رواية عشق الصخر الفصل الحادي عشر والثاني عشر بقلم الكاتبه شيماء عصمت حصريه وجديده

ورا ظهره وفتحها قدام عشق 
صخر اممممم إيه رأيك
عشق ب انبهار الله جميل جدا ياصخر ورقيق أووي بس للأسف مش هينفع أقبله
صخر بتعجب ليه بقى إن شاء الله
عشق بتوضيح لأن لو قبلتها لازم أجبلك هديه في نفس مستوى هديتك والعبد لله مئشفرة
صخر مئ ايه!! مئشفرة إيه الكلام ده وبعدين بطلي عبط هي أصلا مش هدية بالمعني الحرفي دي ياستي شبكتك ولا هو فيه خطوبه من غير شبكة!!
عشق بخجل لا مفيش بس دي شكلها غالية أوووي ياصخر إفرض ضاعت مني أو اتقطعت أو حصلها حاجة هعمل إيه أنا ساعتها
صخر بهيام وهو بيبوس ايديها ما بين كل كلمة فداكي الدنيا باللي فيها يا عشقي
عشق حست بخجل شديد من كلامه ونظراته وبصت في الارض
صخر وهو ملاحظ حالتها طلع علبه صغيرة من جيبه وفتحها وبمرح قال هتلبسي ده كمان ولا هتعمليلي محاضرة
عشق ضحكت بهدوء لا مش هعمل محاضرة بس ده كتير أوي ياصخر بجد كتير
صخر بتأكيد مفيش حاجة تغلى عليكي وبطلي كلام ويلا عشان ألبسهملك
مسك أيديها ولبسها الخاتم والدبلة
عشق بخجل حلوين جدا ياصخر زوقك جميل
صخر طبعا مش إختارتك
عشق ابتسمت بخجل طب إيه مش هننزل ولا هنبات هنا!
صخر هننزل يالمضة يلا
نزلوا الحفلة الكل انبهر بجمال ورقة عشق وطبعا انذهلوا بضخر اللي أول مرة يظهر قصاد أي حد سواء رجال الأعمال أو الصحافين
بمرور الوقت الكل كان بيرحب بعشق وصخر جو الحفلة كان حلو وصخر طول الوقت ماسك عشق مسبهاش لحظة
عشق بهمس أنا مش هتوه على فكرة ماسكني طول الوقت كده ليه 
صخر ده شرطي من الأول وقولتلك مش هسيبك بدل هتلبسي الفستان ده
عشق بغيظ أنت بتعاندني صح
صخر بحنية أبدا والله وبعدين الطبيعي إنك تكوني واقفة معايا طول الوقت دي خطوبتنا ولا نسيتي
عشق اوووف بقا
صخر متنفوخيش وإنتي زي القمر كده
عشق طب تعال نرقص
صخر قولي والله!
عشق بمرح والله والله
صخر ب ابتسامه مكر لما المهرجان ده يتفض هرقصك بس إيه على واحدة ونص 
عشق بغيظ بجد بجد أنت قليل الأدب عارف يعني إيه قليل الادب
صخر ببرود يعني إيه
عشق پغضب يعني ماما كريمة معرفتش تربيك
اتفاجئت ب صوت كريمة اللي إنضمت ليهم هي ومريم وعلي 
كريمة بحزن مصطنع اخس عليكي ياعشق أنا معرفتش أربيه
عشق ب ارتباك لا ياماما أنا مقصدش اا أنا يعني اا
كريمة بتأكيد بس معاكي حق أنا فعلا معرفتش أربي الولد ده
صخر ولد!! إيه يا أمي مش أنا كبرت علي ولد دي ولا إيه!
كريمة إيه
عشق فراج بانيه
صخر إيه
عشق شيبسي وكراتيه
صخر بغيظ لا والله 
عشق اه والله
مريم وعلي وكريمة ضحكوا عليهم قاطعهم
صوت عشق 
عشق پصدمة بابا
كريمة اتجمدت مكانها ودموعها لمعت في عينيها النهاية! كلمة اترددت جواها عشق هتبعد عنها تاني! هتتحرم منها! بصت لصخر حرفيا بړعب 
صخر بصلها بعجز .. لو كان في إحتمال واحد في المية إن عشق تصدقهم وتسمعهم ف دلوقتي راح
عشق ب استغراب من حالتهم صخر هو فيه مالك مالك ياماما أنتي وشك اصفر كده ليه
هو أنت ياصخر عزمت بابا ولا هو جاي من نفسه ده كمان معاه نريمان ومايا!! في إيه ياجماعة حد يرد عليا! صخرر
صخر بتوتر ها لا أنا معزمتهمش مش عارف إيه اللي جابهم
كريمة بهمس الحقني ياصخر أنا اا مكملتش كلامها واغمى عليها 
عشق ومريم فنفس الوقت مامااا
صخر لحقها قبل ماتقع على الأرض شالها بين أيديه وطلع بيها على أوضتها وحاول قدر الإمكان يداري وشها عن ناصر عمران وعيلته
______________________________
في غرفة كريمة صخر حطها بهدوء على السرير وبيحاول يفوقها بس للأسف مفيش