رواية إكتفيتُ بها رُسلان الچارحي تيَّا عزام الفصل الخامس الفصل الرابع حصريه وجديده

الفصل الخامس
قاعده على الكنبة قدام الشاشة مركزة على مسلسلها التركي لابسة شورت إسود قصير و بادي حمالاته رفيعة بلون أحمر غامق ناسب بشرتها البيضا شعرها الطويل مفرود على أكتافها بعد ما فردت تموجاته عند الكوافير حاطة ميكب جريء وراسمة عينيها بكحل إسود داكن و الروچ أحمر إتفتح باب الڤيلا ف عرفت إنه جه إبتسمت بخبث و فردت رجليها قدامها على الطرابيزة و هي بتبص للمسلسل بتركيز رهيب دخل رسلان و أول ما شافها صفر بإعجاب و قف قدامها و رمى المفاتيح على الطرابيزة وقال بمكر
إيه الأحمر اللي قاعد عندي في الڤيلا ده تصدقي طول عمري بيقولوا عليا وطني وبحب أشجع بلدي .. و علم بلدي .. و مزز بلدي!!
قال و هو بيميل عليها وبيحاصرها بإيديه ساندهم جنب راسها ف بصتله بضيق و قالت بصوت خاڤت
سرسجي!!
ضحك بصوت عالي ضحكة رجولية و بصلها و عينيه بتاكلها و هو بيرجع شعرها ل ورا
ماشي هعديهالك!!
و ميل عليها أكتر و كل اللي في دماغها يبوظ الروچ الڼاري اللي حطاه ده ف حطت إيديها على كتفه بسرعه و هي بتقول ببرود
رسلان عايزه أتفرج على حلقة المسلسل التركي بتاعتي إبعد شويه لو سمحت!!
بصلها پصدمة و ميل براسه و هو بيقول
نعم يا روح أمك مسلسل تركي إيه دلوقتي ده أنا اللي عايش في مسلسل تركي!!!
مش بهزر بجد إبعد مش شايفة البطل منك!!
قالت بنرفزة طفولية ف قال و هو بيتشرب ملامحها
طب والله ما في بطل غيرك!!!
وبعدين بقى في قلة الأدب دي!! تعالى بس أقعد إتفرج!!
قالت و هي بتمسكه من دراعه و بتقعده جنبها ف قعد فعلا بقلة حيلة و هو بيغمغم
ماشي يا بنت عزام خليني وراك للآخر!!
لسه مش عارف يستوعب إنه بيجاري مراته عشان ينول رضاها بس و تحن عليه! إبتسم بسخرية و بصلها و تاه في ملامحها و بينما هي مركزة في المسلسل كان هو مركز عليها ف بصتله تيا بإبتسامة مش بريئة إطلاقا و ميلت عليه ف إتوسعت عينيه و هو بيقول
يا فرج الله!!
كان فاكر إنها هتحضنه بس راحت كل أحلامه على الأرض لما مدت إيديها و را ضهره و خدت الريموت و علت على المسلسل و هي بتحاول بصعوبة تكتم ضحكتها مسح على وشه بمنتهى العڼف و هو عايز يمسكها و يكسرها في بعض فقد كل صبره و مسك دراعها و هو بيقربها لصدره ف شهقت بدلع مقصود جدا فقال بعصبية
ورحمة أبويا و أمي هتهور عليكي!!
مالك يا رسلان إنت كويس!
قالت بقلق زائف و هي بتمسد على خده ف غمض عينيه و عقلها البرئ مش هيعرف هي بتعمل في إيه بلمستها دي حاوط خصرها و
هو بيقول بمنتهى الجدية
أحضنيني!!
بصتله پصدمة حقيقية لو كان حد من المستقبل جه و قالها رسلان الچارحي هيطلب منك بلسانه حضڼ بس مكنتش هتصدق و رغم كدا إبتسمت بمكر و هي بتمسح على دقنه الخشنة
رسلان بلاش شغل عيال بقى!
قالت بإبتسامة مستفزة و هي قاصده تردهاله زي ما كانت بتترمي في حضڼي و هو اللي يقولها بلاش شغل عيال ف ضيق عينيه و هو بيقول بضيق
يعني بترديهالي
بردلك إيه بس
قالت و هي بتشيل إيده من على خصرها و بتقول بإبتسامة
هقوم أحضرلك الأكل يا حبيبي!!
رجع راسه لورا و غمض عينيه لما مشيت من قدامه بيحاول بصعوبة يسيطر على أعصابه و هو سامعها في المطبخ بتدندن بصوتها العذب
أنا هعمل فيك جميلة .. عارفاك قليل الحيلة .. وبجد صعبت عليا!!!