رواية زهره لا تدبل الفصل الرابع عشر بقلم الكاتبه أماني سيد حصريه وجديده

رواية زهره لا تدبل الفصل الرابع عشر بقلم الكاتبه أماني سيد حصريه وجديده
كانت مليكه تجلس داخل الفصل تبكي اتى والدها مسرعا كي يعلم ما بها لكنها رفضت ان تحكي له ما حدث معها اتت زهره مسرعه اليها لتعلم ما بها ورفضت ايضا ان تقول لها مليكه ما بها فطلبت زهره من ساجد ان يخرج حتى تستطيع ان تتحدث معها بمفردهما فهي خمنت في شيء وارادت ان تتاكد منه
استاذ ساجد لو سمحت ممكن تدفع بره وتسيبني اتكلم مع مليكه في موضوع مهم
انا باباها ومن حقي افهم في ايه
10 دقائق بس بعد اذنك وانا هتكلم معاعا وهرجعلك مره تانيه لو سمحت عشر دقايق بس
طيب انا هستناكم في المكتب عشان تفهموني في ايه
ذهب ساجد الى مكتبه وجلست زهره برفقه مليكه حتى تتاكد من ظنونها
مالك بقى يا مليكه في ايه بټعيطي ليه يا حبيبتي
ما فيش حاجه
احنا هنخبي على بعض برده مش احنا اتفقنا ان انت تعتبريني زي ماما يبقى انت بقى كنت بتكدبي عليا
لا ابدا بس بس
بس ايه
وقفت مليكه واشارت لزهره بوجود بقعه صغيرة في ملابسها
طيب انت عارفه ايه ده البقعه دي
لا
بصي يا حبيبتي كل البنات بيجي عليها سن معين وبيبلغوا بيبقى سنهم خلاص كبير وبيبقوا انسات فطبيعي ان كل شهر بيحصل لهم حاجه زي كده
يعنى ايه
يعنى دلوقتي انت بقيتي بنت كبيره
و جسمك بدأ يتغير زي ما كل البنات بيتغيروا ودي حاجة طبيعية بتحصل لكل بنت لما بتكبر.
يعنى ده طبيعي
اه طبعا استنى ثوانى هنا انا جايالك تانى
ذهبت زهره واتت بمعطف خاص بها واعطته لمليكه وذهبت معها التواليت ثم ساعدتها فى تنظيف ملابسها
بس كده يا ستي احنا كده خلاص حلينا المشكله واعملي حسابك ان كل شهر في نفس الميعاد هتجيلك البريود ولازم دايما تكونى عامله حسابك ومعاكى فوطه صحيه
شعرت مليكه براحه عندما علمت أن ما بها امر طبيعي ولكنها كانت تخجل أن تتحدث مع ابيها
طيب مس زهره دلوقتي بابا عايز يعرف في ايه وانا مكسوف احكي له ممكن تقولي له انتى
ماتتكسفيش يا حبيبتي ده امر طبيعي
عشان خاطرى انا هتحرج أكلمه
حاضر انا هتصرف
شكرا أوى يا ميس عن اذنك هسيبك تروحى تبلغيه
شعرت زهره ببعض الاحراج من حديثها مع ساجد فى موضوع هكذا يخص مليكه ماذا تقول له وإذا رفضت ستشك مليكه في حديثها فى النهاية قررت الذهاب له وتوضح له أن يجعل أحد من عماتها او خالتها يتحدثون معها ويحاولوا التقرب منها
ذهبت زهره لمكتب ساجد وطرقت الباب وأذن لها ساجد بالدخول
استاذ ساجد حضرتك فاضى محتاجه اتكلم مع حضرتك
اماء لها ساجد رأسه بنعم واشار لها بالدخول
بصراحه يا استاذ ساجد انا كنت حابه اتكلم مع حضرتك بخصوص مليكه
ملها مليكه عرفتي هي بټعيط ليه
بدأت زهره تتحدث بتوتر ولجلجه
اه يعنى هو