رواية عهد بحب كاذب الفصل السادس والسابع والثامن والتاسع والعاشر بقلم مريم أحمد حصريه وجديده

هيتم و اللي ربنا كاتبه هو اللي هيكون 
...لا اله الا الله محمد رسول الله
و ف يوم كانت عهد ف الكلية و بعد م خلصت محاضراتها كلها 
كانت بتتمشى هي و سارة و شمس 
اتكلمت سارة بحماس و هي بتقولهم
سارة...خلونا بقى نخرج بما اننا خلصنا انهاردة بدري 
ابتسمت عهد و متكلمتش و شمس اتكلمت و هي بتقولها
شمس...اوكية موافقة بس بجد بلاش المطاعم الغريبة اللي بتروحيها دي يا سارة 
بصتلها سارة بسخرية و هي بتقولها
سارة...و مالها المطاعم دي بقى يا شمس 
قلبت شمس عيونها بملل و اتكلمت و هي بتقول
شمس...يا ستي ملهاش بس ايه رأيك نروح ناكل سوشي مثلا او نروح ناكل من عند المطعم الجديد اللي فتح عندنا ف التجمع 
ردت عليها سارة بضيق و هي بتقولها
سارة...شمس بجد انا بستنى كل يوم اخرج من البيت عشان اكل الاكل اللي بحبه ف بليز متخليناش نروح ناكل نفس الاكل اللي بناكله ف البيت 
مسكت ايد عهد و قالت لشمس و هي بتبص لعهد
سارة...انا هروح مع عهد و كدا كدا معايا العربية نروح ناكل من عند عربية عم ربيع 
ابتسمتلها عهد و هزت راسها بترحيب و شمس ظهر على وشها الضيق 
بس وقفت سارة هي و البنات لما لاقوا يوسف مستني سارة برا الكلية 
اتكلمت سارة بحزن و هي بتقول 
سارة...كدا مفهاش خروجة 
بصتلها شمس و قالتلها بسخرية
شمس...احمدي ربنا ان اخوكي معبرك يا سارة غيرك بتتمنى اخوها يسألها عاملة ايه حتى 
هزت سارة راسها و عهد اتكلمت و. هي بتسلم عليهم و بتقول لسارة
عهد...انا همشي يا سارة
فهمت سارة انها هتمشي عشان يوسف موجود و شمس سلمت عليها و مشيت 
و سارة راحت ليوسف اللي كان باين عليه الضيق و هي فهمت انه مضايق عشان عهد بقت صاحبتها 
اتكلمت سارة بابتسامة و هي بتقوله
سارة...هاى يا چو 
هزلها راسه و متكلمش و هي سكتت عشان ميتخانقوش
اتكلم يوسف و هو بيقولها
يوسف.... خلصت الشركة انهاردة بدري و قولت اعدي عليكي اخدك معايا 
هزت راسها بابتسامه و قالتله
سارة... شكرا أبية
ابتسملها و راحلوا للعربية و مشيوا
.... سبحان الله و بحمده سبحان الله العظيم 
رجعت سارة البيت هي و يوسف و رقية اول م شافتعا راحتلها بسرعة حضنتها و قالتلها
رقية... حمدالله على السلامة ياقلبي 
ابتسمت سارة و قالتلها
سارة... الله يسلمك يا ماما
سألتها رقية بقلق و هي بتقولها
رقية... عاملة ايه انهاردة حسيتي انك تعبانة و انتي ف الكلية 
هزت سارة راسها يمين و شمال بنفي و رقية قالتلها 
رقية... ماشي فرحة قالتلي ان ساعة بالكتير و الاكل هيكون على السفرة
هزت سارة راسها و قالتلها 
سارة... طيب انا هطلع اوضتي على م الاكل يجهز 
هزت رقيو راسها و سارة طلعت بس بعد م كانت هتدخل اوضتها راحت لأوضة ندى تقعد معاها و بالمرة تقولها متاكلش كتير عشان يروحوا سوا عند عهد
... لا إله إلا الله وحده لا شريك له له الملك وله الحمد يحيي و يميت و هو على كل شيء قدير
ف اوضة ندى
كانت قاعدة باصة لأمها پخوف و هي شايفه كمية الغل ف عيونها و سامعة كمية الحقد اللي ف الكلام اللي بتقوله لبنتها 
مروة... زمانها دلوقتي راجعة من كليتها اياكي ثم اياكي يا ندى تتكلمي معاها فاااهمه و لو هي كلمتك تردي هلى قد السؤال سامعاني
ردت عليها ندى بحزن و هي بتقولها
ندى... ليه.. هي مأذتنيش ف حاجة عشان اجرحها كدا 
ردت عليها امها بضيق و هي بتقولها 
مروة... مأذتكيش ف حاجة ازاي دا كفاية حب جدها ليها و ان كل طلباتها اوامر 
دمعت عيون ندى و قالتلها
ندى... ليه مصرة تزعليني منهم و خلاص انا جدو بيعاملني كويس انا كمان على فكرة 
ردت عليها مروة بغيرة و حقد و هي بتقولها
مروة... بس مش زييها 
بصت ندى للناحية التانية و دموعها نزلت بحزن 
و مروة قالتلها بضيق و هي بتنهي الكلام 
مروة... نهاية الكلام.. لو لاقيتك عملتي عكس اللي قولتلك عليه يا ندى متلوميش وقتها الا نفسك فاهمه 
هزت ندى راسها بحزن و مروة راحت ناحية باب الاوضة 
فتحت الباب عشان تخرج بس اټصدمت لما لاقيت سارة ف وشها و بتبصلها و هي باين عليها الڠضب و الحزن ف نفس الوقت وووو

10
اټصدمت مروة لما فتحت الباب و لاقيت سارة ف وشها 
مكنتش عارفة هي سمعت اللي اتقال ولا لأ بس حاولت متبينش توترها و اتكلمت بحدة و هي بتقول لسارة 
مروة...نعم 
بصتلها سارة و مرديتش و مروة اتكلمت بضيق لما شافت سارة ساكتة 
مروة...خير القطة بلعت لسانها ولا اية 
اتكلمت سارة بضيق و هي بتقولها 
سارة...هو في ايه يا طنط ..هو حضرتك هتفضلي تغلي مني كدا كتير ولا ايه !
اټصدمت مروة و ندى بصت لسارة بأسف و احراج ف نفس الوقت 
اتكلمت مروة بعصبية و زعيق و هي بتقول لسارة 
مروة...نعممم يا حبيبتييي !! اغل منك لا حقيقي برافو بجددد
اتكمعت العيلة على صوتها و رقية قالت لمروة باستغراب 
رقية ...في ايه يا مروة صوتك عالي على بنتي ليييية !!!
ردت مروة پغضب و هي بتقولها
مروة...كويس انك جبتي عشان احيكي على تربيتك لبنتك اللي مش متربية اصلا
اتعصبت رقية جدا و قبل م ترد كان بوسف سبقها لما قال لمروة پغضب 
يوسف ... مرات عمي انا ساكتلك من الصبببح بس لووو قولتي كلمة متعجبنيييش عن اهلييي يبقى هتشوفي مني وش عمرك ف حياتك ما شوفيه فااااهمه
كانت مروة بصاله بدهشة و خوف ف نفس الوقت من زعيقه 
بس اتكلمت بضيق و هي بتقوله
مروة...طب مش تسأل هي عملت ايييه 
رد عليها بضيق و ڠضب و هو بيقولها
يوسف....ايا كان اللي عملته صوتك ميعلاش عليها و متكلميهاش اصلا تيجي تقوليلي او تقولي لأمب و احنا نتصرف انما صوتك ظا تعليه على بنتك مش على اختي
سكتت مروة پغضب و سارة سابتهم و نزلت بسرعة و هي بټعيط 
ندهت عليها رقية پخوف و انها تخرج برة القصر و تسوق و هي مضايقة بس سارة مكنتش سامعاها اصلا و فعلا خرجت من البيت 
بصت رقية ليوسف و هي بتقوله
رقية... روح شوف اختك 
هز راسه و خرج بسرعة يلحقها قبل م تمشي بالعربية بس للأسف لما خرج ملقاش عربيتها اصلا معرفش يعمل ايه راح لعربيته و انطلق بالغربية على اقصى سرعة و هو بيدور عليها
اما فاروق ف بص لمروة پغضب و قالها
فاروق...كفاية ظلم ف البت بقى و كفاية حقد يا مروة 
قال كلامه و مشي و ندى بصت لأمها و هي دموعها نازلة بحزن و قالتلها
ندى...مبسوطة دلوقتي صح
مروة...احترمي نفسك و انتي بتتكلمي مع امك يا ندى 
هزت ندى راسها و بصت قدامها تاني و هي بټعيط و مروة خرجت و سابتها ولا كأن بنتها بټعيط و زعلانة 
....سبحان الله و بحمده سبحان الله العظيم
عن سارة 
كانت بتسوق عربيتها على طريق سريع و هي دموعها نازلة بحزن بعد م سمعت اللي مروة قالته لندى عنها
مسكت تليفونها و رنت على عهد و استنت ترد و هي الدموع ف عيونها 
و بعد وقت عهد ردت عليها
عهد...ازيك يا سارة 
اتكلمت سارة بحزن و احراج و هي بتقولها
سارة...عهد انا اسفة بس ممكن اجيلك 
سكتت عهد و هي مش فاهمه حاجة