رواية في ساعته واوانه الفصل الاول بقلم الكاتبه نشوه عادل حصريه وجديده

رواية في ساعته واوانه الفصل الاول بقلم الكاتبه نشوه عادل حصريه وجديده 
موجود ان شاء الله لو حصل القبول هيكون هنا المرة الجاية ف الاتفاق الاخير
جميل طيب ممكن تكلمنى عن نفسك اكتر 
انا اسمى رامى مهندس مدنى عمرى ٢٧ سنة معيد بكلية هندسة عين شمس وبشتغل ف شركة ديكورات 
هايل ربنا يصلح حالك طيب بالنسبة للسكن يعنى ان شاء الله لو حصل نصيب هتعيشوا فين!
رامى انا الحمدلله عندى شقة كويسة مساحتها ١٨٠ متر بس هى ع الطوب الاحمر واقفة ع التشطيبات وان شاء الله سما هيكون ليها دور كبير ف كده 
ليها دور فى كده ازاى معليش!
رامى اقصد يعنى لما تاخد فلوس الورث بتاعتها هتساعدنى ف تشطيبها 
نعم! انت ايه اللى بتقوله ده!
رامى بتوتر المفروض انى انا وسما اتفقنا على كده هى معرفتش حضرتك ولا ايه يا حاج محمد
محمد ايه ده ما شاء الله انتم متفقين كمان على كل حاجة طب ولزومها ايه تتعب نفسك وتيجى لحد هنا طالما متفقين كنت خليك فى بيتك وانا جيبتها وجيت اتقدمتلك بنفسى
رامى لو سمحت يا حاج مفيش داعى للتجريح ده وبعدين ايه المشكلة لو وقفت جنبى وساعدتنى ف البداية لا هو عيب ولا حرام 
محمد الكلام ده لو كانت مراتك وع ذمتك وبتبنوا نفسكم ايدك ف ايدها انما وانتم ع بر ازاى يعنى ده كلام ناس عاقلة ولا انت يا ابنى مش بتفهم فى الاصول 
رامى لو مش بفهم فى الاصول مكنتش زمانى هنا دلوقتى معاك بطلب ايد بنتك
محمد لا وانت الصادق انت جاى هنا عشان تستغل بنتى هناك فرق 
رامى استغلها ازاى يعنى 
محمد طيب انت فعلا نيتك خير مش كده اكتب ليها الشقة باسمها وانا بنفسى اول ما الوديعة تتفك هجيبها لحد عندك عشان تشطبها
رامى ايه الهبل ده ازاى يعنى اكتب الشقة باسمها هو اى تعقيد وخلاص قول انك مش موافق وخلصنا 
محمد عليك نور كويس انك بتفهمها وهى طايرة انا مش موافق 
رامى پغضب تمام يلا يا امى من هنا لو سمحتى 
بعد ما نزل رامى ووالدته من الشقة ورزع الباب خلفه