رواية ملاك الأدهم الحلقة العاشرة بقلم عادل عبدالله حصريه وجديده

يارو .
ملاك بتعجب مش فاهمة !!!
شيرين انتي هتستعبطي عليا انا كمان 
ملاك ايه ده !!!!! قصدك ايه 
شيرين قصدي انتي فاهماه كويس يا يارا !!!
ملاك تنظر لها بدهشة وتعجب !!!!
شيرين مالك مش قادرة تنطقي ليه المفاجئة شلت لسانك صح 
ملاك اتكلمي دوغري وقولي عايزة نقولي ايه بدون ألغاز  
شيرين انا عرفت انتي مين وعرفت اسمك الحقيقي وقابلت جاسر خطيبك .
ملاك بارتباك انا مش فاهمة كلامك ومش عارفة بتتكلمي عن ايه !!
شيرين بخبث طيب يا قلبي مادام انتي مش فاهمة انا هتكلم مع ادهم وهو هيفهم ويبقي يفهمك .
همت شيرين بالقيام عن اذنك يا قلبي انا طالعة لأدهم ...
ملاك استني يا شيرين .
شيرين نعم !! فيه حاجة 
ملاك اقعدي عايزة اتكلم معاكي .
شيرين ايوه كددددده نتكلم بس المهم نتكلم بصراحة .
ملاك ماشي تعالي نخرج نقعد في الجنينة نتكلم براحتنا .
شيرين بسخرية ايييييوه علشان محدش يسمعنا .
ذهبت ملاك وشيرين وجلستا في حديقة القصر ....
شيرين ادينا قعدنا ومحدش سامعنا .
ملاك نعم قوليلي بقي عايزة ايه 
شيرين عايزة اعرف انتي ليه سيبتي خطيبك وخطفتي ادهم ومثلتي عليه وعلينا انك فاقدة الذاكرة 
ملاك انا مش مثلت علي ادهم او عليكم انا فعلا كنت فاقدة الذاكرة من وقت الحاډثة ولسه الذاكرة راجعة ليا من ايام .
شيرين والله ولما الذاكرة رجعتلك مش لاحظتي انك في بيت راجل غريب !! عايشة وسط ناس اول مرة تشوفيهم !!! بتنامي جنب راجل غريب عنك !!!!!
ملاك بس كفاية !!
شيرين اييييه الحقيقة ۏجعتك اوي !! ولا كرامتك تعبتك !!
ملاك انا لما الذاكرة رجعتلي عرفت ان ادهم اتجوزني علي سنة الله ورسوله .
شيرين قصدك اتجوز ملاك !!! اتجوز ملاك اللي ملهاش وجود من الاساس !! مش اتجوز يارا عز الدين !!
ملاك يارا وملاك انسان واحد اللي هي انا ملاك هي يارا ويارا هي ملاك .
شيرين انتي بتضحكي علي نفسك ولا عليا ولا بتضحكي علي ادهم 
ملاك أنا مش ...
شيرين وياتري ادهم عارف ان الذاكرة رجعتلك 
ملاك قوليلي انتي عايزة توصلي لأيه من الاخر 
شيرين عايزاكي زي ما ډخلتي حياتنا تخرجي منها .
ملاك أخرج منها !! لكن انا وادهم متجوزين وبنحب بعض !!
شيرين ادهم مش بيحبك !! كل الحكاية انك صعبتي عليه لما حس انه السبب في اللي حصلك ومادام رجعتلك الذاكرة يبقي لازم يعرف الحقيقة وترجعي لجاسر خطيبك اللي بتحبيه وبيحبك .
ملاك مين اللي قالك ان جاسر بيحبني وبحبه او انه خطيبي زي ما بتقولي 
شيرين جاسر نفسه هو اللي قالي وحكالي علي كل اللي بينكم .
ملاك ده انسان كداب احنا مش اتخطبنا ولا فيه اي حب بينا .
شيرين يبقي ادهم يشوف الموضوع ده بنفسه ويتأكد !!!
ملاك انتي كل شوية تقولي ادهم ..ادهم