رواية أزمة ثقه البارت السابع بقلم جمانه السعيدي حصريه وجديده

رواية أزمة ثقه البارت السابع بقلم جمانه السعيدي حصريه وجديده 
عشتار نمت هلكد ما تعبانه تقريبا الساعه ٣ او ٣ وربع
سمعت صوت طفل يبجي 
بلبدابه توقعت حلم 
بس الصوت بقه بااذني طفل يبجي ويناشغ 
اني من يوم عرفت مايصير عندي اطفال واني عقلي كله يم الاطفال 
اي طفل اشوفه بلصدفه ابقى اباوع علي 
اذا اشوف بي مجال احضنه وابوسه واذا لا ابقى اباوع علي من بعيد 
عندي نقص من هاي الناحيه تفكيري كله صاير يم الاطفال
بقه الطفل يبجي كعدت وقررت انزل اشوف هذا الطفل 
ليش يبجي
طبعا هم بيوتهم بدون سياج خارجي 
لان البستان نفسه بي سياج كلش عالي 
بيوتهم داخل البستان مابيه سياج ابد
نزلت اسمع الصوت برا البيت 
فتحت باب المطبخ اشوف شنو هذا الصوت 
شفت ام اركان زوجت خال ابو احمد شايله طفل وتحاول تسكته 
تروح وترجع بي بس هو ما يقبل يسكت 
بس فتحت الباب شافتني 
ام اركان هااا عيوني كعدتي اسفه راح اروح للجه الثانيه 
نسيت انتم نايمين هذا خبلني ما يقبل ينام
قربت عليها 
عشتار لا عادي مديت ايدي اشيله راسا اجاني 
كلبي طفر من مكانه 
شلته وكمت اسولف علي 
هااا حبيبي ليش تبجي 
ام اركان يااا سكت عندج 
عشتار فدوه حبيبي 
ام اركان فدوه الكلبج 
عشتار هذا الحلو شسمه 
ام اركان اسمه يوسف 
عشتار عاشت الاسامي يخبل فدوه 
ام اركان هذا قصته قصه لو تسمعينه
الطفل حضڼي وخل راسه على كتفي وسكت 
ابد مااكدر اوصف هذا الشعور حقيقتا هذا الحضن الي جنت منتضرته طول عمري 
هذا الحضن يعادل كل الحب والحنان الي بهاي الدنيا 
سكت ما يبجي بس يناشغ جمانه السعيدي
ام اركان هذا ابن ابني الجبير اركان ابو مهندس مدني 
عندا بعد اخ صف اول ابتدائي 
امه ماټت قبل شهرين ونص بعرس اخو الزغير 
مانعرف شنو الاسباب بليل نامت بيوم العرس كلشي مابيه 
بس كالت تعبانه اكيد تعبانه من العرس 
احنا اعراسنا ضخمه وتجينا كومه ناس
الصبح سمعنا يبجي بقه يبجي هواي اركان جان عدنا 
وهي وجهالها نايمه بيتهم
اجينا نشوفها لكيناها مېته 
الله يستر مصباح العرس صار عدنا عزا 
نقلناه للمستشفى مېته بليل هي اصلا كلبها ضعيف 
وجانت تاخذ مانع حمل صار فتره وتعبت بلعرس 
ماټت ومحد حس بيها 
عافت هذا الطفل عمره سنه وست اشهر 
هسه عمره سنه وثمن او تسع اشهر 
عمت عيني عليها جانت خوش انسانه حنيين وطيبه 
الف رحمه على روحها
عشتار الله يرحمها
ام اركان من يوم ماټت امه لليوم كل يوم يكعد بليل ويبقى يبجي 
اخو ادم ينام يم ابو وهذا ينام عندي لان زغير 
واني كل ليله على هاي الحاله 
حتى اخذته دكتور اطفال يكول صحته زينه مابي شي
مااعرف صايره وياا خوفه مااعرف شنو مشكلته 
حتى حرز للبجي سويتله بس مجاي يصير زين
عشتار الله يساعدكم باوعت الطفل نايم 
ام اركان فدوه الأيديج نام اعذريني لان كعدتج هيج وقت
عشتار لا عادي اخذته مني وودي أكلها عوفي عندي اني انومه بس استحيت منها 
اخذتا وراحت واني