الدكتور والبنت الصغيره

واحده دخلت عليا العيادة النهاردة ومعاها بنتها الصغيرة البنت عندها حوالى 5 سنين ،

المهم البنت أول ما شافتنى جريت عليا وخدتني بالحضن وقالتلي بابا حبيبي وقعدت تبوس فيا أنا مبقتش عارف أضحك ولا أعمل إيه أمها عيطت وقالتلى معلش يا دكتور أصلك شبه باباها الله يرحمه بالظبط البنت فضلت متشعلقة في رقبتى وتقولي وحشتنى يا بابا بحبك أوى يا بابا وفضلت ټعيط وتقولي متغبشي عننا تانى يا بابا وأمها واقفة بټعيط هي كمان ،
أنا كمان عينيا دمعت وتعبت نفسياً من الموقف ومبقتش عارف أقول إيه ولا أتصرف إزاى وفضلت أخد البنت في حضنی ،
مامتها قالتلي معلش يا دكتور مش هينفع نكشف عليها النهاردة لأنها مش هتستحمل تعرف إنك الدكتور مش باباها ، إديت البنت لأمها وقلتلها روحي مع ماما وأنا هشترى شوية حاجات وهاجى وراكم عالبيت ، البنت قالتلي متتأخرش يابابا ،

ومشيت هي ومامتها وأنا فضلت قاعد 10 دقايق أعيط من الموقف دخلت السكرتيرة علشان تفك منى 100 جنيه بحط إيدى في جيب القميص ملقتش ولا مليم!!!!!!!!!!!!

500 جنيه طاروا طبعاً من غير ما أشرح ،
إنتو كده عرفتوا إنى إتنصب عليا نصبايه ملهاش مثيل ، أنا مش صعبان عليه الفلوس على فكرة ،
أنا صعبان عليا الدموع والعياط اللي عيطتهم على البنت دی......