الأربعاء 29 مايو 2024

في حوار مع الفنان نور الشريف - لما أتعرض فيلم " لاتبكي ياحبيب العمر “ زوجتك الفنانة بوسي اڼهارت والفنانة نادية لطفي نقلت للمستشفي

موقع أيام نيوز

*في حوار مع الفنان نور الشريف* 🌺
-  لما أتعرض فيلم " لاتبكي ياحبيب العمر “  زوجتك الفنانة بوسي اڼهارت والفنانة نادية لطفي نقلت للمستشفي 
للدرجة دي كان مؤثر ؟!!

=الفنان فريد شوقي قال لناهد بنته ودي السيناريو ل نور 
قالتله مش هايوافق الدور صغير 
قالها أنا حافظ نور هايوافق عشان مشهد ..
لما قريته قولتلها موافق ووافقت عشان المشهد فعلاً 
طلبت اجر معين وقالتلي هارد عليك بكره

استاذ فريد قالها اديله الأجر اللي هو عايزه..
يوم تصوير المشهد اللي بيني وبين أبويا في البيت كنت أنا والأستاذ فريد ..
خلصنا المشهد وكنا احنا الاتنين مفيناش اعصاب ومتلجين.. متلجين بجد !
كنا مندمجين جداً

ناهد هي المنتجة والمنفذة قالت برافوا .. يالا نكمل 
فريد شوقي قالها نكمل ايه؟!! أنا مفياش نفس أمشي ولا نور فيه نفس يمشي ..
قالتله ده فاضل مشهدين والديكور يتهد 
قالها نعمله بكره.. ومشينا
دخلت عشان أغير وأخد نفسي لقيت الباب بيخبط   وجاتلي ناهد ..
قالتلي أنا اسفة.. اسفة لأنك تستحق أجر اكبر من اللي انت طلبته ..
أنا حسيت انك اتشطرت علينا في أجرك.. بس المشهد اللي انت عملته النهارده  يحتاج اكبر ٣ مرات من الاجر اللي انت اخدته
فيلم من اروع الافلام انتاج ١٩٧٩
ويذكر ان هذا الفيلم أبكي الرئيس الراحل انور السادات وانه قال لفريد شوقي عندما قابله في احدي الحفلات الفنية " أبكيتني  يافريد بس الفيلم حلو قوي  قوي "