رواية جاري البحث الحلقه الاولى بقلم الكاتب محمد منصور حصريه وجديده

رواية جاري البحث الحلقه الاولى بقلم الكاتب محمد منصور حصريه وجديده 
لعشاق الچريمة والغموض تدور احداث هذة القصة في كوريا.
انا بتصل علشان ابلغ عن بنتي اللي مش لاقيها. ممكن حد يهتم. ولا علشان انا مجرد موظف بسيط في شركة. من فضلكم دي رابع مرة اقدم البلاغ دة. بنتي مش لاقيها وغايبة عن البيت من تلت ايام. اية الحكاية وهو في اية هقولكم بس انتم تابعوني. ومعايا يارب. يمكن اعرف احكيها واطلعها حلوة زي الفيلم
اصل دي اقتباس من فيلم كوري هقولكم اسمه في اخر القصة.

كتابة واقتباس 
محمد منصور. منص
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ 
بسم الله توكلت علي الله. وهو رب العرش العظيم 
احنا دلوقتي قدام لاب توب وقاعد قدام اللاب اب واسمه سونج وام اسمها ميشا. وكان سونج بيسجل علي اللاب صفحة جديدة لبنته اللي لسة مولودة واسمها اماي وكان بيحط علي الصفحة دي اول صورة ل اماي وهي في حضڼ امها ميشا بعد ولادتها بدقيقة واحدة بس وما تعرفوش قد اية كانت فرحة سونج باول مولدة لي بعد جواز 3 سنين. وتعدي الايام وتكبر اماي وصفحتها علي اللاب بتاع والدها سونج يتملي بصورها في كل مراحل عمرها. لغاية ما توصل اماي ل سن 11 سنه ووقتها تستني وصول سونج من شغله وتقف قدام منه وتقول له
اعترف اني كبرت
ضحكت ميشا وبص لها سونج وقال
هو في اية. هو دة استقبالك ليا. فين الحضن والبوسة بتوع كل يوم
اماي
في الاول اعترف اني كبرت
سونج
اعترف انك كبرتي
اماي
بعد الاعتراف دة. انت المفروض تحقق لي اول امنية من امنياتي
سونج
واية هي الامنية دي
اماي
لاب توب يكون ملكي
ضحك سونج وبص ل ميشا وقال
افتكر ان دي خطة والدتك ميشا
ميشا ضاحكة
افتكر انك في يوم وعدتها بان يكون عندها لاب شخصي بيها
سونج
لما تكبر
اماي
انت اعترفت اني كبرت
سونج
لما تكبري اكبر من كدة.
دبت اماي برجليها في الارض وقالت
لا. انا عايزا لاب خاص بي وبيانو بدل اللي اتكسر
سونج
بقت الامنية امنيتين
قامت ميشا ولفت ذراعتها حوالين رقبه سونج وقالت بكل حب
ومن غيرك في الدنيا يحقق لينا كل اللي الاماني
بص سونج في عيون ميشا بحب شديد وقال
بس 
حضنت ميشا سونج وقالت في ودانه
اماي كبرت ومن حقها يكون عندها لاب خاص بيها
سونج وهو بيلف ذراعته حوالين جسم ميشا
اللاب هيكون عندها بكرة
فرحت اماي جدا وراحت وحضنت سونج من نص جسمه اللي تحت وحضنها سونج اوي 
وتاني يوم جاب سونج اللاب ل اماي وبدا ينقل عليه كل صورها وعمل لها حساب فيس وحساب انستجرام وحساب يوتيوب وما تعرفوش فرحة اماي كانت ازاي. لكن الفرحة دي بدات تختفي بعد بالظبط شهر لما وقعت ميشا من طولها جوة المطبخ وقت ما كانت بتعمل الاكل وجري عليها