رواية أول مره أحب الحلقه الرابعه بقلم الكاتبه شيماء صبحي حصريه وجديده

جدا وعروق وشه ظهرت واتكلم وقال بعصبيه زايدة_وانتي ازاي تضحي بحياتك علشان واحد مستهتر زي دا!!
تقدري تقوليلي لو مكنتش انا وقتها موجود ولحقتك كنتي هتعملي ايه..انتي كنتي بټغرقي وحياتك كانت هتنتهي في لحظة بسبب إستهتارك
كل كلمه قالها كانت صح ..حسيت وقتها قد ايه انا كنت غبيه لما قررت اتحرك من مكاني وابلغ رحمه اني هدور علي عصام وحتي لما اتدخلت قبل ما يأذوه فاتكلمت وقولت_انا كل اللي همني وقتها ان رحمه فرحتها متتكسرش ومتتفضحش قدام الناس
اتضايق من كلامي وقالي_وانتي بق مش مهم حياتكاهم حاجه رحمه دي تبق مبسوطة!
اتعصبت لانه بيتكلم علي رحمه بالاسلوب دا فرديت وانا بدافع عنها_انت متعرفهاش علشان توصفها بالشكل دا رحمه دي بنت جدعه ويتيمه ونفسها تفرح زي باقي البنات
بصلي وكأنه فقد فيا الامل وقال_للاسف الطيبه اللي انتي فيها دي هتدمرك زمانها دلوقت كملت فرحها ومش منتبهه ليكي اصلا ولا لاختفائك
رديت بضيق_وانت تعرفها علشان تحكم عليها دي اكيد زعلانه عليا وقالبه الدنيا عليا انت مش فاهم دي بتحبني قد ايه!
بصلي وانا من نظرته قلقت وقولت في نفسيمعقوله رحمه تكون تجاهلت اختفائي وكملت الفرح فعلا وحتي تممت جوازها
كان بيبصلي وكأنه فاهم انا بفكر في ايه فاتكلم وقال_انا وعدتك لو قولتي الحقيقه هرد علي اسالتك ها عاوزة تعرفي ايه
اتكلمت بحزن وقولت_انا فين
رد عليا بهدوء_انتي في المنيا
حركت راسي وقولت بتساؤل_ المنيا!! انا وصلت هنا ازاي انا كنت فاكره اني كنت في قريه في أسيوط!
رد عليا وقال بهدوء _ما انا لما انقذتك كنت وقتها جاي أسيوط اخلص شغل ولما شوفتك وانتي في ناس بتطاردك ووقعتي في النيل انقذتك واخدتك معايا وجبتك هنا في القصر بتاعي!
رديت پصدمه وزهول وسالته_ يعني انت صاحب المكان دا بجد
جاوبني بالموافقه_ايوا انا صاحب القصر
سألته اخر مره وقولت_ يعني انت بجد هترجعني ل بيتنا زي ما وعدتني
بصلي للحظة بتفكير وحرك راسه وقال_انا وعدتك اني هرجعك ل بيتك يبق انا عند وعدي ليكي ومستحيل اخلف وعدي ابدا!
حركت راسي بالموافقة وسألته بفضول_امتي.. هترجعني امتي لبيتنا
قرر يسألني انا وقالي_شوفي لو حابه دلوقت انا موافق قرري براحتك
بصيت في عنيه وحسيت وقتها احساس غريب اوي ومن دون وعي مني قولتله_ممكن استكشف المكان دا كله الاول قبل ما امشي كملت باندهاش_اصل انا ملاحظة ان تصميمه غريب وبصراحه عجبني اوي حساه زي لغز كده مش مفهوم 
حرك راسه وقال_غريبه انك مسألتيش علي إسمي يعني
جاوبته بابتسامه_حسيت انك مش هتجاوب بس عادي لو هتجاوب عليا قولي انت اسمك ايه!
رد بكل بساطة_اسمي ماجد العربي
ابتسمت وقولت_اسمك مميز بس انت ليه كنت غريب اول ما شوفتك
رجع لصمته تاني وانا وقتها قمت وقفت وقولت_لا كده كتير بصراحه القصر دا اكيد فيه حاجه غلط
وقف قدامي بالظبط وقال_انتي اول بنت غريبه تدخل للقصر هنا وتكلمني بالطريقه دي 
استغربت كلامه وقولت بسخريه _ليه هو حضرتك ممنوع 
بصلي وسكت ومردش عليا وانا بصيت في الارض بخجل وبعدها رفعت عيني تاني وقولت_خلاص يا استاذ ماجد انا مش هضايق حضرتك اكتر من كده ممكن امشي دلوقت 
حرك راسه بالموافقه وقالي_في لبس عندك في الدولاب لو حابه تغيري هدومك
رديت بشكر_متشكره انا مرتاحه اكتر في هدومي
حرك راسه وقالي_خلاص استنيني هنا لحد ما اجهز العربية بتاعتي وهبعت كبيرة الخدم ليكي هتوصلك لعربيتي علشان نتحرك !
حركت راسي بالموافقه وهوا خرج وقفل وراه الباب وفضلت انا قاعده مكاني وفجاه اشتغلت موسيقى هاديه في المكان حسستني بالراحه فرجعت بضهري شويه لورا وقولت استمتع