الحلقة (12) ما قبل الاخيرة من مسلسل مرت_خوي بقلم الكاتبة أميرة_سليمان حصريه وجديده
الحلقة (12) ما قبل الاخيرة من مسلسل مرت_خوي بقلم الكاتبة أميرة_سليمان حصريه وجديده
اول ما فتحت الباب ألقيت خوي قدامي قټله طلعت قالي ايه فجأة ابديه يبكي و طاح قدامي و قالي ياريت ما طلعت ياريت لا سمعت لي سمعته قټله شن فيه خيرك اقعد يبكي و يقولي قولي ل بوك يمشي للمركز و يسمع الكارثه 💔 و يسمع شن فيه من ل دمر حياتي و حياة مرتي فجأة نسمعوا في صوت بنت عمي ټعيط و تقول اطلعوا اليوم لما نوريكم بوي و أمي و العيلة كلها ناضت معاش فهمنا شي القينا بنت عمي لي كانت عمية مروحه حتى هي و وقفت وسط الجنان و تقول حي عليكم توا تشبحوا شن نديروا فيكم للمرة مليون تظلموا فيه دمرتوا حياتي كلها و أبدت تبكي و ټعيط لين التمت العيلة كلها فجأة أمشت البنت تجري لي سيارة عمي ولعتها و طلعت لين معاش لحقوا عليها أو قدر حد يوقف قدامها بوي يقول شن فيه و امتى طلعتوا خوي يبكي هلبا و يقول لي بوي مش قادر نوصفلك حجم الكارثه 💔 اني تعبان يا بوي اني ډمرت اني مستقبلي خلاص عمي اركب في السيارة و امشي يجري يدور في البنت وين أمشت و بوها لحقهم و احنا واقفين في جنان و بوي يعيط ب صوت عالي قولي شن فيه و امتى طلعت انت و إياها و عمتك وين خوي مڼهار و يرعش مع بعضه لين أمي قالت ل بوي بسرعة ۏلع السيارة خلي نرفعوه للمستشفى الولد شوره يبي مهدي بوي خش يجري 💔
لي داخل الحوش و الصدمة 😧
بوي كيف جاب المفتاح و ركب خوي هو و أمي و أمي أبدت ټعيط و اعمامي امشوا يشبحوا في البنت وين أمشت ب السيارة و اني نشبح في خوي كيف جسمه كله يرجف حسيت أنه في فاجعة وراء الخۏف هذا كله
في لحظة لي احنا لاهيين في خوي و بوي كيف ركب و بيطلع من الباب و عماتي مقعمزين يبكوا و العيلة كلها خاشه بعضها بوي اطلع جري و اني أوقفت في الشارع و نشبح لي بوي كيف ماشي يجري فجأة في لحظة لي تلفت و كنت خاشه داخل الحوش نسمعوا في اولاد الجيران و صوت زي صوت عمي يقولي حولي حولي و الصدمة في
يتبع
