رواية عايزين يجوزوني الفصل الاول بقلم كيرلس فيليب حصريه وجديده

رواية عايزين يجوزوني الفصل الاول بقلم كيرلس فيليب حصريه وجديده 
الفصل الاول
انا في تجربة غريبة جدا
مش فاهم ايه اللي بيحصلي بس خاېف جدا
الحكاية ابتدت لما صحيت من النوم انهارده
بفتح عنيا عادي لقيت وش وحده جنبي اټرعبت انا مكنتش شارب امبارح انا كنت فاكر اني نايم عادي
ودققت في ملامحها افتكرت مين دي قبل ما هي تصحي
اټرعبت دي ندي
طبعا فاكرها من ايام طفولتي كنت بخاف منها في الحضانة كانت عاملة ذي الشاويش
كانت بتجري ورايا وانا في kg1 اني لازم لما اكل احط الفوطة واغسل يدي
وكانت بتخوفني
لدرجة اني فاكر اني بكيت من تصرفاتها مرة دي مجنونه
وكان عليها بصة كانت بترعبني
مكنتش طفلة ابدا
هي طفلة مفترية
لثواني قعدت احاول افتكر ايه اللي جابني في المكان ده
لكن هي صحيت
صدمتني بتقولي مصاريف العيال لازم تتدفع انهارده
قولتلها عيال مين
ودي فتحت في وشي
انت مش مسؤول انت طول عمرك سلبي انت دايما عايش في مية البطيخ
وانا بجد مش فاهم هي بتتكلم عن ايه وايه اللي جابها جنبي وانا اصلا ايه اللي جابني في اوضتها
بعد شوية جالي عيلة حلوة كده عسولة باستني وقعدت في حضڼي ڠصب عني
وانا مش فاهم مين دول
وبعد ما اتمحلست لي شوية قالت لي هات الفلوس
انا ببساطة قولتلها فلوس ايه ياحبيبتي
البنت ولا كأني اتكلمت
وقامت من حضڼي في هدوء ومسكت بنطلون كان معلق علي الشماعه وخدت منه فلوس وانا مبسوط انها بعدت عني لاني خفت منها
وبعدين جت لي وفي يدها خمسين جنيه وقالت لي
بابا انا قلبتك في خمسين بلاش تعترف لماما من اول قلم وجريت
وانا مش عارف مين بنت اللمضة دي ولا هي قلبت مين
بعدين جت ندي تمسك نفس البنطلون
وبصت لي
انا تعبت منك بجد مش عارفة اعمل ايه في حنيتك دي كل يوم البنت تتمحلسلك وتقلبك وانت مفيش فيك امل انا مش عارفة أخرت اللي بتعمله ده ايه
عايز تطلع بابا الحنين وانا ماما الشريرة
حسبي الله ونعم الوكيل فيك
وانا قاعد مذهول ومش فاهم اصلا هي بتحكي ف ايه ولا مين بابا ولا اي بتنجان من اللي هي بتقوله وخاېف منها وبس
وفجأة ظهر قدامي ٣ بنات وولد عسول كده دخلوا الاوضة وانا قاعد بالبوكسر مكسوف منهم وحاسس اني عايش في محطة مصر مش في اوضة نوم
وكله بيقولي يابابا
فأنا خدت موقف بابا مين ياعيال
انتوا تبع مين ياحبايبي قالوا لي بابا انت ياحبيبي
قولتلهم والله بجد وحياة امكم
دخلت ندي وقالت لي ليك حق تنسي عيالك ماانت بتشوفهم بالصدفة
وانا في ذهول عيالي من مين
قالت لي ماانت ليك ١٣ سنه متجوز عايش بيه زاير في البيت ليك حق تنسي مراتك وعيالك
انا انبسطت الصراحة
قولتلها يعني انا جبت دول منك انتي
ده انا راجل عظيم بجد ده تتحسب لي
بس لمؤخذه عملتها ازاي
بصت لي وهي واضح عليها انها هتتحول
وفجأة بدون مقدمات لاحظت