رواية مكتوبه على إسمي الجزء الثاني الفصل التاسع عشر بقلم الكاتبه ملك إبراهيم حصريه وجديده

يا ميسرة وربنا يستر. 
رواية مكتوبة على إسمي بقلمي ملك إبراهيم. 
في الجامعة. 
آيات خرجت من المحاضرة مع زمايلها وفجأة جتلها رساله من دكتور مالك وقفتها. 
آيات تعاليلي المكتب بتاعي دلوقتي ضروري
آيات قراءة الرساله واتنهدت پغضب وهي مضايقه من تصرفاته دي وقررت تحط له حد. 
سابت زمايلها وراحت علي مكتبه ووقفت تخبط وسمعت صوته بيسمح بالدخول.
دخلت آيات واتكلمت بنبرة حادة حضرتك طلبتني يا دكتور
مالك حس بڠضبها من نبرة صوتها الحادة وهو كمان كان مضايق بعد ما شافها مع عامر الچارحي الصبح وقالها ايوا يا آيات.. انا طلبتك عشان اقولك ان اللي حصل الصبح ده مينفعش.. عيب لما تكوني طالبه جامعيه محترمة وتسمحي لواحد يجي يوصلك لحد الجامعة وتقفي تضحكي معاه كمان.
آيات بصتله پصدمة وقالت واحد مين !!!
مالك پغضب على ما اعتقد انه عامر الچارحي.
آيات هزت راسها وبصت له بثقة وقالت بس عامر الچارحي مش غريب عني يا دكتور.. عامر الچارحي يبقى جوزي.
مالك اټصدم وعقله وقف عن التفكير وقال جوزك!! جوزك ازاي!! متجوزين في السر يعني
آيات بدهشة لا طبعا.. احنا متجوزين من زمان والناس كلهم عارفين ان انا مرات عامر الچارحي.
مالك كان هيتجنن لان مفيش ولا موقف جمع آيات وعامر قدامه يثبت انهم متجوزين!!
كان بيبصلها بذهول وآيات قالت بنبرة حادة في حاجة تانيه حضرتك عايزني فيها
هز راسه ب لا وهو لسه تحت تأثير الصدمة وآيات بصتله بقوة وقالت طب ممكن بعد اذن حضرتك بلاش تبعتلي رسايل تاني ولما تحب تطلبني ل مكتبك يكون بطريقه رسميه.
مالك كان بيبصلها ومش قادر ينطق وحس انه حرج نفسه معاها جدا. 
آيات خرجت من مكتبه وراحت عند زمايلها وهي مقرره ان لو مالك ضايقها تاني هتقول ل عامر هو يتكلم معاه. 
رواية مكتوبة على إسمي بقلمي ملك إبراهيم. 
بعد انتهاء محاضرتها في الجامعة آيات خرجت من الجامعه مع زميلتها وكان عامر واقف مستنيها جنب عربيته.
آيات اول لما شافته ابتسمت وهو شاورلها.
اتكلمت زميلة آيات واااو.. مين المز ده يا آيات
آيات بصتلها بغيظ وقالت المز ده يبقى جوزي.
البنت اټصدمت وآيات سابتها وقربت من عامر وهو فتحلها باب العربيه وحس انها مضايقه شويه.
ركب جنبها وسألها ايه يا حبيبتي شكلك مضايقه 
ردت آيات لا مفيش حاجة.. قولي احنا هنروح نشوف الفيلا دلوقتي 
عامر فرح لانها مهتمه انها تشوف الفيلا اللي هيعيشو فيها وقالها اه يا حبيبتي انا هاخدك دلوقتي نروح نشوفها وبعدين نتغدا مع بعض وتيجي معايا الشركة عشان الاجتماع.
آيات هزت راسها بالموافقه وهي بتبص ل عامر بحب وبتتمنى ان علاقتهم تفضل جميلة كده على طول ومفيش حد يدخل بينهم تاني يفرقهم عن بعض.
راحوا الفيلا وشافوها وعجبت آيات جدا وعامر قرر انه يشتريها وآيات هتفرشها على ذوقها واول لما الفيلا تجهز هيعيشوا فيها.
اخدها عزمها على الغدا برا وكانوا مبسوطين مع بعض جدا وبعدين أخدها الشركة وكانت بيسان هناك وقاعده مع امجد.
الاجتماع بدأ وعامر كان مجهز لشركتهم مشاريع جديدة هيستلموها وآيات وبيسان كانوا فرحانين جدا بالمشاريع الجديدة وفرحانين ان كل حاجة في حياتهم بتتظبط.. حياتهم الخاصه وشغلهم.
في نهاية اليوم آيات رجعت مع بيسان على شقتهم وهما فرحانين وبعد دخولهم الشقة بحوالي عشر دقايق الجرس رن وآيات راحت فتحت لقت بنت جميله واقفه قدامها ولها بطن بارزه من الحمل وواضح انها في بداية الشهر الخامس تقريبا وسألتها انتي آيات
ردت آيات بأبتسامة اه انا.. مين حضرتك 
ردت البنت انا مرات عامر الچارحي اتجوزنا في لندن من 6 شهور... بقلمي ملك إبراهيم. 
يتبع 
مرات عامر الچارحي ازااااي مين البنت دي وايه حكايتها هنعرف الحلقة الجايه منتظرة رأيكم في التعليقات ومتنسوش لايك وتعليقااااات كتييييير على البارت