حياه فيما يرضي الله الحلقه الحاديه والستون حتى الحلقه الخامسه والستون حصريه وجديده
ورحت ماام خالتي زادت شوي وخرجت دخل بابا باركلي وسلملي على راسي قلت لماما نروح نريح وكي نوض نفرز لحالة رقدت بقشي بعد منحيتهش خلاص دخلت في فراشي وبكيت حتى نشفوا دموعي وهداك الحب لكان كامل رجع كره ممبعد تفكرت واش دير انا نبكي على انسان خلقو ربي علاه حتى مندعيش الخالق لخلقو وهو لي قادر على كلشي نضت توضيت وصليت لبست بيجامة باه نعرف نفرز الحالة طلعت شعري كعكة وبديت بالصالو كي خلصت كان العيشاء يأدن مااام القش غسلتها كنت حابة نخدم برك باه منتفكرش هدرتها
الجزء 63
ستنيت بابا يجي باه ينشره احنا مخليناش نطلعوا لسطح باسكو كاين جيهة مخدوة فيها حيط وجيهة لالا كملت فرزت لكوزينة وماما طيبت لعشاء وخبزت الكسرة زدت رحت لبيتي باه نفرز القش لجبولي فتحت ليبوكس لقيت كوسميتك ماام لبري فيها كلش غالي زدت شفت في لبوكس لقيت قفطان مغربي مع سباط نتاعو والبوشات كان يهبل جات عيني على الكادو لمدهولي رحت فتحتو لقيت ساعة مع لبراسلي نتاعها وسلسلة فيها قلب مكتوب فيها اسمي بالفرنسي وقلب صغير من تحت في حرف الاول من الاسم نتاعه وبارفا بريحة الكراميل كانت نفسها لعندي سبحان الله من واين عرفها ممكن خالتي مي حتى هي متعرفش وزيد حتى واحد مسقسانا شحال تلبس كي سقسيت ماما قاټلي لا مقلوليش خيرو كلشي وحدهم في الصح قالو لبابا خليها تجي معانا تخير ليعجبها مي مقبلش وكلما نفتح حاجة نلقا شعر مكتوب باليد كلو حب وغرام وعشق حتى كاين كلمات تعبر عن الهوس قطعتهم ورميتهم قلت جاي يلعب بيا كون غير صارحني من الاول مي هو يخمم غير في نفسو معلابلوش بلي انا ولية ودمعة لولية صعيبة تاني كان جابلي شيكولا من كل الانواع كنت مديتها لبابا وقتلو قسمها على ولاد لكارتي عيطتلي ماما قاټلي ارواحي تتعشاي كانت ل 11 لليل تعشينا مع جمايع ضحك وزهو كي خلصنا غسلنا لماعن انا وماما متعاونين قاټلي متجمعش القش حتى نشوفه مشفتهش مليح قټلها هيه وبقينا مقصرين كي خلصنا قټلها نتي روحي ترقدي وانا نكمل نشف الكوزينة
الجزء 64
كملتها توضيت وشديت بلاصتي حتى سمعت تلفون يفيبري تخلعت حسبالي كاش اعود بالله هههه نضت نحوس سمعت جاي من هداك الكادو لجبولي دوك نقلكم كفاه جاي شغل قلب ويتفتح ومن فوق فيه بلاصة الخاتم والساعة والبارفا وممبعد متلسق فيها الشيكولا كامل وكاين زعما قجر انا متولهتلوش حتى سمعت تلفون كي فتحتو لقيتو تلفون فاللون الورد ي وقيلا حسابلي صغيرة ههه خطړة كي كنا متجمعين في الچنازة لجدي جبدنا القصرة على الالون قالولي نتي باين فيك تبغي لون لوردي خاطر كنت لابسة بليغة في لغوز قټلهم ايه وهو كان نتم
سمعني جبدتو ملقيتش فيه كود دخلت لقيت نميرو معيط وكاتب فيه زوجي قرة عيني ونيمرو خلاف واحد يبدأ 06 والاخر 05 كاتب فيه تجهدي والله لا عاش الدور مليح لقيت تاني فيس دخلت ليه لقيت مسميه عازفة الامل وحاط يد راجل ومراة مخطوبين ومكانش لزامي غير هو كان مسميه بعد بأسمو ولفامي نتاعه دخلت لقيت فطواته وداير ستوري كاتب الحمد لله الدي بنعمته تتم الصالحات حتى لقيت وصلني ميساج روحي ترقدي متضليش سهرانة جريت طفيت البيانات ودخلت للمعرض لقيت كامل فيه فطواته وفطواته مع مو بقيت نتفرج فيهم حتى لقيت ميساج كاتب فيه
الجزء
صرخات قلب بالهوى تتالم __ و بنات عين بالاسى تتحطم __ و سعير ڼار بالجوانح اضرمت سكراتها و الوصل لا يبتسم __ يا لهفة المشتاق اني عاشق _ و الحب في زفراته يترنم __ و نحيب روح للدموع تابطت _ و على مداها كم ېموت متيم _ شق الصدور بامنيات ذرعها __ في لجة اهاتها لا ترحم __ عذراء من كبد الجمال تزينت __ و فؤاد مسقوم بڼار تضرم __ بجمالها خط الحنين قصائدا __ و بغنجها كل المواجد تعلم __
وكاتبلي روحي ترقدي عمري طفي ضوء وليلة سعيدة نضت ديراكث نضت طليت من التاقة بشوي ملقيت حتى واحد اف منين شافني هدا طفيت الضوء زاد وصلني مساج قالي صحيتي تعجبني كي تسمعي لكلام هداك ليل مرقدش كامل وانا نتفرج في فطواته وفي الشعر لكتبلي كي أدن نضت نصلي وحتى بابا نوضته باه يروح للجامع قريت لادكار وماتيسر من القران ورجعت نرقد علبالي كلش نطيف ومفروز ماما راح تطيب الغداء برك رجعت نرقد انا حطيت راسي فالمخدة ونسمع صوت التلفون كي شفتو لقيتو اويس الحب والشوق لمن أخذت القلب والروح صباحي أحلا واحلا برؤية حبيبتي حتى لو من شباك غرفتها
ياربي هدا كلما نروح ننساها ونقول کرهتو نزيد نحبو دعيت ربي ان ميكونش كلامها صحيح عندي امل في ربي لايخيب حتى لقيت التلفون يفيبري شفتو هو مبغيتش نرفد بعتلي ميساج ترفدي ولا نزدم للدار.....
يتبع
