حياه فيما يرضي الله الحلقه الحاديه والتسعون حتى الحلقه المائه حصريه وجديده

الشمس في وجهي كانت الستة نضت بسيف طليت على نيتي من الطاقة هديك لقيتهم يوجدو في الخيمة والدنيا اتملات رجال
الجزء 98
أنت شيء فقدته داخلي لا أستطيع استعادتهو لا أعلم كم من العمر أحتاج لأتيقن بأنك لم تعودي على قيد الحياة.. فأنت كنت لي أم قلبها كالجنة.. كنت لي الحضن الدافىء.. ما أقسى الحياة بدونك يا أمي مرت الساعات وستمر السنوات على فراقك ولا مزلت وازال أذكر تفاصيلك صغيرة كانت أو كبيرة 
جبدت كل مواد تنضيف واشمن قلب يخدم راكم تعرفو حالة العرس مهما تسيقها ترجع وماما مقدراش اصلا الايام كامل هدوك صفرة وكي قټلها من بعد العرس روحي لطبيب
ربي رفد امانتو بديت نفرز ونخمل وحطيت الحوايج لمسخين كامل في المشيتة يتغسلو ماخلصت صبت الساعة تسعة ونص سمعت الباب يدقد درت السيتار و فتحت الباب بعدما رجعت على الحافة نتاعو الجيهة اليمنى لقيتو اويس شاف فيا ودخل تبعتو قالي لباس قتلوا بخير حتى لقيتو تلاح ليا عنقني انا اصلا كنت محتاج هداك الحضن لخلاني نرتاحلو ونبكي ومنخليهاش في قلبي كان حضنو دافئ ويريحني انا تقول كنت نستنا فيه بقيت هكداك دموعي تسيل وشهقاتي مسموعين وهو مزال متحضني بلاك نص ساعة واحنا هكداك حتى سمعنا الباب تحل بعدت عليه شفتو بابا
الجزء 99
دخل وجهو كحل كتافو مهدومين سلم اويس على راسو قالو لاباس قالو علاه داركم يخلوني لباس سقساه علاه قالوا قالك سيف ندفنوها عندنا مخلات لاولاد لا درية باه تتدفن عندكم بالرغم كنا من نفس الحومة مي كبيرة وكل كارتي عندو مقپرة خاصة بيه جداك ايتقول بنتي تتدفن عندي والله ماني حاضرة في جنازتها وكامل راهم يقوالو هكدا علاه انا كاش نهار غيرتها ولا نويتها ولا حتى ضړبتها وجات شكاتجامي رفدت يدي عليها وربي شاهد وبنتي شاهدة علاه في مۏتها ومخلونيش نرتاح في حياتها كيف ودوك كيف بعدا علاه هدا الكره كامل تجاهي انا لقلت للمرحومة اهربي عندي ياك كي راحو يزوجو ها بالغني مقبلتش وقالت نقبل بفلان علاه انا قټلها ارواحي اهربي لعندي بالعكس رجعتها لنص الدار وقټلها نديك ونحاول حتى يقبلو وتخرجي من داركم تحت جناح والديك انا الحاجة لمنرضهاش لخوتي ويما منرضهاش لبنت الناسانا بقيت نسمع ومشوكية في الكلام لي يهدر فيه بابا مقدرتش نتحاور معاها ولا نسقسيه بيسك كانت حالتو اكثر من حالتي بالمفهوم حالتنا تشف انا قعدت في الكرسي لبحداي واويس قال لبابا على ضمانتي وضمانت ربي عمتي تتدفن عندكم ولبغيت بالقانون وخرج بابا خرج من وراءه جنازتها عمرت والناس جات تعزي لازم يقف بالشوي بداوو يجو الجورين وعمامي وعماتي كامل بيهم بولادها حتى خالتي وجات وكانت حالتها حالة على ختها اصلا هي قريبة لينا وحنينة علينا بززاف