مسلسل حماتي الحلقه الاولى بقلم الكاتبه اميره سليمان حصريه وجديده
مسلسل حماتي الحلقه الاولى بقلم الكاتبه اميره سليمان حصريه وجديده
في يوم زواجي جتني هدية للعرس مميزة فرحت بيها من حماتي و صديقتي في نفس الوقت البنت ل قريت معاها و صديقة طفولة و اخت حبيبي الهدية كانت نأخدوا الاستراحة امتاعها لي تأجر فيها للمناسبات و نقعد فيها اسبوع و كان احلى اسبوع و احلى هدية لي عرسي بحكم روعة الاستراحة و جمالها راجلها ساعتها كان مسافر برا البلاد ليه شهر حتى عرسي مش عارف عليه شي لين في ثالث يوم بعد العرس فجأة مع ساعة 3 في ليل نسمعوا غير في باب الاستراحة قريب يتصكر ناض راجلي افتح القى راجلها برا قاليه شن ادير أهنا من اعطاك اذن فيها طلعت اني و راجلي مصډومين طريق كلها مش عارفين علاش تصرف هكي في الصبح جت حماتي تعتذر مني و كانت مش على بعضها حطت ولدها عندي قاټلي ماشية شويه و بنرجع قعدت اني و الولد مقعمزين مش فاهمه شن قاعد ايصير كانت شاده ايديه ب القوة و تقولي سامحيني با الله عليك و أمشت فجأة هكي .....ياريت ما عرفت السبب ياريت..
الحلقة (1) احداث خاصة
من مسلسل
حماتي
الكاتبة
أميرة سليمان
بعد عرسي ب ثلاثه ايام بس في اسبوع عرسي و اني عروسة قعده جتني حماتي جابت ولدها كانت تبكي و زعلانه على خاطر راجلها طلعنا من الاستراحة امتاعها
بعد ما عطتها لينا هدية العرس جتني قاټلي شوية و نجي قعدت مع الولد ندير ليه في حاجات في مطبخ لين جاني هاتف راهو حماتك ماټت مش عارفه كيف حتى بنقول
للولد ابديت نرعش مع بعضي خديت الولد و طلعت بيه بسرعة و الصدمة كانت
راجلي قالي اختي شانقه روحها و ألقيت العياط و الدنيا خاشه بعضها و شرطة جتنا صدمة مش عارفين شن سبب ب الزبط
رفعوا راجلها و فتحوا تحقيق فات شهر و شهرين من عرس خشيت في عزاء و حزن لين اقعدت أربعة شهور و اني عروسة في حوش عزوزتي حتى حوشي معاش امشيت
لين فاتوا خمسة شهور راجلي خلاني في حوش أهله بحكم هي كانت رأس بنت و أمه بروحها فجأة جاني راجلي قالي هي نروحوا روحت لي حوشنا و طريق كلها كان زعلان و مضايق وصلت للحوش كيف جيت ب نضم الحوش كله غبرة قالي راهو سيبي مش وقته قالي راجل اختي يبي يأخد اختك اني طول توترت و عرفت أنه الموضوع حساس راجلي تحسس خاصة أخته ليها خمسة شهور بسلاكن أم راجلي عزوزتي قالت اختك كويسة و ياريت تكون هي أم ل صغار بنتي خير من حد ثاني فعلا اخديه اختي الصغيرة و اختي دارت عرس بس بسيط و صغير روحت قعدت نقلب في الحوش امتاعي جبت عاملة جتني تجري قاټلي ماما هذا تليفونك تفكرت هاتف حماتي كان عند الولد لما جاني و قعد ملوح تحت صالون اخديته حطيته في دولاب قلت توا نعطيه ل راجلي لاكن وين مقعمزة جاني فضول نفتحه حطيته في شحن و من أهنا ن صدمت صدمت حياتي
يتبع
