عاوز ملوخيه بالارانب

_ حبيبتي الغدا جاهز عشان انا جعان أوي وورايا مشوار مهم 
لأ معملتش أكل النهارده
_ ليه يا قلبي خير مالك انتي تع بانة وللا إيه 
لأ مش تع بانة
_ زهقانة 
لأ مش زهقانة
_ ج ربانة 
أفندم 
_ آسف حاولت التزم بالقافية بس
ولا أي حاجة من دول
_ أمال معملتيش غدا ليه 
ماليش مزاج النهارده إيه مش من حقي 
_ حقك يا حبيبتي طبعا ماشي مفيش مشكلة نطلب دليڤري
لا مش عايزة دليڤري
_ تمام هغسل وشي وانزل اجيب أكل
لا متغسلش وشك
_ ولا يهمك أنزل بالتراب على وشي عادي آهو تمويه كإني في الصاع قة
مش قصدي اقصد متنزلش خالص ومتطلبش أكل من برا
_ عيوني تعالي نقف في البلكونة انا وانتي نص ساعة نعمل بناء ضوئي جنب قصرية النعناع اللي جوا
لا طبعا مش هينفع عشان بشرتي هتغمق 
_ مش عشان دا ضد العلم والمنطق 
لأ مش قصتي
_ أكيد طبعا طب هناكل ازاي دلوقتي دا مجرد سؤال للفضول والله مش أكتر
انت هتقف في المطبخ النهارده
_ احنا مش خلصنا كل أحكام الشايب بتاعة امبارح بالليل واتصلت على 10 أرقام عشوائية وغنيتلهم في التليفون أنا أنا أنا أبريق الشاي 
حصل
_ أمال عايزاني أقف في المطبخ ليه دلوقتي 
عشان تعملنا غدا المساواة بتقول كدا
_ المساواة قالتلك كدا بنفسها وللا قالت لحد يقولك عشان فيه ناس بتزود كلام بس
لا قالتلي وقالت اني مش خ دامة في البيت دا ومن حقي انك تساعدني في كل شغل البيت
_ وبعدين 
يا كدا يا تسيبني بقى انزل اشتغل
_ تمام
أنا مش أقل منك
_ طبعا
عايزة احس بكياني
_ أكيد
واحقق أماني
_ بلا شك
واتحدى زماني
_ .......
محمد هاني
_ ........
باسكال مشعلاني
_ ماشي يا حبيبتي أنا موافق انزلي اشتغلي
طبعا هنزل اشتغل ومن بكرا كمان
_ ربنا يوفقك يا رب
وهستقل انا لازم استقل بقى إيه رأيك 
_ زي كوري ا الشمالية ماشي
وهشتري بيبسي حجم كبير وانا راجعة من الشغل وهتشرب من عرق جبيني
_ طب ليه الق رف دا
إيه 
_ البيبسي بق رف من البيبسي
بحسب
_ طب خلاص يا حبيبتي نجهزلك الحاجات اللي هتحتاجيها بكرا في الشغل 
تمام نعمل كدا
_ إديني موبايلك كدا لو سمحتي
زيرو عشرة 3 وحايد ..
_ لا دا مسيڤه وبفكر جديا امسحه انا عايز الموبايل شخصيا الجث ة
علشان 
_ هحطلك alarm
يعني إيه الكلمة دي 
_ أنا واثق ان دا مش جه ل لغوي انتي الانجليزي بتاعك كويس بس أكيد عمرك ما ظبطتي منبه في حياتك طبعا
خالص
_ كنتي بتصحي لما بتحسي انك جاتلك ق رح فراش بس
تقريبا
_ لأ فيه صحيان الساعة
6 من هنا ورايح
عادي يا حبيبي طول عمري بصحى 6 المغرب أصلا
_ انتي هتشتغلي ريكلام 
لا خدمة عملا