رواية شيطان في بيتي الفصل السادس والثلاثون بقلم الكاتبه زهرة الربيع حصريه وجديده

هو اكيد زمانه عرف من اللي اجره بس طبيعي ما يبينش انه عارف
عدي اتنهد بحزن شديد وقال.... حاضر هروح اجيبها
في البيت كان عصران حرفيا هيتجنن وبيزعق في التليفون وبيقول..... انت عايز تشلني يا غبي يا متخلف مش كنت تستنى لما يخلصوا خناق حتى ټضرب عليهم... البنت لو حصل لها حاجه انا اللي هخنقك بايديا يا حيواااان
وقفل معاه وهو رايح جاي في المكتب بعصبيه جذب شعره لورا وهو بيقول.... اعمل ايه.... ازاي كده يا رب يا رب انا غلطت كتير عارف.... بس انا ربيتها عمرها كله على ايديا ما تخليهاش ټموت بايديا يا رب
وكان واقف مكانه مش عارف يعمل ايه خرج من المكتب وعايز ينزل يخلي نيره تتصل على حد منهم يمكن يعرف حاجه بس جاله اتصال تاني رد بسرعه وهو فاكره من المستشفى هيبلغوه وقال بسرعه...ايوه الو
بس اټصدم صدمة عمره وكان مدير حساباته بيبلغوا بعملية اختلاس كبيره في الشركه ومشاكل ادت لإنسحاب بعض العملاء او بمعنى اصح بيبلغه بافلاسه الفعلي
كانت دي الضربه الاقوى من كل شيئ بالنسبالو وقع التليفون من ايده وهو مش مصدق اللي بيسمعه ومشي قدامه وهو مش منتبه ابدا للسلم اللي قدامه ووقع في لحظات كان نزل على الارض مغمى عليه
نيره صړخت جامد وجريت عليه بقت تحاول تفوقه بس ما كانش بيفوق ابدا
في الوقت ده دخل عدي واټصدم بشده وجري عليه وهو بيحاول يقومه والدموع في عيونه
في المستشفى اكمل كان فاق والدكتور حاول يخليه يفضل في السرير بس ما كانش بيرد ليه وراح وقف عند اوضة اسيا بيبص عليها من القزاز بدموع وړعب شديد
قرب من الدكتور وقال بتعب شديد... ممكن ادخل افضل معها جوه مش هتكلم خالص
الدكتور اتنهد وقال.... بس احنا لسه حالا شايلين لها الړصاصه وهيه تعبانه و
بس اكمل زعق فيه بشده وقال..... انا بقول لك مش هتكلم مش هعمل صوت تنت مالك دي مراتي
الدكتور بلع ريقه بارتباك وقال....ده مش اسلوب يا اكمل بيه لو سمحت اهدى انت في مستشفى
منتصر جري عليه وحاول يهديه وقال..اكمل اهدى مش كده
اكمل بص له برجاء وقال.... عايز اقعد معها .. ممكن تكون اخر مره اكلمها فيها ارجوكم
منتصر مفهمش قصده وقال.... ما تقولش كده الدكتور قال ان الاصابه كانت في الكتف وبسيطه هتكون بخير ان شاء الله... انا هخليك تدخل لها ...بس اهدى شويه وانا هتكلم مع الدكتور
اكمل هز راسو بالموافقه وقعد على الكرسي بالعافيه ومنتصر مشي مع الدكتور على جنب
سهيله بصت لحالة اكمل بحزن كان ضعيف ومهزوز والخۏف على ملامحه قربت منه وقالت بدموع... الصبر في الوقت ده هو الاجر.... قل لن يصيبنا الا ما كتب الله لنا ..وادعي لها
اكمل تفاجئ منها وبص لها بحرج شديد وقال ....سامحيني يمكن لو سامحتيني ربنا يقومها لي بالسلامه
سهيله اتنهدت وقالت.... يشهد ربي اني ما زعلتش منك ابدا يا اكمل بالعكس اللي عملته معايا شايلاه فوق راسي حتى لو غلطت معايا الاول بس في النهايه الډم اللي بينا منعك ترضى بأذيتي
اكمل لسه هيرد جاله منتصر وقال ....شوفت بالهدوء كل حاجه بتتحل...تقدر ادخلها يلا بس ما تتكلمش كتير
اكمل حضنه بشده وقال شكرا جدا..شكرا
منتثى ابتسم وهو جري ودخل عندها
اول ما دخل لؤي راح لمنتصر وقال بلهفه ...طب و انا هشوفها امتى
منتصر ضحك بخفه وقال.... يا ابني هيه كويسه وكمان شويه هتفوق وكلنا هنشوفها عادي ....بس معلش خليه شويه معاها يمكن يرتاح ويتحسن
لؤي اتنهد و هز