حياه فيما يرضي الله الحلقه الاولى حتى الحلقه العاشره حصريه وجديده

وانا حبست في أولى ليسي وكان قرار بابا وانا بالطبع جامي قتلوا كيفاه وعلاش رضا الله من رضا اللولادين بديت نقرأ في سورة الفتح بتجويد دخل بابا عندي سلملي على راسي وخرج انا بقيت نصلي كي أدن الفجر نضت صليتو كي خلصت بديت نقرأ في ادكار الصباح كي خلصت خرجت لقيت ماما مع الفطور بقيت نعاون فيها على خاطر مستحيل نرجع نرقد قال رسول الله صلى الله عليه وسلم بوراك لأمة في بوكاوراها
الجزء 03
خبزنا الكسرة طيبت لحليب وطلعت قهوة وجدت الطابلة وعيطت لبابا دخل فطرنا مجمولين كي خلصنا بالملي بابا على جبهتي وزاد سلم على ماما ودعنها ودعينا ربي يرزقو قدام يخرج قاټلو ماما باغية نروح لعند دارنا قلها ملا هيا معايا دوك وكي نجي في طريقك نجيبك فرحت مي كي شافت معاي غضتها كيما قتلكم بابا ميبغيش تبسمت معاها محبيتش نحسسها قټلها والله لليوم نتهنا من لغدا ضحكت معاي قاټلي مخسارش ريحي نطق بابا قالنا والله ريحو زوج لاعشا لاغدا خلي اليوم نقلشكم بابا خطرات يشرينا الحوت المشوي من حدا لبحر ولا دجاج محمر رحت بستو وزدت عاودت ماما رقلات روحها بستها ودعتني قالتلي اتهلاي في روحك وصاني بابا نتهلا في روحي توكلوا على ربي وخرجو انا ملقيت مندير قلت خلي نرجع نرقد دخلت في فراشي حطيت القرآن سورة البقرة في تلفون ورقدت نضت على صوت دقديق في الباب اوبمصطلح اخر تكسار تقول يضربو في الباب انا كي يكونو بابا وماما في الدار جامي ندنا لباب رفدت تلفون باه نخبر بابا لقيت تلفونو مبلع زدت عيطت في تلفون ماما لقيتو كيفكيف شدتني الخلعة قلت سور بلاك كاشما صرا وليت نرجف نضت وانا رجلي نحسهم مفياش استغفرت وتفكرت قوله تعالى لن يصيبنا إلا ماكتب الله لنا هو مولانا وعليه فاليتوكل المؤمنون
سورة التوبة اية 51
الجزء 04
فتحت لخزانة جبدت حجابي والاسدال والنقاب والدقديق مزالو محبش ويضرب بالقاوي رقليت روحي وخرجت رجل لقدام ورجل لوراء هبطت عيني وفتح لباب لقيت زوج لاجان انا مشفتهمش من وجوهم مي باينين كانوا لابسين لبسة نتاع الخدمة انا تخلعت قلت سورا جايين على حاجة ولا كاشما صرا لبابا مي مبغيتش نسقسيه قلت الحاجة لراح يقلهالي عاجلا ام اجلا ومنها تعلمت الصبر سكتوا شوي ممبعد نطق قالي عمتي راهي هنا جوبتو بلالا ومزالت مطلعتش راسي قالي وينها قتلوا راحت للدار جدي قتلوا خيرا انشاء الله ضحك قالي توقتي بيا جدك ماټ ونتي تقلي خيرا انا اصلا مموالفاش بجدي بصح يبقى انسان ماټ وتبقى تتفكرو قتلوا ان لله وان اليه رجعون قتلوا ربي يرحمو وقټلهم السلام عليكم ودخلت وبلعت الباب دخلت للشمبرة نتاعي لقيت بابا يعيط قالي الريزو ناقص مقدرتش نعيطلك قالي جدك في دمة الله قتلوا ربي يرحمو قالي اللهم امين حكيتلوا لحكاية نتاع زوج لجان راهم جاو. قبيل بيسك مستحيل نخبي على بابا اي حاجة قالي معليهش بنتي لضرورة أحكام قالي وجدي روحك تروحي توقفي مع يماك قتلوا انشاء الله كوبيت عليه وجبدت كآبة صغيرة حطيت فيها واش نحتاج لليوم برك على خاطر مستحيل بابا يخليني نبات خاطي الدار سمعت واحد فتح الباب طليت لقيتو بابا رحت عنقتو قتلوا واش حوالها ماما قالي حال المۏت قتلوا معليهش قالي واجدة قتلوا ايه رفدت كابتي وخرجنا ركبت في لوطو وديمارينا مكانتش بعيدة بززاف كي وصلنا لقينا الغاشي واصل للباب