اسكريبت في حضڼ الخېانة بقلم الكاتبة منار الشريف حصريه وجديده

اسكريبت
في حضڼ الخېانة
بقلم الكاتبة منارالشريف حصريه وجديده
الخېانة مبتجيش فجأة. الخېانة بتبدأ من أول كلمة مكانش لازم تتقال. مفيش ست بتحس بالخېانة صدفة دايما في ريحة غريبة بتدخل من شباك قلبها قبل ما تكتشف الحقيقة وغادة كانت من الستات إللي قلبها رادار بتحس بكل شيء من قبل ما تشوفة أو تعرفة.
غادة متجوزة من حازم بقالها ٩ سنين. حبته من أيام الجامعة وحاربت الدنيا عشانه. أهلها كانوا شايفينه شخص مش طموح وعلى قده بس هي شافت فيه حلم وحب كبير. وبعد ٩ سنين الحلم ده بقى كابوس من كام شهر بدأت تحس إنه مش هو نفسه حازم جوزها وحبيبها. الضحكة إللي كانت طالعة من قلبه بقت ضحكة بلاستيك من غير روح وحضنه بقى بارد حتى طريقة لبسه اتغيرت بقى يهتم بلبسه وبشعره وشكله بشكل مبالغ فيه وبقت تاخد بالها إنه بيفضل يبعت رسايل كتير وهو قاعد جنبها.
في ليلة من الليالي كانت غادة في المطبخ بتعمل شاي وحازم سايب موبايله على الترابيزة. اهتز تليفونه برنة رسالة على الواتساب من اسم ميمي. هي عارفة كل أصحابه وزميلاته في الشغل بس ميمي دي مين
فتحت بسرعة قبل ما يدخل ولقت الرسالة
مش قادرة أستناك أكتر. وحشتني مۏت ووحشتني نارك!.
إيدها سقعت وقلبها دق بسرعة. مين دي إللي مستنية على ڼار حست غادة أنها عايزة ترمي الموبايل من الشباك وترميه وراه بس لقت نفسها بتصور الشاشة ووقفت تتنفس بصعوبة ولسه بتحاول تلم نفسها سمعت صوت حازم داخل.
غادة بهدوء قبل العاصفة 
مين ميمي دي يا حازم.
حازم اټصدم وكان متلخبط وبيحاول يضحك علشان يدار صډمته ميمي مين لاااا دا اسم جروب يعني زي هزار كده بيني وبين أصحابي!.
ردت عليه غادة بابتسامة مره
اسم الجروب رجالي! ميمي.
حازم سكت وغادة حسيت أنها خلاص دخلت على أول سكة الۏجع ويمكن كمان الفراق. الۏجع مش جديد لأن غادة شافت الخېانة قبل كده في بيت أهلها. أمها عاشت مع راجل خاڼها قدام عيونها ورديت سكتت وكانت دايما تقول لها
الست إللي تهد بيتها بإيدها تبقى غبية والست إللي تسيب راجلها لمرة واحدة مش هترجعه تاني أبدا.
الكلام ده بيرن في ودنها وهي واقفة قدام حازم. هل تسكت وتبلع الأهانه والۏجع زي أمها ولا تقلب الدنيا عليه
غادة منامتش طول الليل كانت نايمة جنبه على نفس السرير بس حاسة أنها نايمة على شوك وهي متخيلة جوزها بينام في حضڼ واحدة تانية غيرها. الموبايل في إيدها بتقلب في الشات كله إللي حولته من غير ما يعرف على رقمها.
ولما فتحت الصور الدنيا اسودت قدامها. صور فيديوهات كلام ميتقالش بين راجل وواحدة غريبة عنه. مش واحدة غريبة قوي!! لما ركزت في الصور حست إن الوش ده مش غريب عليها. فين شافته قبل كده
وقعدت تدقق لحد ما اكتشفت..... ميمي