رواية عم الدنيا 3 نغم ولعنه 8 من تاليفي محمد منصور منص حصريه وجديده

ح(8)
وفعلا البيت فضي ويجي الليل واحمد وفؤاد شالو السرير وبصو الاثنين للحفرة اللي عملتها نغم بظوافرها
و قال احمد

بسم الله توكلنا علي الله

رواية عم الدنيا 3 نغم ولعنه 8 من تاليفي محمد منصور منص حصريه وجديده 

وبدا الحفر ومع اول ضربه من  احمد بالفاس في الارض سمعوا صوت

وقبل ما نبدأ نوحد الله ونصلي علي خير خلق الله سيدنا محمد.

اللهم صل وسلم علي محمد صلاة تحل بيها العقد وتفك بيها الكرب

سمعوا صوت نغم اللي كانت واقفة قصاد باب الاوضة. اللي فتحته وكان باصة لهم وبتقول

مش هتقدرو تحفرو من غيري. انا المفتاح لكل اللي بيحصل دة

فؤاد استغرب انها دخلت لانه كان قافل بوابة البيت الخارجية بالترباس الحديد فقال

انتي ډخلتي ازاي

احمد
ما تسلهاش لانها مش هتعرف هي دخلت ازاي دة شغل جن

وبعدها بص احمد لنغم وقال

مين قال لك انك المفتاح  نارمالك

نغم
هو

فؤاد
مين نارمالك دة

احمد
دة الجن اللي وراء كل اللي بيحصل

فؤاد
والكلام دة معني اية

احمد
ان نغم لازم تفضل معانا واحنا بنحفر

فؤاد
وامي لو صحيت وملقتهاش

احمد
ابقي قول لها اي حاجة وخلينا نشتغل ونكسب وقت

ومسك احمد الفاس تاني وقال باسم الله وبدا الحفر،،،،

ومع اذان الفجر كان احمد بيحط الفاس جنب منه وكان تعبان جدا هو وفؤاد وفؤاد بص له وقال بصعوبه

حفرنا حوالي 2 متر وما فيش اي حاجة ظهرت

نغم بصوت غير صوتها

لسة انتو في الاول

احمد عرف ان دة صوت نارمالك فقال

قدامنا قد اية

نغم بنفس الصوت

ماقدرش اقول لك. اعرف انت لوحدك لاني متحرم عليه مساعدتك

فؤاد
هو بيقول اية دة

احمد 
للجن قوانين مستحيل حد منهم يخترقها.  المهم انا هقوم اغير واجهز ل صلاة الفجر وبكرة باذن الله في نفس الميعاد هكون عندك،،،،،،

وفي تاني يوم من ايام عزاء التهامي وبعد نهاية العزاء يقف الراوي قصاد فؤاد وكان بيقول له

عايزك تعتبرني مكان الغالي علي قلبي ابوك.

فؤاد
طبعا يا عمي دة انت اللي فاضل لي بعد ما الحج

الراوي
طيب طالما انت بتعتبرني زي التهامي الله يرحمة عايز اوصيك علي بنتي

فؤاد
بنتك في عيوني

الراوي
مش بالكلام بس يا فؤاد يا ابني

فؤاد
تقصد اية يا عمي

الراوي
نفوق يا ابني من صدمة مۏت الغالي ونبدا نحفر ونوصل لعلاج بنتي. ومش عايزك تشيل اي هم انا عندي العدة اللي هنحتاجها في الحفر وكمان الرجاله بس انت تنوي

فؤاد بص ل احمد اللي كان بعيد بطرف عينه واحمد من غير ما يسمع اللي بيتقال فهم الراوي عايز اية واول ما مشي الراوي راح فؤاد قعد جنب احمد وقال

اية الراجل دة لا فارق معه مۏت ابويا اللي اټقتل ولسة ما عرفش مين عمل في كدة ولا فارق معه عڈاب بنته المهم انه يحفر وبس

احمد
مستني اية من واحد كان عنده استعداد يفضح بنته عادي في مقابل انه يوصل للمقپرة اللي كان فاكر انها تحت بيت حلوان. المهم سيبك منه ومتنساش ميعادنا النهاردة بالليل، ،،،،،،

وبعدها بكام ساعة يتجمع الثلاثة احمد وفؤاد ونغم قصاد الحفرة.  ويبدا احمد حفر وعند ال 3 متر تبدا المية تزيد في الحفرة بطريقة غريبة مية من كل جنب من جوانب الحفرة بص فؤاد ل احمد وقال

معقوله نكون وصلنا للمية الجوفية

نغم 
المية الجوفية في الارض عندكم هتقابلهم عند 6 متر حفر لكن دي مية مجاري الارض شارباها علي مدار سنين وكانت مسجونه وسط طبقات الارض وانتو بتحفرو
فتحتو عيون تسمح بخروج المية دي

احمد بص للمية اللي عماله تزيد وقال ل نغم

طيب والعمل اية