حياه فيما يرضي الله الحلقه الحاديه والثمانون حتى الحلقه التسعون حصريه وجديده

كان يسوق مي لعرفت انو خلي كان قاعد بحدا الشوفار قالي واخير ربي حبني وراكي بين يدي قالي عندك تطلعي راسك الكامير تشدك مرديتلوش كنت في نفس الوقت فرحانة مي كي نتفكر اهلي ودارنا نحزن شوي مي هاديهي الحياة يجي نهار وكاين فراق مسافة الطريق ووصلنا صوت الديجي يتسمع قاوي انا استغفرت يقومون اعراس على معازف وابليس فرحان في وسطهم ويقولو ربي يباركنا كي نزل وجاجيهتي قتلوا باغية نطلب منك حاجة قالي من عينيا قتلوا كون غير تحبس الغناء هدا كون تحبسوا مراحش تزوج ياك يفوت العرس نت تدي دنوب كل واحد سمع لغناء شفتوا سكت وشدنيمن يدي نزلني مكاذ مابا ربع ساعة وحبس الغناء بعدما دخلت ولقاتنا يماها بالحلي والتمر وصحن فيه الحلوة كانت عاداتنا هكا تشد وترمي والدرري الصغار يشدوو كانت اجواء بززاف مليحة مي انا كنت معجبتنيش وهات برك نخلص ونريح في بلاصة كنت نستنا في اهلي يوصلو الحريم ناس الشرق يقوالو هكا وكل واحد كيفاه لهجتو لم نختلف الا لنتوافق...
الحلقات_90
الجزء 86
كي شفتهم وصلوا فرحت جاوو قعدو بحداي مرتو مشفتاهش خلاص منعرف اسكو مجاتش ولا كاينة وفي كاش بلاصة عندهاالحق صعيبة بزززاف رجلك يتزوج عليك هو صح حلل ربعة مي متحسش حتى تجربها في نفسك جابولنا لعشاء ماما قالت لمرت خالي ام اويس خلي اية تاكل مع رجلها شعلت فيها علاشاحنا ماشنا عباد تاكل تاكل متكلش تخلي عليها هداك الدلال لعندكم خليوه نتم مجيش هنا وكون بلها صح متاكلش مع جماعة متقبلش من الاول المهم شعلت فيها ضړبة خطړة ومحبستش غيرهنا بدات تعلي في صوتها كامل سمعوها وجاووو يجروو شفت مع ماما لقيت عينيها فيهم الدموع شديتلها يدها وبقينا ساكتين خالاتي قلولها انعلي بليس المرأة مقاتلك والو وهي تقول غشكان في قلبها وفرغتو حتى سمعت خالي يهدر واويس واش كاين انا غاضتني ماما رجعت نبكي في بلاصتها الله غالب تقول جات فيا غير ماما لمنقبلش عليها سمعت صوتو كي عيط وقال واشكاين هنا كامل سكتو شاف معاي جات عيني في عينو وشاف مع يماها قاټلو خالتي منعرف يماك واش بيها عمتك مهدرت والو وهي شعلت فيها وقالولو واش هدرت قالها يما ياك قتلكبلا مشاكل وراح لعند ماما طلب منها السماح وقالها اطلعي نتي واية لفوق وقال ليماها ممبعد نهدروا هي بدات تندب وتقلو ياعدو كرشي بقاوو نساء يهدو فيها وهي غير بهدلت بروحها واحد متضرر غير بنها الي فسدتلو فرحتو
الجزء 87
طلعنا لفوق جابتلنا خالتي لعشاء وقالتنا متلاوموش عليها غضتها بنت فلان من الصباح وهي مبلعة عليها بابا وتبكي والاهل نتاعها جاوو مبقاوو مخلاو فيها قلبو عليها الدار على جال بنتهم قالولها مخلق الراجل ليتزوج على بنتي وكي