رواية عهد بحب كاذب الفصل الحادي والعشرين حتى الفصل الخامس والعشرين بقلم الكاتبه مريم أحمد حصريه وجديده
المحتويات
تقول لأخوها و وقتها سليم هيزعل منك اما لو مردتيش ف كلامها و طريقتها دي هتفضل متسجله و انتي مش هتردي ف مش هتبقي غلطانة
ردت عليها ندى بسخرية و هي بتقولها
ندى... لا بجد دا انتي ذكية اوي .. م اكيد هتقول لسليم اني مش برد عليها و هتخليه يزعل مني
ابتسمت سارة و قالتلها
سارة...وقتها ابقي ابعتيله كلامها دا و انك مرديتيش عشان متعمليش مشكلة و هو ساعتها هيعرف انها بتعمل كدا عشان تخليكوا تتخانقوا ف مش هيزعل منك
سكتت ندى و فكرت شوية ف كلام سارة و بعدين هزت دماغها باقتناع و قالتلها
ندى...هروح انا بقى اكمل مذاكرة عشان الامتحانات
ابتسمت سارة و قالتلها
سارة...ربنا معاكي
ابتسمت ندى و ردت عليعا و هي بتقولها
ندى...امين يا رب العالمين
و راحت اوضتها و سارة رجعت كملت شغلها تاني
....لا اله الا انت سبحانك اني كنت من الظالمين
في مكان اول مرة نروحه في الشروق تحديدا ف قصر زهران الشرقاوي و اللي بيكون ابو سليم
كانت سيرين متغاظة جدا ان نظى شافت الرسالة و مردتش عليها
فضلت رايحة جاية ف اوضتها پغضب و هي بتقول
سيرين...فاكرة نفسها مين دي عشان متردش عليا انا متردش على سيرين الشرقاوي اټجننت دي ولا ايييه
فضلت رايحة جاية كدا لفترة مش قليلة لحد م وقفت و قررت انها تروح لأمها
خرجت من اوضتها پغضب لاقيت واحدة من الخدامين ف الطرقة قالتلها
سيرين...ماما فين
ردت عليها الخدامة و هي بتقولها
اميرة...لا يا سيرين هانم
زعقت سيرين و هي بتقولها
سيرين...اومال مين اللي يعرف يعني
اتكلمت اميرة پخوف و هي بتقولها
اميرة...يا هانم انا جاوبت حضرتك على سؤالك اية لازمته زعيقك دا بس
ردت عليها سيرين پغضب و هي بتقولها
سيرين...تعاااالي علمينييي ازااااي اتكلم احسن !!
دمعت عيون اميرة و هي صعبان عليها نفسها و ف الوقت دا جت حلا اخت سيرين و هي بتقول
حلا...في ايه
سكتت اميرة و متكلمتش و سيرين قالتلها
سيرين...م تقولي في ايه
بصت اميرة لحلا بحزن و سيرين اتكلمت و هي بتقول
سيرين...في ان الاستاذة بتعرفني ازاي اتكلم معاها
اضايقت حلا من سيرين جدا و قالت لأميرة
حلا...روحي كملي شغلك انتي طيب
هزت اميرة راسها و مشيت و حلا بصت لسيرين و قالتله
حلا...سيرين اسلوبك بقى وحش جدا على فكرة
ابتسمت سيرين بسخرية و قالتلها
سيرين...احسن خليكي انتي اللي اسلوبك كويس
قالت كلامها و دخلت اوضتها و قفلت الباب و حلا نفخت پغضب و رجعت اوضتها تاني
....لا اله الا انت سبحانك اني كنت من الظالمين
في بيت صادق
كانوا كلهم متجمعين بعد م طلبوا اكل من بره لأن طبعا هالة مكنتش عملت غدى
اتكلمت و هي بتقول لصادق
هالة...المهم بقى لاقيتلك عهد دي جاية و وشها غرقان بالدموع و بتقولي سيف ف المستشفى
اتكلمت عهد بزهول و هي بتقولها
عهد... لازمتها ايه انك تحكي طيب
ضحك صادق و قالها
صادق...سيبيها
زجه كلامه لهالة و هو بيقولها
صادق...كملي كلامك
هزت دماغها و كملت كلامها و هي بتقوله
هالة...روحنا بقى لاقيناه يا عيني جتله ضړبة شمس من الشغل
بص صادق لسيف و قاله
صادق...الف سلامة عليك
ابتسم سيف و قاله بحب
سيف...الله يسلمك يا حاج
ابتسمت هالة و قالت
هالة...بس صاحب الشركة بقى طلع بني ادم محترم و بيفهم ف الاصول و مسبناش ابدا و فضل موجود لحد م مشينا
ابتسمت عهد بسخرية و هي باصة ف اكلها و هالة كملت كلامها و هي بتقول
هالة...يا ريت كل الناس زيه
قالتلها عهد بسرعة
عهد...ليه يعني
ردت عليها هالة بزهول و هي بتقولها
هالة...يعني بني ادم محترم و ساب شركته اكتر من اربع ساعات و دفع حق المستشفى على حساب الشركة و تقوليلي لية
ابتسمت عهد و قالتلها
عهد...ماشي يا حبيبتي
ابتسمت هالة و هزت دماغها بمعنى ماشي و داليا بصت لعهد و هي عايزة تضحك
....سبحانك اللهم و بحمدك
في قصر زهران الشرقاوي
كانت حلا نزلت و كانت ناوية انها تخرج مع صحابها بس وقفت مكانها لما سمعت صوت امها و هي بتقولها
ميرفت...على فين
ردت حلا عليها و هي بتقولها
حلا...هخرج مع صحابك
هزت ميرفت دماغها برفض و قالتلها
ميرفت...لأ
تستغربت حلا و قالتلها
حلا...لية يعني!
ابتسمت ميرفت بسخرية و قالتلها
ميرفت...نعم
سكتت حلا و ميرفت قالتلها
ميرفت...كام مرة قولتلك متتكلميش مع اللي اسمها دينا دي
حلا...ماما يا حبيبتي دينا تبقى بنت عمتي و سنها قريب من سني يعني طبيعي اتكلم معاها و نكون صحاب !!
زعقت فيها ميرفت و قالتلها
ميرفت...و عمتك دي بتكرهه امك
هزت حلا دماغها بمعنى ماشي و قالتلها
حلا...بس للأسف انا مليش دعوة بكل دا لا انا ولا دينا لينا دعوة يا ماما و كمان من حقي اني اسأل على عمتو
اضايقت ميرفت جدا منها و سيرين قالت لأمها
سيرين...مستنيه تسمعي منها كلمة حاضر يعني
ضحكت و كملت بسخرية
سيرين...متبقاش حلا
قالت ميرفت لحلا پغضب
ميرفت...امشي من وشي
هزت حلا دماغها و قالتلهم
حلا...عن اذنكوا
و خرجت من البيت كله و هي ناوية تروح لعمتها
اتكلمت ميرفت و هي بتقول لسيرين
ميرفت...عملتي ايه
ردت عليها سيرين بكل غيظ و هي بتقولها
سيرين...بعتلها الرسالة و مردتش عليا بس مش هيأس عشان استحالة دي تكون خطيبة اخويا
هزت ميرفت دماغها بموافقة و سيرين قالتلها
سيرين...المشكلة مش عارفة افكر ف خناقة تخليهم يفشكلوا الخطوبة دي
هزت ميرفت دماغها بلامبالاه و قالتلها
ميرفت...مفيش حد هيقبل ان عيلته تتهان
استغربت سيرين كلام ميرفت و قالتلها
سيرين...مش فاهمه
ابتسمت ميرفت و قالت
ميرفت...يعني هنكهرهها فينا لحد م تيجي ف مرة تزعق بقى ولا تتعصب ولا تتنرفز علينا وقتها هو هيضايق عشانا و هيفسخ الخطوبة الحكاية كلها مسألة وقت مش اكتر ووووو
24
تاني يوم
كانت عهد و سارة ف الشركة بيتابعوا شغلهم
اتكلمت عهد و هي بتقول
عهد...بجد يا سارة حقيقي مش مصدقة ان خلاص كلها شهر و نخلص من التدريب دا بجد
ضحكت
ضحكت سارة و قالتلها
سارة...متفرحيش اوي كدا بكرة ننزل بدري عشان الشغل بقى
نفخت عهد بزهق و قالتلها
عهد...انا اصلا زهقت
هزت سارة دماغها و قالتلها
سارة...معلش يا عهد بس
اتكلمت عهد بفرحة و هي بتقول
عهد..مش مصدقة ان بكرة اجازة بجد
ضحكت سارة و قالتلها
سارة...محسساني انهم بيعذبوا الناس
ضحكت عهد هي كمان و سارة قالتلها
سارة...عموما ندى خطوبتها كمان يومين و صاحبة الا...
قاطعت كلامها عهد بفرحة و هي بتقول
عهد...بتهزرييي الف مبروووك
ابتسمت سارة و قالتلها
سارة...الله يبارك فيكي
كملت كلامها و هي بتقول
سارة...المهم لازم تيجي انهاردة لأن صاحبة الاتيلية بعتتلها كذا صور لي دريسات هي محتارة مش عارفة تختار انهي
هزت عهد دماغها و قالتلها
عهد...خلاص ماشي
و رجعوا هما الاتنين كملوا شغلهم تاني
....لا اله الا انت سبحانك اني كنت من الظالمين
في بيت دينا
كانت قاعدة مع حلا و بيتكلموا ..جت امها عشان تسلم على حلا و قالتلها
سحر... ازيك يا حلا عاملة ايه
راحتلها حلا و حضنتها و هي بتقولها
حلا...الحمدلله يا عمتو حضرتك عاملة ايه
ابتسمت سحر و ردت عليها
سحر...بخير يا حبيبتي
كملت كلامها و هي بتسألها
سحر...اختك عاملة ايه
ابتسمت حلا و هزت دماغها و هي حسة بالاحراج من عمتها ان محدش ف العيلة بيسأل عنها غير هي و سليم يعتبر و احيانا ابوها..
اتكلمت سحر بضيق و هي بتقول
سحر...ولا تضايقي كدا المهم امك تكون فرحانة يعلم ربنا اني معملتلهاش حاجة عشان تكرهني كدا
اتكلمت حلا بأمل و هي بتقولها
حلا...ان شاء الله هيجي وقت و الخلاف دا يروح لحاله
هزت سحر دماغها و قالتلهم
سحر...انا هروح لمروة انا
متابعة القراءة
