رواية امتحان الحب البارت السابع بقلم جمانه السعيدي حصريه وجديده
رواية امتحان_الحب البارت السابع بقلم جمانه السعيدي حصريه وجديده
مسك.... قررت مااتعالج اريد استسلم للمرض
بكل الاحوال راح اموت
عليمن اتعالج ويوكع شعري
اصلا اني متت من اللحظه الي تركني بيها مازن وحدي
بغرفة الفندق بليلة عرسي
مازن كل حياتي شلون يعوفني
كنت خاېفه علي من يسمع الخبر
تالي عافني وحدي ويتهمني استغلاليه
امي بليتله نامت وياي بغرفتي حضنتني مثل الطفل الزغير
ونامت كل شويه تفز تحضني حيل وترجع اتنام
من سمعت خبر مرضي وهي خاېفه تفقدني
واني الي كنت خاېفه على مازن من يسمع الخبر اكثر من خۏفي على امي
تالي مازن عافني وامي الي احتضنتني وخاېفه عليه
صدك ماكو مثل الام ومشاعرها وحبها الابنائه
ثاني يوم كعدتني من الصبح
امي. اكعدي اتريكي لازم انروح نتاكد من هاي التحاليل
مسك....مااروح
امي...لا ترحين مو بكيفح لازم ترحين
مسك...اني اريد اموت مااروح
امي...حياتج مو ملكج وحدج لازم ترحين الخاطري اذا اني اليه خاطر عندج
لازم ترحين اني حياتي مالها قيمه بدون وجودج
تقبلين اموت من زعلي عليج
اصلا اني مااتحمل اشوفج بهذا الوضع
الخاطري لازم تتعالجين
خالتي....لازم تكونين قويه وتهزمين المړض بعدج زغيره
واحمدي ربج الف مره كشفتي حقيقة مازن
قبل لا تتورطين وياا اكثر
لو متمرضه بيته جان شمرج بلشارع
الإنسان العادي يتعاطف وياا الناس الغريبه اذا سمع عنهم
مرضا شلون وهو يدعي يحبج كل هذا الوقت
من وصلتي وياا للجد طلع على حقيقته
كومي نروح نعالجج وارجعي قويه اكثر من قبل
وخلي يتندم على كل يوم فكر يعوفج بي
مازن ما يستاهلج رب العالمين نجاج منه
الحمد لله طلع على حقيقته كومي حبيبتي الخاطري
الخاطر امج كومي اني وامج مراح انعوفج منا لمن ترجعين قويه اكثر من قبل
جمانه السعيدي
مسك....اسبوع واني معانده وماااقبل بلعلاج بس امي
وخالتي كسرن خاطري
امي كل النهارتتوسل بيه وتبجي كطعت كلبي
رحنا عدنا التحاليل والدكتور اكد لازم عمليه نشيل بيها هذا الجزء باسرع وقت ممكن
لان هاي المنطقه عباره عن غدد ويمكن تمشي وتوصل المنطقه الابط ساعته لازم يشيلون الثدي كله
بس اذا سرعنا بلعمليه ممكن نحصل نتائج احسن
يشيلون بس الجزء الصلب ويبقى جسمي مثل ماهو
امي سئلت على كل المستشفيات بغداد الي ممكن نسوي بيهن العمليه وأخير شي قررت نسوي العمليه برا
امي...مراح نسوي العمليه بلعراق المستشفيات كلها ملوثه
ناخذها الايران
بدت امي تسئل عن احسن دكتور جراح بهذا المجال
جابت العنوان وحجزت عنده عن طريق النت
سافرنا اني وامي
دخلت على الدكتور ما قبل بلتحاليل بلعراق
كال عيديهن كلهن يريد يقطنا لان هذا المستشفى ملكه
عدنا التحاليل حدد العمليه بعد اربع ايام
طبعا يستغلون المړيض مو شلون مجان
العمليه هاي للايرانيه ٣ مليون عراقي واني اخذي مني
٢٠ مليون عراقي
الفلوس الي ماخذيها ماكفت
امي اتصلت بخالتي حتى أدبر اي مبلغ ادزه النا
امي.... محتاجين فلوس على الاقل عشره مليون
خالتي.. باجر اروح ابيع الذهب مالتي واذا ما كفن الفلوس
اتقرض من الموضفات الي ويانه
ثاني يوم خالتي راحت باعت ذهبها كله
هذا الذهب خالتي ضامته تكول خاف
