رواية لما آنت الفصل الرابع بقلم الكاتبه دنيا محمد حصريه وجديده

رواية لما_آنت الفصل الرابع بقلم الكاتبه دنيا محمد حصريه وجديده 
تاني يوم الصبح صحي سيف من نومه وكانت همسة نايمه في حضنو ابتسم وافتكر ازاي هي كانت جميلة ورقيقة وانها فعلا احلي من مېت واحدة يعرفها قرب منها وباسها علي خدها
همسة بضيق.. بس بقا عايزة انام
سيف بضحك.. تنامي اي تاني احنا بقينا بعد الضهر.
همسة بنوم.. مش قادرة عايزة انام
سيف بوقاحه.. الصراحة حقك
همسة بتحذير.. بطل قلة ادب
سيف شدد علي حضنها.. طيب يلا قومي عشان تستحمي
همسة بكسوف.. لا قوم انت الاول
سيف بخبث.. ليه ي حياتي
همسة.. يووه ي سيف يلا بقا
سيف بضحك.. خلاص حاضر
وقام سيف من علي السرير ودخل الحمام وهمسة لبست روب واستنتو يخرج
خرج سيف وهو لابس بنطلون بس
همسة دخلت تستحمي وسيف لبس تيشرت وسرح شعره وحط برفان
همسة خرجت وهي بتمشي بتعب
سيف مسك ايديها وباسها.. تعبانه ي حبيبتي
همسة.. لا هو شوية بس وهبقا تمام
سيف.. طب يلا عشان نطلع نفطر مع ماما
همسة.. سيف.. هي فعلا شهد احلي مني ونت بتحبها
سيف بتنهيدة.. لا طبعا ي همسة انتي مفيش اجمل ولا احلي منك انتي زي القمر ونا مبحبش شهد انتي عارفة اني كنت ببقا مصاحب البنات دي تسلية مش اكتر
همسة بهدوء.. وهتفضل مصاحبهم!
سيف.. بعد ما بقيتي علي ذمتي مفيش حد هيخصني 
انا بحبك من ونتي قد كده ي همسة وكده ولا كده كنتي هتبقي ليا
همسة.. اكيد مانت مكنتش هتحب اني اكون لحد تاني ويلمسني
سيف قرب منها بعشق وقال.. بحبك من ونتي ف اللفة ومكتوبة عليا ومربيكي بايدي اديكي لواحد تاني مضمنش يحافظ عليكي فعلا ولا لاء وبعدين انتي ل سيف وبس فاهمة
همسة هزت رأسها بابتسامة
وطلعوا مع بعض عشان يفطرو
سميحه بحب.. صباح الخير ي ولاد
سيف.. صباح النور ي ماما معلش نمنا وصحينا متاخرد.
سميحه.. براحتكم ي حبيبي انهاردة صبحيتكم اصلا ياعني تصحو وقت ما تحبو
همسة.. منقدرش نسيبك تفطري لوحدك ي خالتي
سميحه بحب.. حبيبة خالتك انتي
وفعلا قعدوا يفطرو
سميحه.. ام ياسر صاحب السوبر ماركت هتيجي تباركلكم كمان شوية
همسة.. ماشي ي خالتي مع انها مكنش لازم تتعب نفسها كفاية الي عملتو يوم الفرح
سميحه بضحك.. دانتي قضتيها رقص يابت انما اي تحفه
سيف بتركيز.. هي بتعىف ترقص
همسة اتوترت وردت سميحه
_طبعا بتعرف ترقص دي طلعت اي حكاية ف الرقص
سيف بخبث.. امم هنشوف
سميحه.. والواد هيثم ماسك الورشة انهاردة ولا ايه ي سيف
سيف.. ايوة ي ماما هيفضل ماسكها اسبوع كده عشان انا لسه عريس بقا
سميحه.. ربنا يسعدك يابني
في الورشة كان هيثم بيشتغل ولابس فنلة قط وعرقان