمد ذكي بالفنانه نجلاء فتحي

موقع أيام نيوز

علاقة الفنان أحمد ذكي بالفنانه نجلاء فتحي 

احمدزكي : أنا أفتكر في بداية حياتي الفنية موقف لا أنساه مع نجلاء_فتحي  

كنت بشتغل في فيلم "إسكندرية ليه" وكنت وجه جديد وقتها ..
في مشهد المفروض إنها مراتي وجاية بعد فترة بتزورني ومعاها إبننا .. فالكاميرا في ضهرها من وراها علشان تاخد تعبيرات هذا الزوج اللي هو انا وفرحته بإبنه ، فأنا عملت المشهد وبعد إنتهى المشهد أستاذ يوسف شاهين قال أوكيه خلاص المشهد اللي بعده ، فأنا عملت بإيديا كدة وكنت عايز أعيد المشهد تاني وخُفت أقول دة علشان محدش يكسفني ، فهى شخصية تأملية جدا .. إبتدت تقولي في ايه مالك ؟ .. قُلتلها أصل كان نفسي أعمله أحسن من كدة وخاېف أستاذ يوسف مايرضاش ، قالتلي طيب وراحت لمدير التصوير وقالتله محسن إحنا عايزين نعيد المشهد دة تاني .. قالها ليه ما إحنا عملناه كويس ! .. قالتله معلش علشان أحمد بس مش مبسوط فـ عايزاك تتعاون معايا علشان نقنع يوسف شاهين .. فراحت قالتله "أستاذ يوسف انا حسيت ان أحمد جاي بشكل والكاميرا جاية بشكل تاني فأنا غطيت عليه" .. قالها "لا انا شايفه كويس" .. قالتله "لا حتي إسأل مدير التصوير"
فـ مُدير التصوير قاله "أيوة محتاجين نعيد" .. وبعدين إتعاد المشهد ولما خلِص راحت عملالي بإيديها كدة 👍🏻
وبعدين انا وقتها لا كنت نجم ولا اي حاجة انا وجه جديد بمثل معاها وهي كانت نجمة كبيرة .. فحسيت قد ايه هى سـ..ـت ممكن تساعد اللي معاها ، هي بإستمرار تُنكِر ذاتها وعندها أشياء إنسانية هايلة ❤️