لو اتجوزتى أبقي قابليني
- ها يا شيماء يا بنتي إيه رأيك في العريس اللي متقدملك ؟
= مش موافقة
- ليه ؟ عيبه إيه ؟
= إبن امه، حشـlش، مرفود من شغله وبيحور علينا، لسه بيكلم خطيبته القديمة مع أنها اتجوزت واحد غيره
- وانتي عرفتي كل دا منين ؟ دا انتي اول مرة في حياتك تشوفيه وقعدتي معاه نص ساعة بس
= وهي النص ساعة دي شوية يا بابا ؟
- لا فهميني واحدة واحدة، عرفتي ازاي انه ابـ.ـن امه ؟
= دخلت الأكونت بتاعه على الفيس وجيبت الأكونت بتاع امه من التعليقات
- حلو
= قعدت اقلـ.ـب شوية في الصفحات اللي هي معجبة بيها، لقيت صفحات هدوم وبرفانات وساعات رجـlلي
- كويس
= دخلت الصفحات دي وشوفت منتجاتهم لقيتها نفس الهدوم والساعات اللي في كل صوره، والبرفان اللي هو حاطه كمان
- طب وإيه المشكلة في كدا ؟
= وlحد في السن دا مامته هي اللي بتختارله لبسه تبقى أكيد هي اللي بتاخدله بقية القرارت
- ماشي، وعرفتي منين انه حشـlش، حللتيله جوا ؟
= لأ يا بابا، قلبت في بروفايله وجيبت كل البوستات اللي كان بينزلها كل سنة يوم الوقفة
- اشمعنى يوم الوقفة ؟
= عشان مفيش حشـlش بيفوت اليوم دا من غير ما يضـ.ـرب
- وإيه اللي في بوستاته عرفك انه بيحـ.ـشش ؟
= بيرد عالكومنتات غلـ.ـط، يعني واحد يقوله كل سنة وانت طيب يقوله وانتي طيبة، وواحدة تقوله كل سنة وانت طيب يقولها وانتي من أهله، دا واحد مسطول وش
- ماشي طب وعرفتي منين انه مرفود من شركته ؟
= وانا بقلب في الكومنتات اللي على صوره، لقيت ٣ أصحابه كاتبينله وحشتني
- وايه المشكلة في كدا ؟
= ما انا دخلت عندهم لقيتهم بيشتغلوا في نفس الشركة اللي هو مفهمنا انه بيشتغل فيها، وحشوه ازاي لو بيشتغلوا مع بعض ؟
- صح، طب انا برضو عايز افهم منين عرفتي انه لسه بيكلم خطيبته القديمة
= ما هو أكونت امه وصلني لأكونت أخته، ولقيت فيه صديقة مشتركة بينه وبين أخته دخلت عندها وقلبت في بوستاتها القديمة لقيت أخته كاتبالها منورة يا مرات اخويا
- حلو، كدا انتي عرفتي هي مين، عرفتي ازاي انه بيكلمها ؟
= لقيته بينزل بوستات حب، وهي بتنزل نفس البوستات حبيت اتأكد
- ازاي ؟
= عملت أكونت فيك باسمه وصورته وبعتلها قولتلها وحشتيني ونفسي اسمع صوتك، بعتتلي ڤويس نوت بتقولي لحقت اوحشك احنا مش كنا لسه مع بعض امبارح ؟
- وبعدين
= روحت عاملة اكونت فيك باسمها وبعتله وحشني صوتك، راح باعتلي ڤويس نوت بيقولي لحقت اوحشك، احنا مش كنا لسه مع بعض امبارح ؟
- وعملتي ايه ؟
= خدت سكرين ڤيديو من المحادثتين وبعتهم لجوزها
- شيماء يا حبيبتي أنا فخور بذكائك جدا، بس آدي دقني لو اتجوزتي
تمت
