رواية ملاك الأدهم الحلقة الرابعة بقلم عادل عبدالله حصريه وجديده

رواية ملاك الأدهم الحلقة الرابعة بقلم عادل عبدالله حصريه وجديده 
في اليوم التالي 
في المستشفي
أدهم خلاص يا ملاك الدكتور قالي ممكن تخرجي النهاردة .
ملاك بجد !! هيييييه الحمد لله .
أدهم يلا بقي غيري هدومك علشان نمشي .
ملاك هدووومي !!! انا مش معايا اي هدوم .
أدهم ايوه صح ازاي كنت ناسي ولا يهمك يا حبيبتي هنزل اشتريلك هدوم وارجعلك مټخافيش مش هتأخر .
ملاك لأ يا أدهومتي بلاش تسيبني هننزل مع بعض .
أدهم وهتنزلي الشارع بالهدوم دي !!
ملاك مش مهم يا حبببي أهم حاجة مش عايزاك تبعد عني لحظة واحدة .
أدهم طيب خلاص أنا هتصرف يلا ننزل .
وقبل انصرافهما جاء الطبيب و كتب لها عدة ادوية كعلاج لتساعدها علي سرعة استرجاع الذاكرة .
تعلقت ملاك بذراع أدهم وسارت معه وهي تميل بجسمها عليه حتي انصرفوا من المستشفي وركبت سيارة أدهم الفاخرة وهي تسأله .....
ملاك أدهومتي عربيتك دي 
أدهم أيوه عربيتي حلوة 
ملاك حلوة اوي أوي أحنا دلوقتي هنروح فين يا أدهومتي 
أدهم الأول هنروح نشتري طقم حلو تلبسيه وبعدين نسافر .
ملاك نسافر !!! نسافر فين 
أدهم هنسافر أسكندرية .
ملاك ليه هو احنا عايشين في اسكندرية 
أدهم مبتسما أيوه يا حبيبتي عايشين في اسكندرية .
ملاك واااااااو انا بحب اسكندرية اوي .
ادهم أنتي فاكرة اسكندرية 
ملاك لأ بس أنا عارفة أن أسكندرية حلوة أوي .
أدهم وتبقي أحلي يا حبيبتي وأنتي فيها .
تبتسم ملاك وتنظر له بعيونها في خجل فيبتسم أدهم ويقول 
ادهم عيونك الحلوين دول وابتسامتك دي هما اللي هيجننوني .
ملاك بدلال وابتسامة بعد الشړ عليك يا أدهومتي .
يشرد أدهم قليلا ويفكر كيف سيواجهة عائلته بتلك الفتاة وماذا سيقول لهم و رد فعلهم عندما يرونها معه !!!
تقطع ملاك شروده فجأة وتسأله أدهم أنا مفيش حد من اهلي زارني في المستشفي ليه 
يرتبك أدهم قبل ان يرد عليها ده موضوع كبير ابقي أحكيلك عنه بعدين .
ملاك ببراءة لأ قولي دلوقتي علشان خاطري .
أدهم باباكي ومامتك متوفيين واخواتك مسافرين بره .
ملاك بحزن يعني أنا مش عندي أهل 
أدهم يا حبيبتي أنا باباكي ومامتك وكل اهلك .
ملاك ربنا يخليك ليا يا ادهومتي ثم تسأله وانت اهلك فين 
يضحك ادهم انا عايش مع بابا وماما وجدي كمان عايش معانا واحنا هنعيش معاهم .
ملاك أنا بحبك أوي يا ادهم وحاسة اني بحبك من زمان أوي قولي صحيح أحنا متجوزين من أمتي 
أدهم بأرتباك متجوزين من شهرين كفاية أسئلة بقي ويلا ننزل ندخل المحل ده نشتري طقم حلو علشان تروحي البيت وانتي لابساه .
ملاك أوكي يا ادهومتي بس انا ناسية عيلتك ومش فاكراهم خالص اوعدني تحكيلي عن عيلتك وأحنا في الطريق .
أدهم ماشي يا حبيبتي .
بعد نصف ساعة تخرج ملاك مع ادهم