رواية خېانة الروح الفصل التاني بقلمي دينا رأفت حصريه وجديده

الجوازة باظت فكانت بتتكلم باستبياع بصي يا ست نجلاء انا هاجيب ليكي من الاخر بنتي مشهترجع للمحروس ابنك غير لو نفذ اللي قلت عليه .
كملت ببجاحة ماهو مش احنا اللي ناخد على قفانا ونسكت ولا مؤاخذة عمر شكله كدا مشنافع وعايز بنتي تخيب وتلاقي نفسها في الاخر ملهاش لا واد ولا بت يسندوها لما تكبر .
ياريت تعقليه ياختي وتخليه يكشف لو عايز بنتي تنور له دنيته اللي اكيد ضلمة من غيرها .
كملت بوقاحه من غير ما تسمع ردها يلا غوري بقى انا أساسا عماله اضغط على نفسي واعصر عليا لمونه عشان اكلمك جاتك داهية تشيلك .
نجلاء من الصدمة منطقتش بحرف قفلت في وشها المكالمة ويادوب بتلف لقت عمر اصادها وملاامحه متبشرش بالخير .
حاولت تستعيد ثباتها وقالت بتفسير معلش متزعلش مني يا حبيبي انا عارفه انك حذرتني من اتصالي بيهم بس ڠصب عني دموعها نزلت بۏجع وقالت بنبرة حزينة مهانش عليا اشوفك موجوع في غيابها ومساعدكش كان نفسي اصلح بينكو .
اخدت نفس طويل وكملت بصوت مقهور انا يابني ميهمنيش في الدنيا دي غير سعادتك انت وأخواتك وخلاص اطمنت على عمار و عدي ناقص انت .
كنت فاكرة أن ندى سبب سعادتك بس للاسف طلعت بنت وحشه وامها مشجعاها على التمادي في الغلط .
عمر مسح دموعها وضمھا وقال بتنهيدة خلاص محصلش حاجه يا ست الكل .
انا بس رفضت تكلميهم عشان متاكد انهم هيزعلوكي كمل ب أسف واهو اللي حسبته لاقيته وشكلك زعلانة بسببهم .
اخد نفس طويل وقعد وحاوطها وقال بتوضيح بصي يا ماما انا كان اختياري لندى غلط من البداية وسكوتي على تصرفاتها البشعة كان غلط اكبر .
كمل بۏجع مستحيل هقدر اعيش معاها تاني بعد كدا تحت سقف واحد .
صوته علي وقال بنفور وحزن دي عملت كل اللي يكرهني فيها للابد سرقتني بدل المرة الف ومن غباءها كانت معتقدة اني مشواخد بالي متعرفش اني سايبها بمزاجي .
كانت بتحور عليا وبتكذب طول الوقت خانتني بص لامه اللي فتحت عينها بذهول .
وقال بضيق هو لازم الخېانة تبقى بس اللي دماغك صورتهالك يا ماما .
قام ووقف وكمل بۏجع الخېانة اللي اقصدها معنوية مش ملموسة .
ندى خانت روحي اللي أخلصت ليها وهي اذتها بعدم رحمة. .
كمل بمنتهى الڠضب خانت قلبي اللي حبها وكانت بټجرح فيه بكل قسۏة .
خانت ثقتي خانت كل المشاعر الحلوة اللي امنتها عليها خانت العشرة وجرحت قلبي بعزم مافيها .
حاول يهدى ومسح وشه بايده وقال بتنهيدة هي دي الخېانة في نظري ييا ماما .
نجلاء بحزن يعني خلاص مافيش امل للصلح يا عمر. مسك أيدها وباسها بحنان صدقيني يا حبيبتي أنا مرتاح جدا وبحمد ربنا أنها جات منهم انا كنت كذا مرة بكون خلاص هنفصل عنها بس برجع وبهدى وبلوم نفسي عشان مكونش انا اللي غدرت بيها مع اني هيبقى معايا ألف عذر لكدا ب.
س بتصرفها خلت العيب عليها ومحدش هيقدر يغلطني نهائي .
ربنا وحده يعلم انا عملت ليها ايه وايه اللي اتحملته منها وعشان بحبها وباقي عليها كنت بعديه .ماما لو انا لسه باقي على ندى كنت ممكن رضخت لطلبها بس انا مش الشخص اللي بيتلوي دراعه ابدا ومن واحدة ست كمان .
ضحك بسخرية اهي دي بقى تبقى المصېبة بعينها .
نجلاء باستسلام طب ايه اللي المفروض يتعمل دلوقتي.
عمر بلا مبالاة مافيش انا عن نفسي مشهاخد اي خطوة هما عايزين ينهو كل