عاوز اتجوز بنتك ياعمي

_ قلت إيه يا عمي في الطلب اللي طلبته منك 
مد إيدك بس يا خالد يا ابني وكل حتة جاتوه من الطبق اللي قدامك وبعدين نتكلم
_ يا عمي انا قربت اخلص علبة الجاتوه لوحدي انا مش جايبلكم جاتوه عشان آكله هنا ما كنت كلته في بيتنا
طيب يا سيدي متزعلش قولي بقى انت جاي النهارده ليه 
_ جاي آخد الايجار المتأخر جرى إيه يا عمي ما تصحى للكلام جاي اطلب منك ايد الآنسة مديحة بنت حضرتك
وجاي تطلب إيد مديحة ليه 
_ عشان اهرش بيها في ضهري فيه حتت إيدي مبتطولهاش
انت بتهزر 
_ أقولك ايه بس يا عمي بحبها يا سيدي وعايز اتجوزها
بتحبها ازاي وانت متعرفهاش أصلا المعلومة اللي عندي انها ترشيح من واحد صاحبك
_ خطيبها القديم أو الإكس بتاعها يعني بمعنى أصح عايز صراحة اكتر من كدا 
وانت لما تحب تسأل على واحدة بتفكر تتجوزها تروح تسأل خطيبها القديم 
_ ما هو دا شيء طبيعي محدش يعرف العربية أحسن من اللي ساقها سنتين
انا بنتي اتخطبت سنتين ونص
_ احنا مش هنجددلها رخص دلوقتي هي عموما طالما مش راشة دواخل انا شاري
بس كلامك دا معناه انك مبتحبهاش
_ بالعكس أنا بحبها وفقا لنمط الحب المتاح ليها
يعني ايه بقى الكلام دا 
_ حضرتك بتشتغل إيه 
خدمة عملا في شركة تليفونات
_ مين اللي فاتح بيتك ومالي تلاجتك وخيره عليك انت وعيالك مش شغلك 
طبعا
_ لما عملت عملية البواسير مين اللي غطى تكاليف العملية مش كارنيه التأمين الصحي بتاع الشغل 
حصل
_ حتى الدكتور اللي لعبلك لا مؤاخذة في دواخلك هو كمان واخد فلوسه من المستشفى اللي بيشتغل فيها
هو انت قل يل الأدب بس بتتكلم صح
_ بشكل منطقي وعقلاني الشغل اللي بيعمل علشانك كل دا هل تحب تترفد منه 
بعد الش ر ت ف من بؤك
_ اسف خس سوري يا عمي انت اللي طلبت
كمل يا مع فن
_ كونك متمسك بالشغل فدا معناه انك أكيد بتحب الشغل بس حب المضطر
تقريبا
_ لكن أكيد مش مبسوط ان عميل فاضي يكلمك