رواية مكتوبه على إسمي الجزء الثاني الحلقه العشرون بقلم الكاتبه ملك إبراهيم حصريه وجديده

رواية مكتوبه على إسمي الجزء الثاني الحلقه العشرون بقلم الكاتبه ملك إبراهيم حصريه وجديده 
في نهاية اليوم آيات رجعت مع بيسان على شقتهم وهما فرحانين وبعد دخولهم الشقة بحوالي عشر دقايق الجرس رن وآيات راحت فتحت لقت بنت جميله واقفه قدامها ولها بطن بارزه من الحمل وواضح انها في بداية الشهر الخامس تقريبا وسألتها انتي آيات
ردت آيات بأبتسامة اه انا.. مين حضرتك 
ردت البنت انا مرات عامر الچارحي اتجوزنا في لندن من 6 شهور.
لحظات من الصمت وآيات بتحاول تستوعب اللي سمعته وهمست بصوت مهزوز من شدة الصدمة عامر الچارحي مين!!! مراته ازاي
البنت ردت بهدوء ممكن تسمحيلي ادخل وانا هفهمك كل حاجة.
آيات هزت راسها بالايجاب وهي متجمده مكانها والبنت دخلت وبيسان بصت لها بستغراب ورحبت بيها وسألت آيات مين دي وآيات مكانتش قادرة تنطق ولا تتكلم ودخلت مع البنت وقعدت قدامها وهي لسه بتبصلها پصدمة.
البنت اتكلمت بهدوء انا دكتوره أروى كنت المعالجة النفسيه ل مدام ميسرة طول فترة علاجها في المستشفى ب لندن وهناك اتعرفت على عامر وحبينا بعض.
آيات رفعت حاجبها وقالت حبيتوا بعض!!!
بيسان بصتلهم پصدمة ومنتظره تسمع البنت دي مين وعايزه ايه!
كملت أروى كلامها بهدوء عامر حكالي عن اللي حصل بينكم وانفصالكم عن بعض وفي الحقيقه هو كان بيمر بحالة نفسيه صعبه وانا كنت بساعده وقدر يتخطى كل ده وانا معاه.
بيسان بصت على آيات وهي قلقانه عليها من الكلام اللي بتسمعه وآيات بصت ل أروى بعمق وقالت واتجوزتوا ازاي
بيسان شهقت پصدمة مين اتجوز مين
ردت عليها آيات ثواني يا بيسان نفهم..
وبصت ل أروى وسألتها مرة تانيه ممكن تحكيلي ازاي عرض عليكي الجواز وازاي اتجوزتوا.
آيات بصتلها بغموض لانها عارفه ان عامر مستحيل يعمل اللي هي بتحكيه ده!! عامر بيحبها هي وبس ولو كان عمل حاجة زي كده اكيد مكنش هيرجع ل آيات ويطلب منها تبدأ معاه من جديد!! على قد ما كانت مصډومة وخاېفه ان كلام الدكتورة دي يطلع حقيقي ويكون عامر وقع فعلا علي قد ما كان في احساس جواها بيقولها ان عامر مستحيل يعمل كده حتي لو هو مش في وعيه زي ماهي بتقول.
بصتلها بغموض وحاولت تتماسك قدامها وقالت وبعدين.. اتفضلي كملي.
أروى اتكلمت بتوتر لانها إستغربت قوة آيات وتماسكها قدامها رغم كل إللي سمعته والطبيعي ان اي واحدة تسمع الكلام ده عن حبيبها ټنهار ومتقدرش تسمع اكتر!
أروى اكتشفت اني حامل وخۏفت اقول ل عامر عشان ميطلبش مني انزل البيبي وقولت اخبي حملي فترة لحد ما تنتهي الشهور الأولى وبعدها اقوله.
بيسان سألتها پصدمة يعني انتي حامل من عامر دلوقتي
ردت بتأكيد اه وفي بداية الشهر الخامس.
آيات بصتلها والدموع بتلمع في عينيها وقالت بصوت مبحوح واتجوزتوا ازاي وامتي
أروى ردت بارتباك احنا كنا هنتجوز بس عامر اضطر يرجع مصر.
آيات وهي بتبصلها بشك يعني انتي مش مراته زي ما قولتي 
أروى قولتلك هو وعدني انه مش هيتخلى عني.
بيسان اتكلمت بانفعال ايه الجنان ده أكيد في حاجة غلط انا مش قادرة اصدق ان عامر يعمل كده!!
وبصت ل آيات وقالت آيات انا اعرف عامر من ايام الجامعة وصدقيني عامر مستحيل يكون كده.
أروى بصت ل بيسان وقالت بثقة وتفتكري انا هتبلى عليه مثلا!! في بنت تحط نفسها في موقف زي ده!
آيات بصتلها وهي مش قادرة تصدق لأن هي كمان واثقه في أخلاق عامر وعارفه انه مستحيل يغضب ربنا ويقع في ذنب كبير زي ده!! اتكلمت آيات وهي حاسه انها