رواية انها_لي بقلم_Ola_nazer البارت السادس حصريه وجديده

عرفو سبب اڼهياري  وضليت سنة كاملة معزولة بغرفتي لااطلع ولااحكي مع اي انسان ! خفت سراب تتركني بعد يلي عملتو معها بس لا كانت معي واحتوتني وكانت لاخت ورفيقة بنفس لوقت وساعدتني وساندتني لقدرت رجع حالي ! وقوتي !
وقتا حرمت على نفسي حب اي انسان  بس حسن كان غير  
وهيك كانت قصة غيم مع رعد  .
  .الآن   
عند ام حسن  .
ام حسن_محسن ! 
محسن_اي امريني امي !
ام حسن_عم دق لأخوك صرلي فترة ومحدا عم يرد عليي  
محسن_امي بيكون حاطو سايلنت  
ام حسن_لا ابني قلبي مو مرتاح  
محسن_خير امي انشالله خير 
ام حسن_يالله شو هالشعور يلي راود قلبي  
محسن_امي هدي  بيكونو لساتن عند اهل غيم !  ونسيانين لموبايلات بسيارة  
ام حسن_قايمة اتصل بأم غيم  
محسن_طيب روحي اتصلي ليرتاح بالك 
بتقوم بتروح لناح تلفون لارضي وهي قلبا عم يدق بسرعة وكانو احساس يلي روادها فجأة حسسها بانو ابنها صاير معو شي ! 
بتتصل وبترد عليها اميرة  
ام حسن_مرحبا ام غيم كيفك !
اميرة_الحمدلله تمام مشتاقتلك اختي انتي كيفك 
ام حسن_لحمدلله  بدي اسألك حسن وغيم بعدهم عندكم 
اميرة_لاطلعو من زمان خير في شي 
ام حسن_صرلنا فترة عم نتصل عليهن وماعم يردو  
اميرة_شووو طيب وين بدهن يكونو 
ام حسن_ياربي دخيلك  
اميرة_وليي على قلبي شو بدو يكون صاير معن  
ام حسن_رح قول لمحسن يروح يشوفن 
اميرة_اي الله يخليكي  وطمنيني شو بصير معكن قلبي صار متل ڼار  
ام حسن_ماشي ماشي  
بتسكر لخط ام حسن  
بتقعد عالكنبة  
ام حسن_بټضرب على رجلها وبتصير بتهز ياربي دخيلك ياربي والله العظيم حاسة انو في شي مو منيح والله  .
بيرن جوال برقم غريب  
محسن_امي رقم عم يتصل فيكي !
ام حسن_رد رد انت !!
محسن_يلا  
ام حسن_فتاح سبيكر  
بيفتح لخط محسن ومكبر صوت  .
 _مرحبا  
محسن_اهلين مين معي 
 _انا دكتور فراس من مشفى 
محسن_خير في شي 
فراس_بدي خبرك مشان اخوك حسن ومرتو  
محسن_پخوف شبن شبن
فراس_ع طريق لاستراد لحديقة  عملو حاډث ضړبت سيارة فيهن واثرت ع صبية اكتر شي  
محسن_ننننعمممم
ام حسن_لا لا ياااربي  
فراس_لبنت بحاجة متبرع ضروري  
محسن_طيب مسافة طريق بس مارح نتأخر   
وبيسكر الخط   
محسن_يلا يلا امي  
بيطلعو ركيد من لبيت وبيركبو بسيارة وبينطلقو عالمشفى  .
بعد ربع ساعة   
بيوصلو بيصف سيارة وبينزلو بسرعة  
محسن_وين هنن وين 
سكرتيرة_مين استاذ ممكن تهدا وتعطيني لاسماء !!
محسن_بياخد نفس بصعوبة ححسن  ووغيم 
سكرتيرة_حسن بغرفة ٩١ اما غيم بالعناية رقم ٩٠ ولغرفتين بطابق تاني  .
بيطلعو بسرعة عالدرج  
بيفوتو لعند حسن  يلي بكون اعد وعم يبكي وايدو فقط مکسورة  
ام حسن_حسن ابني !!
فراس_لقيتو متبرع 
محسن_حسن نفس زمرة غيم مابيمشي لحال دكتور 
فراس_منخاف يصير خطړ عحياتو  انتو دبرلو لمتبرع ع بين مايخلص كيس ډم يلي عند لمريضة 
محسن_ماشي دكتور  
بيطلع فراس من لغرفة  
ام حسن_كيف صار هيك احكي ليش ساكت حسن  
حسن_انا السبب انا السبب 
محسن_كيييف انت سبب اخي كييف
حسن_هيه صار فيها هيك من ورا جناني وعصبيتي !
محسن_شو عم تحكي انت !!
ام حسن_ابني احكي وقعتلنا قلبنا  
حسن_بيبكي والله مو بايدي ! بس يلي صار  .وبرويلن كلشي صار لوقت لحاډث  .
ام حسن_وهيه شو ذنبا ليش لتلوما  وتعصب عليها !!
حسن_مابعرف مابعرف  
ام حسن_لماضييي راح لك ابني وازا يعني كانت تحب ليش لحب بايدنا ولا هيه يلي قالتلو تعا !!!
حسن_انا حدا مابيستاهلا  
ام حسن_اهدا شوي  
حسن_قالتلي الله ياخدني لترتاح وماقلتلا بعيد شړ 
ام حسن_الله يصلحك ياابني  قوم معي لتشوفا !
حسن_ماالي عين شوفا لك انااا سبب  
ام حسن_خبرت سراب يامحسن 
محسن_بعتلا مسج وقالتلي جاية فورا  .
ام حسن_الله يستر يارب  .
بيفوت دكتور  
فراس_شو دبرتو متبرع 
حسن_دكتور مني ډم وخلصنا  
فراس_مابصير ياابني انت متعرض لحاډث وعندك چرح من قبل  
حسن_معلش دكتور مو مهم  المهم هيه 
محسن_انا لما بعتت لسراب قال كمان هي رح تتبرع  
ام حسن_كمان بصير لك ابني  
فراس_طيب ياابني هلق بسحب منك ومن دكتورة سراب  
حسن_تمام دكتور  
ام حسن_يادكتور مابصير !!
حسن_امي مشان الله  
محسن_امي تركيه عراحتو ومارح يصير شي باذن الله .
ام حسن_خير انشالله  
بعد دقايق  بينفتح لباب بطريقة مسرعة وبتكون سراب فايتة ودقات قلبا مليون ومبين عليها بكيانة ع طريق  .
سراب_وينننهاااا  
فراس_ممنوع اي حدا يدخل لعندها لانها بالعناية !
سراب_بس انا رح يكون فيي لاني دكتورة متلي متلك ومابنصحك يادكتور تمنعني  
بتطلع من لغرفة وبتروح بتركد عالعناية  
فراس_امشي معي لنسحب ډم منك يااستاذ  
حسن_يلا  
وبيروح حسن مع فراس  
ام حسن_الله يجيب لعواقب سليمة يارب  .
عند غيم  
بتفوت سراب لعندها وبتطلع فيها وبكمية لچروح يلي فيها ورجلها يلي مرفوعة ومجبرا  وكيف لأجهزة موصولة فيها  .بينزلو دموعها وبتشهق  
سراب_غيم ! ياروح البي اصحي ! بس اطلعي فيي وقوليلي انا بخير  قومي ليوم خطبتي هيك بدك تتركيني وتروحيلي فرحتي !! بهي طريقة !! لك قومي بس قومي وحكيلي كيف هيك صار وشلون  لكك شلووون  وبيزداد بكاها اكتر 
بيدخل دكتور فراس لعند سراب  
فراس_سراب طلعي لنسحب ډم منك 
سراب_طيب  
بتطلع وبتشوف حسن واقف وعم يطلع على غيم من ورا لقزاز  
سراب_حسسن شو صار كيف هيك صار احكيلي شو صااار !!
حسن_بيحكي بكل حسرة رح احكي   برويلا كلشي صار وشو سبب  
سراب_پصدمة لك انت حدا مجنننوووون  .انت بلا فهم .
وبترفع ايدا وبتضربو كف  .
حسن_اي اي انااا حمااار  وبستاهل  
سراب_لك انت مين مفكر حالك مين  پتبكي ليك شو عملت شو استفدت قلي شووو 
حسن_بحزن خسړت روحي  
بيجي محسن وبيسحب سراب من قدام حسن  
سراب_لك هاد غبي غبييي  
محسن_اهديي شبك!!
سراب_اووووف ياربي  محسن  ليش هيك !!
محسن_مابعرف سراب  لقهر ولحزن مقرر عليهن تقولي  
سراب_لكك اااخ بس  
فراس_يلا سراب امشي  
بتروح سراب مع دكتور وبيبقا محسن ناطرها  
عند حسن  .
حسن_بدي شوفا  
مي_ممنوع تدخل يااستاذ  
حسن_مادخلك بعدي هيكك 
مي_بتشوفا من ورا زجاج بس  عم قلك ممنوع  
حسن_لا بعدي عنيي  
بيدفشا عنو وبيفوت  
مي_لك وقففف عندك مابصير  مابيرد على حدا  
بيتقدم خطوة وبيزداد بكائو اكتر  بيمشي ليوصل لجنبها  
حسن_اسف والله اسف  قومي ليش بدك تتركيني  ليش هيك دعيتي ليش !!!
فكرك رح ارتاح ازا رحتي اااه برتاح قومي بترجاكي قومي  خلص والله ماعاد ادخل بشي  والله  لك ردي عليي ردييي  
بتفوت سراب بهالحظة  
سراب_لككك انت شو جابككك لهوووون 
حسن_مادخلك خلص بقى  
سراب_لكك كيف مادخلني وانت سبب بحالتا !!
لك كيف هانت عليك ! لك كيف قدرت تبكيها ! وهي مالها زنب بشي ! بسبب واحد متل رعد وصلتا لهون ! بسبب واحد خلاها ټموت باليوم الف مۏتة ! بسبب واحد خلا كل حياتها تعاسة وكان عم يضحك عليها سنة كاملة  دمرها وهرب ! ورجع لياخدها ببساطة وبدل ماتحاسبو الو حاسبتها الها ! 
حسن_سكتي كرمال الله  
سراب_لك ع شو مسمي حالك حبيبا وزوجا وسندها !! انت بتسمي حالك سند لك انت واحد غبي ! بتعرف ازا بصرلا شي لدمرك ياحسن !
حسن_لك سكتي انا ماعم انكر اني غلطااان والله بعرف اني غلطت بس حاج تزوديها علييي  
سراب_بتعرف شو قلي دكتور
حسن_شو قال !!
سراب_قلي لحاډث مأثر عالسيارة من ورا اكتر شي ويلي اتضررت غيم اكتر شي  والله بيعلم هالصبية يابتفوت بغيبوبة