رواية مكتوبه على إسمي الجزء الثاني الحلقه العشرون بقلم الكاتبه ملك إبراهيم حصريه وجديده
والدته وكمان هاجر وشريف هيرجعوا من شهر العسل بتاعهم عشان يتكلموا معاها ويقنعوها وفي أقرب وقت هيجوا يخطبوا بيسان ل امجد وهيتجوزوا علي طول.
آيات ابتسمت بسعادة وعامر قالها بتأكيد متقلقيش يا حبيبتي كل إللي جاي هيكون احسن ان شاء الله.
رواية مكتوبة على إسمي بقلمي ملك إبراهيم.
بعد مرور أسبوع..
هاجر وشريف رجعوا وقعدوا مع مامت امجد وقدرو يقنعوها انها توافق على بيسان وفهمت انها مش هتقدر تمنع ابنها عن حبه ل بيسان وخاڤت تخسر ابنها وقررت توافق وراحت معاه وهو بيتقدم لخطبة بيسان واتفقوا ان الفرح هيكون بعد شهر من الخطوبه وامجد اختار فيلا قريبه من فيلا عامر وفيلا شريف عشان يكونوا قريبين من بعض وبدأت بيسان تجهز في الفيلا بتاعها مع الفيلا بتاع آيات وكانوا البنات فرحانين لانهم هيكونوا جيران ومع بعض علي طول.
رواية مكتوبة على إسمي بقلمي ملك إبراهيم.
بعد اسبوع..
آيات وبيسان كانوا في المول بيشتروا لبس جديد مع بعض عشان حياتهم الجديدة.
بيسان شافت محل وعجبها اللبس اللي فيه ودخلت وآيات معاها وكانت واقفه بتتفرج وفجأة لقوا اللي ظهر قدامهم وقال بصوته الناعم اهلا بيكم في ميرو وكوكو ستور.
آيات بصتله پصدمة وكوكو صړخ اول لما شافها اياااااات.. مش معقووووول... تعالي يا ميرو شوفي مين هناااا.
ميرنا جت بسرعه وصړخت اول لما شافت آيات وضمتها وقالت اياااات.. ايه المفاجأة الحلوة دي.
آيات كانت واقفه مصډومة وبصت حواليها ولقت مكتوب في كل ركن من المحل ميرو وكوكو ستور وحاطين صورة ل ميرنا وكوكو وهما واقفين جنب بعض وكاتبين اسم المحل تحتهم.
بيسان همست ل آيات وهي بتضحك هما تيمون وبومبا أصحاب المحل ده ولا ايه
ردت آيات وهي بتبصلهم پصدمة شكلهم كده!!
وبصت ل ميرنا وقالت انتوا اصحاب المحل
رد كوكو ايوا ايه رأيك في ذوقنا.. المحل بتاعنا مش بيدخله غير الاغنيا وبس.
واتكلمت ميرنا كل اصحابنا بياخدوا لبسهم من عندنا عشان كوكو بيفضل يقولهم ان لبسهم وحش وشكله فقير وهما بيشترو من عندنا عشان يبقى شكلهم اغنيا.
اتكلم كوكو مع آيات آيات هو انتي لسه فقيرة بعد ما عامر سابك.
بيسان بصتله پصدمة وآيات ردت وهي بتضحك لانها عارفه كوكو ومتعوده علي كلامه وقالت لا يا كوكو انا وعامر رجعنا لبعض تاني.
كوكو عيونه لمعت وقال يبقى تشتري كل اللبس اللي في المحل بتاعنا وانا هروح اخد الفلوس من عامر هو عنده فلوس كتير.
ردت ايات والله كان نفسي اخدمك بس انتوا عارفين انا محجبه واللبس ده مش مناسب ليا بس عجب بيسان وهي هتشتري.
بيسان بصت ل آيات پصدمة وآيات ضحكت وكوكو سألها وبيسان فقيرة ولا غنيا
ردت آيات وهي بتضحك غنيا طبعا وهتتجوز امجد شريك عامر.. وامجد عنده فلوس كتير هو كمان.
كوكو بص ل بيسان وقالها انتي لسه واقفه ليه تعالي اقعدي هنا وانا هجبلك كل اللبس اللي في المحل.
بيسان بصت ل آيات پصدمة وآيات كانت بتضحك وكوكو قالها اختاري اللبس اللي يعجبك وانا هروح الشركة عند عامر عشان يعرف ان احنا بقينا رجال اعمال زي بعض.
آيات كتمت ضحكتها وهي بتقول رجال وزي بعض انت وعامر!! تمام روحله وعامر هيفرح اوي انكم بقيتو رجال زي بعض!
كوكو بص ل ميرنا ايه رأيك يا ميرو تيجي معايا ونعرفه كمان اننا اتجوزنا عشان ناخد منه حلاوة جوازنا.
آيات بصتلهم پصدمة انتوا اتجوزتوا بجد!! ازاي!!
ميرنا ردت علي آيات اتجوزنا عشان نبقى شركا في كل حاجة.. صح يا كوكي.
رد عليها كوكو صح يا ميرو.
بيسان كانت مذهولة من كل اللي
بيحصل وحاسه انها بتتفرج على فيلم كارتون وميرنا وكوكو مسبوهاش تخرج من المحل غير لما اشترت منهم لبس كتير جدا وخرجت من المحل بتاعهم وهي ندمانه على اللحظة اللي فكرت تدخل فيها المحل بتاعهم وآيات كانت ماشيه معاها وهي بتضحك وبتتخيل شكل عامر لما ميرنا وكوكو يرحوا الشركة عنده ويقولوا له انهم اتجوزوا.... بقلمي ملك إبراهيم.
.... يتبع
