رواية زهره لا تدبل الفصل الثالث عشر بقلم الكاتبه أماني سيد حصريه وجديده

أن يعلم هويه المتصل
ألو
احمد ازيك عامل ايه
مين معايا
أنا مايسه
خير يا مايسه عايزه ايه
احمد إيه رأيك نبقى اصدقاء تانى انا اسفه على اخر مره كلمتك فيها
ضحك احمد على حديثها
انتى بتتكلمى بجد
تحمست مايسه وظنت أنها استطاعت أن كسب وده مره اخرى
اه يا احمد انا كنت غلطانه وكنت حاسه بغيره من حب ماما ليك عشان كده اتصرفت بتهور
مايسه انتى فاكرانى غبى ونسيت انتى قولتيلى ايه
على فكره انا عارف كويس انتى عايزة منى ايه تحب اقولك انتى عايزه ايه
بابا بطل يصرف عليكوا واكيد خلى مامتك تشتغل بعد ما اطرد من المدرسة زى ما كان بيعمل مع مامتى
وبعدها هيعمل معاكى زى ما عمل معايا وينزلك تشتغلى انتى كمان اذا كان ابنه هان عليه انتى مش هتهونى عليه تبقى غبيه
وعشان اريحك يا مايسه انا مرتاح ومبسوط أوى فى حياتى وبجد حياتى بقت احسن والحمد لله إن اللى حصل ده حصل عشان تتكشفولى والحمد لله أنى بعدت عنكم
لم تستطع مايسه سماع حديث احمد واغقت الهاتف بوجهه وظلت تبكى فوضعها السابق كان افضل ماذا عليها أن تفعل حتى تهرب من تلك الحياه فهى لم تعد تتحمل كل ذلك لم يعد لديها مال كالسابق ولا تحضر دروس وطوال اليوم خناق بين امها ورأفت فأصبحت تخشى أن تتجول فى المنزل حتى لا يراها رأفت ويتصنع معها مشاكل
فى الجهه الاخرى
ازداد التقارب بين مليكه وزهره خاصه بعد أن علمت زهره أن والده مليكه توفت فكانت تساعدها من خلال الهاتف قدر المستطاع وكانت دائما مليكه تخبر والدها بما تفعله معها زهره
بقيتى تحبي ميس زهره يا مليكه
أوى أوى يا بابا
يعنى هى احسن ولا ميس مى
مافيش مقارنه أصلا ميس مى كانت تشرح وتقعد اللى يفهم يفهم واللى مايفهمش عنه ما فهم
ما يمكن ميس زهره بتعاملك كده عشان انتى بنتى مثلا
لا لأن اى حد مش فاهم حاجه بتشرحاله مره تانيه ومش بيبان عليها انها متضايقه أبدا
تمام بس برضوا ماتقليش عليها عشان اكيد عندها زوج واولاد
لا هى مش متزوجه هى منفصله وعندها ابن واحد
ايه ده هى حكيتلك عن حياتها بقى
لا كان فى وسط كلام وانا بقولها إن ماما متوفيه وبكلمها عن نفسى
مليكه خدى بالك من كلامك معاها هى فى الاول والاخر المدرسه بتاعتك
حاضر يا بابا ماتقلقش انا فى أى وقت لو حسيت انها متضايقه هنسحب على طول
أيوه كده بنتى الشاطره
فى اليوم التالى أثناء اليوم الدراسى كانت مليكه تجلس داخل الفصل بمفردها تبكى حاولوا البنات اكثر من مره تهدئتها لكن لم يستطيعوا فقرروا أن يبلغوا ميس زهره لعلها تستطيع مساعدها
عندما علمت زهره أتت مسرعه حتى تطمئن
على مليكه
مالك يا مليكه حصل ايه بتعيطى كده ليه
يتبع