حياه فيما يرضي الله الحلقات121 حتى 125 حصريه وجديده
حياه فيما يرضي الله الحلقات حتى 125
حصريه وجديده
الميساج جبدت المفتاح خلاه بابا عندي فتحت الباب ودخلت لقيت كلشي نقي مي حبيت نعاود نفرز الحالة فتحت التواقي باه تتهوا الحالة عارفة ميقدرش يفتحهم ويخليهم اي درت ميناج خفيف وغسلت لماعن لقيتهم شوي ممفروزينش كي خلصت صليت وقتي ودخلت لبيت ماما نشم ريحتها بكيت ودعيت وتوحشت تفكرت ودكرت وضحكت هدي كامل المشاعر والاحاسيس فاتت عليا في ديك الدقيقة نضت غسلت وجهي ودرت شخشوخة بالحم لخروف ودرت مسيتون عارفة بابا يحبه طفيت على البرمة كي طابت وفرزت لماعن لخدمت بيهم بعدما غسلتهم طبعا رحت لبيتي لقيتو نفسه تكسلت شوي حسيت ظهري تقسمت مع اني مفورصيتش روحي بالخدمة وتفكرت بلي ليغاقل عندها مدة مجاتني شكي زاد اصلا كنت شاكة من الاول وكدبت روحي قلت والله نبعت لولاد يشرولي تاسث وهداك مكان طلعت لسطح لقيت ولاد جارتي يلعبو في سطح نتاعهم بعتعم مطولوش وجاووو هبطت نجري درتو خرجو زوز خطوط الفرحة كانتفرحاتين قلت كون تجيني طفلة نسميها باسم ماما واني حامل قلت بلاك نستغل ضعف اويس بالحمل وجبت تلفون باه نعيطلو مي مقدرتش كون نعيطلو ونعفس على قلبي تضيع كرامتي ونندل ملا نخليها للوقت وخلاص بالرغم انو من حقو يعرف لعشية بعدما صليت المغرب بشوي سمعت المفتاح عرفتو بابا هو دخل وبقا قدام الباب مخلوع حسابلو دخلوا للدار ولا منعرف عيط اية خرجت نجري عندو قالي عرفتك نتي شميت طياب المرحومة عنقتو وبكيت قالي ربي يرحمها نغسل يدي ونجيك ليوم تتهلا فيا بنتي ضحكت معاه ورحت نوجد الطابلة الحق جات بنينة تهبل مع جات حارة والبنة في الحار جا بدينا ناكلو ومجمعين ومقصرين سهرنا جوايه لحداش قالي الثلث الاخير من الليل نوضوللقيام الليل وندعو للمرحومة وغدوة نشاله نزورو قپرها انا فرحت قالي والا معندكش مانع غدوة نهار مليح الا راكي بخير نجيبلك القضيان وطيبي ونديها لجامع ونفرقو لجوراين صدقة على يماك بلاك نلقاوو واحد جيعان واحد عندو مدة مداقش الماكلة في فمو خفت منقدرش مي قتلو ايه ميش مشكل على ماما حاجة متهون والاعمار بيد الله لكان ولد ولا بنت الدنيا راح يعيش ميش الخدمة ترجعو ولكان مولدش الدنيا اويرفد ربي امانتو بالرغمانو قلبي كان يقول على عكس هدا الشئ كما كان الحال فليل قمنا الليل وكي أدن الفجر صلينا قالي انا نصلي فالجامع ونتي ريحي شوي ودوك كي نرجع نجيب القضيان في ايدي قتلوا ايه وهداك مكان رقدت شى زوز سوايع
الجزء 122
ولا ثلاثة وجا ينوضني قالي ساعة وانا نعيط عليك تقول ډخلتي في سبات قتلو والله مسمعتك قالي واين تسمعيني ونتي ډخلتي في ديوان الاخرة وضحك تبسمت معاه ونضت قالي ايلا باغية نعاونك معليهش قتلولالا ساهل قالي ديري كسكسي اي بديت نقشر في الخضرة كي خلصت قليت البرمة مليح ومرقت رجعت لكسكسي فورته مليح حتى رطاب وخليت المرقة طيب بعقلها انا صليت صلاة الضحى وقريت سورة الكهف وحطيت سورة البقرة وبقيت نرتل معاها جوايه ل طاب كلش عيطت لبابا قالي وجدي في قصعة واني جاي دوك قتلو ايه بديت نوجد وكيف العادة درت برمة صغيرة فيها المرقة زدت طبقت بابي سرفات في صحن واسع وحطيت المغارف لكاينين مجيت نخلص تقسم طهري هو جا سلملي على راسي ورفدهم قالي بنتي الفحلة واحد ميسبقك في الفحولة قتلو واجبي هو راح وانا رجعت فرزت الكوزينة ورميت
