رواية شيطان في بيتي الفصل الثالث والثلاثون بقلم الكاتبه زهرة الربيع حصريه وجديده

ومش راضيه تسكت
هدي قال بسرعه...خلاص يا ستي حقك على راسي انا اسف 
...خلاص اخذت حجز اربع ايام والتحقيقات شغاله ..حلو كده
نيره مسحت دموعها وبطلت بكا فورا وقالت بابتسامه... تمام طب ما كنت تقول كده من الاول ايه العالم دي
و لسه هتمشي مسك ايدها وبصلها پغضب وقال... والنبي ايه انتي كنتي بتشتغليني يا بت
نيره بصت لايده اللي ماسكه ايدها وقالت..... ايدك يا بابا دي ملهاش قطع غيار ...قال مش عاجبه اني بسأله قال مش تحمد ربك اللي بعبرك اصلا بعد اللي عملته الصبح
عدي اتنهد پخنقه وقال ....ما كانش قصدي قلت لك الف مره كنت فاكر الاوضه فاضيه... ايا كان انا مش فاضي ارغي معاكي اصلا
ولسه هيمشي قالت بسرعه.... على فكره بنت عمك حلوه قوي وتتحب..... بس خلاص اتجوزت..و واضح ان بقى في كيمياء جامده بينها وبين جوزها ...غير كده هو قمور حليوه و
عدي بصلها وقاطعها وقال... احلى مني
نيره قالت بدون تفكير.... طبعا وشخصيه جدا
عدي بصلها بدهشه وقال.... وبتقوليها في وشي كمان ...جاتك الباله وانا بسال مين اصلا هو انت عندك ذوق يا مفعوصه انت اصلا
نيره ضحكت وقالت...هو صحيح احلى منك بس
قاطعها وقال بسخريه ....اه قولي روحك احلى من روحه وجو التصبير ده
نيره قالت بسرعه.... لا طبعا ....هو كمان الصراحه روحه احلى برده ....كنت اقصد اقول لك انه مش احلى كتير يعني.
عدي بصلها بغيظ شديد ودخل الاوضه وقفل الباب
نيره انتفضت من خبطة الباب وقالت....هو زعل ليه...مهو احلى فعلا اكدب يعني
عند سهيله كانت پتبكي جامد لان قفل الباب قرب يتكسر وعلي بيخبط عليه جامد من بره وبيقول بزعيق افتحي بقول لك .....ما حدش هينجدك من ايديا النهارده متتعبيش نفسك وتتعبيني على الفاضي
سهيله كانت بتترعش جامد وحاطه ظهرها على الباب وبتقول ببكا شديد....اللذين قال لهم الناس ان الناس قد جمعوا لكم فاخشوهم فزادهم ايمانا وقالوا حسبنا الله ونعم الوكيل فنقلبوا بنعمة من الله وفضل لم يمسهم سوء
وبقت تعيدها اكتر من مره وهي بترتعش 
بس علي كسر الباب بقوه وقدر يدخل ووقعت على الارض وهيه بتزحف لورا وبتقول... ابوس ايدك سيبني في حالي حل عني بالله عليك
بس علي كان بيبصلها بغل وتعب وھجم عليها وقال بزعيق... اخلص عليكي في ايديا دلوقتي قطعتي نفسي
سهيله ضړبتو في رجلو المصابه برجلها وخرجت على الصاله جري ومسكت تليفونها وبقت تطلب منتصر وهيه بتجري على باب الشقه هتخرج
منتصر رد وقال...ايه يا جميل وحشتك ولا ايه
شهيله قالت بصړاخ...الحقني ..الخقني يا منتصر وفتحت الباب ولسه هتطلع جابها من شعرها فوق النقاب ودفعها على الأرض بغل
سهيله صړخت بقوه ومنتصر بقى يزعق ويقول بړعب...سهيله سهيلللله.
بس الخط اتقطع 
حس قلبه حرفيا هيقف جري على عربيته علشان يلحقها وهو مش شايف قدامو وبيتصل عليها تليفونها اتقفل
سهيله كانت واقعه على الارض بالم و قالت بدموع شديده ....اقټلني..بالله عليك اقټلني ومتعملش كده ..موتني خلاص ارجوك يا علي موتني
علي قرب عليها وقال پغضب ...حد ېموت القمر ده بس ده انا ما صدقت هشوفه
ولسه هيرفع النقاب اتكسر الباب واټصدم باللي بيقول من وراه.. والقمر كمان كان مشتاق قوي يشوفك
عند اسيا بصت لعمها بدموع وقالت... مش هسالك في حوار امي ده.... انا بطبيعتي متوقعه منها اي حاجه دي واحده اتخلت عن اولادها فطبيعي جدا تخون جوزها....بس عايزه اسالك سؤال واحد بس وتجاوبني عليه بصراحه.....يفرق ايه عننا يا عمي...انت احسنت معاملتنا ولحد انهارده محسيتناش بنقص.... هو بقى يفرق ايه.... ليه رفضت تربيه زينا.. اوعى تقول
لي علشان امه...عمر امه ما هتكون اسوء من امنا
بقلم...زهرة الربيع
عصران اتنهد وشاف ان ما فيش اي فايده من الانكار اكتر من كده قعد بضيق وقال.....هحكيلك اللي حصل بس تحاولي تفهميني.... امه لما عرفت انها حامل جاتلي اول واحد...وقالت لي انها عايزه تتجوز اخويا وانها حامل بابنه....طبعا لانها رقاصه ما كنتش مصدق ان الولد ده اصلا ابن ماهر اللي ما كانش ليه في كده اصلا ولما رفضت اعترف....اتحدتني بكل بجاحه و قالت لي انها هتجيب الولد ده وتقعدوا على قلبي
بس لما سألت ماهر قال لي... انه فعلا كان سهر مره في المكان ده ...وقتها قولت يمكن يكون ابن اي حد من اللي تعرفهم وبتقول ابننا علشان تاخدلها قرشين وفعلا عرضت عليها الفلوس وافقت على طول ....وعشنا عادي ونسينا الموضوع لحد ما بقى عمره 15 سنه وقتها الولد كان مصر يعرف ابوه وجيه على البيت لاول مره
واظن الباقي انتي عارفاه
اسيا نزلت دموعها بغزاره وقالت....يعني كل كلمه كان قالها صح يعني جالك واترجاك وطردته....يعني فعلا روحت له وعملتلو التحليل واتأكدت بنفسك انه مننا وسبته.... سبته لكلام الناس اللي زي الدبش ...وانا اول واحده كنت برميه بيه ...غسلت مخي وفهمتني ان عمي مبيخلفش و مستحيل يخلف طب ازاي...والتحاليل انا قريتها بنفسي
عصران اتنهد بحزن شديد وقال بحرج .... احم التحاليل دي انا كنت عملتها عند دكتور صاحبي .....عشان ابوكي كان زي لؤي مصر ان الولد ده يشبهنا ومننا وكنت عايز اسكته مش اكتر ...اسيا يا بنتي انا قلت لك كل اللي اعرفه وكل اللي عملته مكدبتش عليكي في حرف..وكل رجائي منك انك تعقلي اخوكي وتفهميه انها كانت غلطه واكيد مش هتمسكولي على غلطه واحده وتسيبو كل اللي عملته علشانكم
انتي قولتي بنفسك اني عمري ما فرطت فيكم وكنت بعاملكم زي عدي وسهيله ...كمان لازم تعرفي ان والله العظيم انا ما خنت اخويا ولا قربت لامك ابدا ولو على اكمل انا والله ندمان وهصالحه ونبدأ كلنا من جديد 
اسيا مسحت دموعها بقوه وقالت بسخريه ....تصالحه طب ازاي يا عمي..عمره ما هيسامحك ولا هيسامحني..انا دلوقتي معرفش ازا كنت حضرتك صادق في ندمك ولا لا...ولا اعرف اذا كنت هقدر اتناسى انك خدعتنا بالشكل ده...بس اللي اعرفه ان كل كلمه طلعت مني واذيت بيها اكمل وحړقت قلبه بيها بسبب ثقتي فيك هتفضل سد بيني وبينك لحد ما هو يسامحني او ربنا ياخذني ويريحني من الخنقه اللي حساها دلوقتي
قالت كده ومشيت من قدامه بحزن شديد
عصران احتدت عنيه پغضب شديد وقال....او فعلا ربنا هياخد حد من هنا بس مش انتي يا روحي .....هو اللي كفايه قوي عليه كده ....صحيح طربق الدنيا على دماغي بس مش هيلحق يفرح بيها ابدا
و مسك التليفون واتكلم مع واحد وقال.... اسمع فيه واحد عايزين نريحه على الاخر من غير شوشره.... هبعت لك صورتك ومعلومات عنه....تجبلي اجله من غير ولا غلطه وووو
يلاااا يا شعب عايزه تفاعل يشجع قولو رأيكم في الي بيحصل وتوقعكم للي جاي التكمله خطيره عايزه تقدير بقى مشاىكات وكمنتات وطبعا الايك لعيون زهوره ويارب ديما مبسوطين معايا