رواية ظننته حبا الحلقه الثالثه بقلم سحر السحرتي حصريه وجديده

رواية ظننته حبا الحلقه الثالثه بقلم سحر السحرتي حصريه وجديده 
وحضرتك مفكر اني هخرب بيتي و انولها غرضها ابقى مطلقه زيها وطبعا مفكره ان زي ما اهلها لقوا واحد اهبل برياله يقبل ببنتهم ما فيش مانع اني كمان الاقي واحد زيك 
امسكها فهمي من زراعها بعصبية 
ناهد انا ما اتعودتش امد ايدي على واحده ست ما تخلينيش اعملها معاكي احنا بنتكلم و بنتناقش بلاش حد فينا يغلط ويطول لسانه على الثاني خلينا نحترم بعض والتعامل يكون متحضر سواء كملنا او انفصلنا 
واضح انك مخطط للموضوع صح و عاوزني اقول لك طلقني بس عمري ما هنفذ اللي في بالك انت وهي اما اشوف العدل اللي هتنفذه بينا هيبقى شكله ايه وطبعا ليا شروطي
بقلمي سحر السحرتي 
انت عارفه ان ما حدش يتشرط علي
انت مش من حقك تتكلم هتوافق على كل شروطي يا اما هعمل لكم ڤضيحه انت والست هانم خطافة الرجاله واقول انكم كنتم ماشيين مع بعض حتى وهي متجوزه وطبعا الف مين هيصدق وهو مغمض واكيد طليقها منهم 
انت ازاي بقيتي كده انا حاولت نتفاهم بهدوء ده حقي مش بشحت منك
ربنا ما يوريك الست لما بتدبح بسکينه واحده ثانيه وخصوصا ان ما لحقناش نعيش مع بعض وبنتك لسه سنتين جاي دلوقت تتجوز قصرت معاك في ايه فهمني 
ما قصرتيش بس قلبي مش بايدي دي اول حب ليا
ولما هي اول حب اتجوزتني ليه وعايز تظلمني
قلت اكمل حياتي واعيش بما اني خسرتها بس اول ما عرفت انها اتطلقت ما قدرتش 
كانت ناهد تحترق من الداخل لكنها ترتسم القوه امامه فها هو زوجها الذي عشقته من اللحظه الاولى التي راته وهو يتقدم لخطبتها يذبحها ولا يهتم سوى بنفسه كطبع باقي الرجال الانانيه المطلقه ولكنها قررت ان تصبح امراه قويه لها و لابنتها اكملت 
خلاص يبقى اخذ حقي وتسمع شروطي
اتفضلي بس يكون بالمعقول 
لو الوضع ما عجبنيش هتطلق واخذ كل حقوقي وزياده شويه زي انت ما قلت
حقك ايه كمان
لو اطلقنا اكيد من حقي اتجوز زي البرنسيس بتاعتك 
ناهد لو سمحت من غير ما تغلطي فيها 
انا ما غلطتش موافق على الشرط ده 
ازاي عايزه تتجوزي وبنتي يربيها راجل غريب
ضحكت ضحكه ساخره
امال انت هتعمل ايه مع بنت المدام عموما هو مين قال لك ان في حد غريب هيربيها
مش فاهم 
لو اتطلقنا اكيد مش هخليها تعيش مع زوج ام وما افتكرش هلاقي واحد لقطه زيك يرضى يربي عيال غيره
انت بتقولي ايه عايزه ترمي بنتك عشان تتجوزي انت ام ازاي 
هو انت عايز تتجوز و تتبسط و عايزني اترهبن على بنتك هو لما اقول لك هديها لك تقول لي بترميها هو ده اللي عندي في حاله طلاقنا وما تخافش هحاول استحمل الوضع قبل ما افكر في الطلاق 
موافق
بقلمي