رواية كياني الجزء الثاني بقلم ابتسام نصيرات حصريه وجديده
رواية كياني الجزء الثاني بقلم ابتسام نصيرات حصريه وجديده
مر اسبوع على العزاء وغادر انور الحياة بهدوء وترك سرة مع كيان الي وعدته انه ما حدا يعرف فيه ما دام عايشه
نهال.... اخ عليك يا كيان ما لحقتي تفرحي
كيان استهزاء.... هو انا فرحت من اصله
نهال.... ليش بتحكي هيك ! انتي كلها كم شهر ورح تصيري ام تفرحي بأبنك
كيان.... ما توقعت خبر حملي ينتشر بهالسرعة! قبل ۏفاة انور بنص ساعه امه لعرفت
نهال.... كل العيله عرفت واهل انور الي مخفف عنهم فقدانه هو حملك
دخلت ام انور عليهم
ام انور... انتي شو بتعملي بغرفتك اطلعي استقبلي الناس الي اجت من كل المحافظه للعزاء انتي مش صغيره والكل بسال عن مرت انور الله يرحمه
كيان... معلش انا تعبانه انتي بتقومي بالواجب وأكثر
ام انور.. معلش ما بدي ارد عليك لانك حامل جديد بس بعد ما نخلص من العزاء بنتفاهم
كيان بأستغراب.... وانا بعد العزاء ليش بدي لاتفاهم معك الي بيني وبينكم راح وبيت عمي اولى فيه
ام انور پغضب.... الي بينا وبينك ابن المرحوم لا تفكري لو لحظه انه يتربى بره هالبيت
وتركتها وطلعت
كيان... اسمعتي شو حكت
نهال.... اسمعت
كيان ... يعني عادي !!
نهال... حقهم ابن ابنهم الي ماټ هو العوض ما رح يتركوه
كيان.... انا رح انجن فعلا يعني انور ماټ بدي اضل مربوط بهاي العيله!
نهال... ما دام في ولد بدك ترتبطي فيهم طول عمرك
كيان.... مش مصدقه شو بتحكي مش مصدقه
ابو انور... سمير ما شفت وجه من وقت ما اجا وين راح!
ام انور.... سمير حبيبي مصډوم بفقدان اخوه
ابو انور.... متى ناوي هالولد يركز ويسمع الكلام
ام انور... لا تلومه اخوه وصديقه وسنده تركه الله يصبرنا كلنا
ابو انور... انور راح للي خلقه هو ادبر فيه شوقنا اله بس هو الي بۏجع
ام انور.... عزانا بحبل مرته ربنا يعوضنا بولد
ابو انور.... الي بيجي من ربك رضى ورحمه
وترك زوجته بحزن .
ثاني يوم على سفرة الفطور
ام انور... عيلة ال..... جايه تعزي بعد شوي جهزي حالك
كيان.... انا ما بعرفهم ما رح استقبل حدا
ام انور... بدك تستقبليهم غصبن عنك
كيان بصوت عالي .... ما في حدا بيقدر يغصبني الي كان كلمته بتمشي عليه ماټ الله يرحمه
ابو انور.... اخفضي صوتك يا كيان عيب زوجك تربته ما نشفت لساتها
ام انور.... ما بتستحي ولا كانه زوجها مېت
كيان.... لو سمحتي لا تغلطي انا قاعد عندكم للان احترام لذكرى انور ولا من ثاني يوم كنت تارك هالبيت
ام انور.... شكلو عمك ما خبرك بالاتفاق وشروطه
ابو انور.... اسكتي مش وقته
ام انور.... لا وقته ونص مش شايف صوتها عالي علينا مش محترمه لا صغير ولا كبير
صوت قطع كلامهم كله فيه صوت الهيبه والقسۏة
..... بدها تسمع الكلام غصبن عنها والصوت العالي ما بدي اياه اخوي لساته مېت
ام انوربابتسامه.... حبيبي ابني سمير
كان نظره على كيان
ابو انور.... عتابي معك
بعدين لغيابك وتركك الي لحالي بالعزاء
قرب من امه وباس راسها وباس راس ابوه
سمير ... اعذروني الموقف كان صعب عليه ما تحملت
احست كيان بزلزال قوي داخلها وكانها علامه تنذرها بأن القادم اسوء
ام انور.... مين هاي البنت الي معك !
سمير ... بتقدري تحكي انها زوجتي
ام انوربزعل .... شو بتحكي مزوج بدون ما تخبرنا!
ابو انور... شو هالكلام يا سمير !
سمير.... معلش يابا مش وقته بعدين بخبركم كل اشي على رواق
ابو انور.... الان وقته يا سمير
سمير.... زوجتي بتحكي عربي رح تتعودو عليها
ام انور.... كيف هيك يا حبيبي ما خليتنا نفرح فيك
سمير ... صار الي صار وصارت زوجتي معلش سامحوني
مسكها من ايدها
