روايه حورية روضتني البارت الثالث

اعمل زيك
جاسر انت تعرف اصلا تعمل زي
عاصم ها احكولي بقا حصلكو ايه في الشهور دي
جاسر لا انا عادي الواد ده الي مخبي حاجه
عاصم اممم قر واعترف بدل مانت عارف ممكن نعمل ايه
ادم والله ما في حاجه هو الي بيأفور
جاسر ماشي ياعم بس بردو هعرف دانا البيست فريند يا دومي
ادم بيست فريند عره والله
عاصم ههههه لا لا يا ادم ملكش حق
جاسر بذهول انت كداب يلاا امال عيد ميلادك الي فات مين الي فهم دماغك وجبلك الجيتار الي من برا
عاصم لا معلش الساعه بتاعتي هي الي كانت احسن هديه جتله صح يا ادم
ادم بمزاح خلاص خلصتو كلام انا مليش في الهدايا اصلا
جاسر لا فكر بس كده والله هتلاقي ان الجيتار الي جبته حلو وعاجبك
عاصم يا بني انت عايزه يمسك الجيتار ويغني ايه
جاسر لا بس انا موهوب في الجيتار
ادم انت هتفكرني هو حد بوظ الحفله الي فاتت غيرك !
عاصم وهو يقلده يا ادم مسكلك الجيتار وقعد يقولك بلللام بلام بلللام بلام
جاسر طب وربنا الاغنيه دي جابتلي تلات بنات
ادم يا بني هما فكروك مچنون قالو يعطفو عليك !
جاسر كان احلي عطف والله
عاصم هههههههههه
( امام محل الورود )
حوريه مكنش ليه لازوم تتعب نفسك يا مازن والله
مازن بنظرات حانيه يعني ان مكنتش اتعبلك يعني يا حوريه مين هيتعبلك
حوريه بحرج وهي تضع خصله من شعرها خلف اذنها ربنا يخليك بجد مش عارفه اشكرك ازاي يعني بتجبلي المحاضرات لحد عندي و بتغطي علي غيابي عند الدكاتره
مازن المهم تكوني راضيه
حوريه طب يلا بقا انا هدخل
مازن اوكي وانا هروح ابقي خلي بالك من نفسك وانتي مروحه
حوريه حاضر باي
مازن باي
شعور ينتاب حوريه شعور محاصر بين الحرج والامتنان هي لا تريد ان تعذبه معها بقلبها الغبي الذي لا يكن له اي مشاعر لا تريد ان تظلم قلبه الذي يكن لها اجمل المشاعر هو يحاول التقرب منها لكسب ودها وهي تحاول الابتعاد عنه لتفادي كسره الفرق بين مازن وحوريه ان مازن يبني احلام ورديه للعلاقه وحوريه تأتي بغيومها لتغطي علي احلامه
نوال الجميل سرحان في ايه
حوريه ها يا طنط بتقولي حاجه
نوال لا دانتي مش معايا خالص
حوريه لا معاكي اهو
نوال طب ايه هتفضلي مشعلقه الواد كده كتير !
حوريه انا مش عايزه اظلمه معايا !
نوال يا بنتي اديله فرصه اعملو حته خطوبه
حوريه خط خطوبه لا لا هو انا فاضيه
نوال لا والله امال انتي فاضيه للشغل طول النهار واليل
حوريه يوووه بقااا
نوال يوه في عينك حد يرفص النعمه كده
حوريه ارفص ايه يا طنط هو انا حصانه !
نوال لا يا لمضه انتي حوريه
حوريه خلصنا مش هتجوز ابدا
نوال هتبقي عانس
حوريه عانس عانس مش احسن ما اعيش مع حده مش بحبه
نوال طب في حد في دماغك
حوريه لا بردو
نوال يادي النيله السودا
حوريه مش هتاخدي مني حق ولا باطل
نوال امشي يا حوريه روحي
حوريه ههههههه طب عايزه حاجه
نوال لا يا بنتي سلامتك
دلف عاصم الي شقته وهو ينده علي والدته نعمه
عاصم نعمه يا نعععمه
نعمه اسمها مامي يا حيوان
عاصم وهو يبتسم ليذهب لها وينام علي كتفها بقا مش عيب شحط زي يقول مامي
نعمه والله رجاله بشنبات وبيقولها
عاصم لا انا عندي دقن
نعمه بسخريه هههههه خفه يا واد
عاصم مش ده الشيف حسن
نعمه اه
عاصم اكيد عملانا اكل حلو اووه بقا يا نعمه يا تكاته يا حركاته
نعمه هههه ده كان عا
عاصم مقاطعا لها استني بس متلفيش ودوري عامله اكل ايه
نعمه مكرونه وبانيه
عاصم وهو ينظر لها ايه ده في ايه !
نعمه