صداقه وحب بقلم سلسبيل أحمد حصريه وجديده وكامله جميع الفصول
صداقه وحب بقلم سلسبيل أحمد حصريه وجديده وكامله جميع الفصول
ايه جايبك عندنا وكمان في اوضتي
اه في اوضتك
مين دخلك
امك هيكون مين
وجيتي ليه
جاية اخد الروچ بتاعك اصلي مش لاقيه الدرجه دي
بجد والله بجد
خلاص.. الحقيقة جاية اخد ورك الفرخه اصل امي عامله سبانخ وانتي عارفه اني مش بحبها
وايه كمان
فيه فيلم لسه نازل تيجي نش..
تسنيم !!! انا مش بهزر انا قولتلك خلاص !! انا ياستي مش عايزة اتكلم ولا عاوزاكي معايا هو كلامي مش مفهوم بالنسبالك
مش بمزاجك على فكره !!
نعم
يوه بقا!! اتأسفت لك مېت مره يا شهد! قولتلك خلاص الموضوع انتهي ملوش لزوم كل ده
مش هتفرق في حاجه اسفك اصلا مش فارق !!! الحاجات الى كسرتيها جوايا مش هينفع ترجع زي ما كانت !! انتي مكسرتيش مج ولا طبق ولا ازازة من البرفانات بتاعتي فا تقوليلي اسفه والموضوع يخلص!! دي مشاعري !!
انا مكنش قصدي كل ده يحصل.!
وحصل!! خلاص حصل !! ومش هينفع نرجع زي الأول!! هو انتي حتي فاهمه انك خذلتيني وخلتيني احس بإيه
بصتلها بدموع مكنتش اعرف وبعدين انتي قولتي اننا هنفضل علطول نتعاتب قولتي انك عمرك ما هتمشي من غير عتاب
ردت بسخريه ومسألتيش نفسك انا مشيت من غير عتاب ليه المرة دي
لا...! متقوليش ليا انا كده
عشان مش عايزه اعرفك تاني يا تسنيم!! العتاب بيكون بين اتنين عاوزين يكملوا! فا بيصفوا الى بينهم.. بيتعاتبوا عشان يقدروا يكملوا لكن انا مش عاوزة حد مؤذي زيك في حياتي مرة تانيه فاهمه
قربت برفض لكلامها انا مش هخسرك عشانه !!! انتي الى لازم تفهمي انا معنديش حد اهم منك!!!
يبقي كان ممكن تصارحيني من البداية !!! مش تحطيني في موقف انوه يطلب يقابلني و اللبس و انزل و انا مبسوطه !! وفاكره انوه اخيرا خد باله مني ونسي اني صديته قبل كده!! وفجأة يبدء كلام عنك انتي !! وانوه عاوزك انتي !! انا وقتها قولت مش مشكلة حاولت اهدي و اسيطر علي اعصابي قولت لنفسي ده نصيب!!.. و بعدين اتفاجئ انكم اصلا بتتكلموا !!!
زعقت وانا بمسك ايدها بطلي سكوت و ردي عليا !! طالما جيتي وعايزه نتعاتب !!! اتكلمي!!! اتكلمي بقولك !
دموعها نزلت زي المطر وهي بتبصلي ڠصب عني والله العظيم ڠصب عني
بعدم فهم هو ايه الى ڠصب عنك مش فاهمه
بعياط كنت بحبه!!
سيبت ايدها بهدوء تسنيم.. امشي
بصتلي وعيونها بتترجاني اسامحها.. نظراتها مكانتش بتكدب بس انا مقدرتش..
بصيت بعيني بعيد عنها و سمعتها وهي ماشية و الباب اتقفل وبعدها علطول لقيت ماما دخلت فا مسحت دموعي
انتي بت قليلة الأدب وبنت جزمة
فتحت عيني بدهشه وبصتلها ايه !!
