رواية عشق الزين الجزء الثاني البارت السابع عشر والثامن عشر بقلم الكاتبه زيزي محمد حصريه وجديده

.
واحد من رجالة زين كله تمام يا باشا .. نص المزرعة اتحرق وسيبناله ورقه فى مكتبه .
زين طيب ...تمام ..خليك معايا على تليفون .
مراد جه وقعد جنب زين .
مراد حضرتك هوشته كمان ومتقوليش.
زين سكت ومردش عليه ومراد فهم ان زين زعلان منه .
مراد حضرتك زعلان مني .
زين انت شايف ان المفروض ازعل ولا لأ.
مراد سكت ومعرفش يرد هو معترف انه غلطان .
زين رد عليا ...رد يا كبير يا اعقل اخواتك ..لما اخوك الصغير عز يشوفك وانت بترقص مع رقاصة كدا يبقا يقلدك بقا...انت المفروض تكون قدوة ليهم ...زي مانا كنت قدوة ليكوا طول عمري ...عمري ما عملت حاجة تغضب ربنا ....انت تعرف انك هنت نفسك يا مراد وهنتيني وهنت مراتك قبل دا كله ....مش علشان تغيظها وتضايقها يبقا تحرجها بالشكل المهين دا .
مراد غمض عينيه بعصبية اول مرة زين يتكلم معاه بالطريقة دي .
زين اتمنى انك تراجع نفسك ... اتمنى انك تعتذر لمراتك .
مراد . بابا ...حضرتك بتقولي مراتك ...مراتك ..انت عارف كويس انه على الورق ..وفترة وهاتعدي وهاطلقها ...انا محبتهاش علشان تكلمني كدا واخاڤ على زعلها .
زين زمان كنت بحاول اسيطر على مشاعري زيك كدا ...واحاول اتحكم في نفسي ومنجذبش لامك ...بس وقتها عمك مراد قالي كلمة حكمة .... سيب نفسك وبطل تسيطر على مشاعرك ...وقتها انا كنت بحبها بس من كتر مابتحكم في نفسي كنت حاسس اني تايه زيك ...زي حالتك دي بالظبط ...فانا بقولك بطل تكدب على نفسك وعليها وسيب نفسك لمشاعرك يا مراد انا متاكد ان حبك مش هايزيد لا دا هايضاعف وهاتعشقها ...انا قايم انام ربنا يهديك يا ابني .
في الشرقية وتحديدا مزرعة يوسف .
يوسف قعد على الكرسى بتعب وفى ايدة ورقه مكتوب فيها زين الجارحى ماشي يا زين .....والله لاندمك اشد الندم ...اهدى عليا .
شوكت الخساير كتير ...ونص محصول الاراضي اتحرق .
يوسف بس سبني دلوقتي لازم اهدى علشان اعرف افكر صح .
شوكت طيب.
عند ليان .
ليان ببتتكلم مع هنا في التليفون .لا دا يخوف فعلا .
هنا والله انا اټرعبت ...الراجل دا كان غريب اوي .
ليان وعطتيله التليفون بتاعه .
هنا لا طبعا ..خۏفت وجه اسر وكان فاكرني بتجسس عليه ...الله يخربيتك يا كاميليا هيا السبب .
ليان هيا السبب ليه .
هنا ماهو فريد دا نسي تليفونه على الترابيزة وكاميليا مش بطقيه قالتلي اديله تليفونه انتي .
ليان وكاميليا بتكرهه ليه .
هنا معرفش ...هابقى اسالها .
ليان طيب هاتعملي ايه .
هنا مفيهاش عمل ..انا لايمكن اروح عندة تاني ...بقولك حړق ابنه پالنار بكل غل والواد عمل بيبي على نفسه والبيت كله متكسر حواليه ..انا هاعطيه لكاميليا وهيا تتصرف.
ليان يبقا احسن بردوا .
هنا طيب هنام .. اصل انا فصلت .
ليان اوك ....اشوفك بكرة .
ليان قفلت مع هنا وجالها رسالة فتحتها لقت ..نفس الرقم اللى بيبعت رسايل ليها ..استغربت وفتحتها ..كنتي جميلة جدا انهاردة ...بحبك يا اغلى حاجة عندي .
ليان كنت جميلة ...يعني ايه كنت جميلة دي ...قصده ايه .... طيب مين ...انا مش فاهمة حاجة ..لا بس ممكن حد يكون باعتها لحد وهو شافها ...ايه التوهان دا ...لا انا احسن حاجة مفكرش .. ..طب اتصل على الرقم ...لا ممكن واحد يكون بيعاكس ..هو ممكن يكون عمر ..لا لا شيليه من دماغك هو قالك انتي زى اختي ..انا انام احسن .
على البحر كاميليا قاعدة بتشرب عصير الفروالة