حياه فيما يرضي الله الحلقات116 حتى 120 حصريه وجديده

تاني مرتك بينسير بعدما صارحني بكلش قالي طلقتها كي جات دارت المشكل هداك النهار طلقتها مي ميش بالثلاث ونهار عيطتلي قاټلي ياهي ياأنا قټلها نتي عشيرة عمري وحب صغري وديتك من عند الرجال أنا مستحيل نسمح فيك الا كي تبغيها روحك قټلها واية قلبي مال ليها وحبها وانا الحاجة لنحطها في راسي لازم تكون ليا ولا متكون حتى لواحد هي مبغاتش ورفعت عليا قضية خلع فالاول مبغيتش نتجرجرو في المحاكم على كبري قلت خلي تريح مع راسها شوي ومبعد ساهل مي هي والو كانت حابة الطلاق وانا ممنعتش وباه تعرفيني مليح ايوش انا نمد فرصة وحدة في أي حاجة ستغليتالفرصة هديك لصالحك الله مابارك مستغليتيهاش كل واحد طريقو بقيت نشوف معاه فم فم زعفت رجع يضحك وقرصني من نيفي قالي لالا هادي نتي متنطبقش عليك قتلو صح قالي وملا نسمح في عمري قتلوا كملي قالي خلي خطړة خلاف دوك وقت الجد هداك النهار فرعني حتى وليت نعيط عادا فاق بروحو فاتوا أيام حتى واحد النهار كنت ديخانة ومېتة بالرقاد وكان هداك مدلتيش قصدي أويس يبات مع مرته ستغليت الوضع خبطتها برقدة لصباح نضت نصلي وقريت في المصحف وهكاك مشبعتش رقاد رجعت نرقد ل 11 نضت نضت نجري فتحت التواقي شربت الرقية وتوضيت صليت صلاة الضحى زدت
الجزء
نضت نخمل الدار شوي درت حاجة خفيفة لغدة درت بركوكس عرفت خالي يحبه قلت والله نديرو وننويه صدقة على المرحومة بديت نوجد منها نغسل في الماعن ليوجدو فم فم خلصت 12 ونص صليت الظهر وجبدت صحن واسع وكبير كما هدوك الطباسا نتاع لقبياليين وسربيت فيه كسكسي بديكور شرقي وزدت درت بوقال في سوب زدت بدلت قشي ودرت اسدال عليا قددت حواجبي بالرغم انهم مقدين من عند لخلقهم حبيت نعيطلو مي لقيتو مبلعو قلت باينة درهم مرحش يزعف ولا ميبغيش عليهم انا تاني قلقت حبيت نبدل الجو كي قريب نوصل سمعتهم مجمعين في الحوش رجعت عليهم السلام ردولي كامل شفت جدة سلمت عليها ومديتلها السنيوة هديك زدت سلمت على مرت خالي وخالي وماام لبنات حماتاتي لقيتهم تماك سلموا عليا عادي جمعت معاهم وجدة جابت بها ياكلو وجابت مايدة في الوسط دارو بيها كامل غير عجوزتي مبغاتش وبقات تمتم قالي خالي يدك مليحة للمكالة من اليوم كي طيبي ابعتيلي حقي ويضحك معاي زادو جاو خوت أويس وولاد خالي باينة كانوا في الخدمة هوما تاني جمعو ياكلو قالو هدا مطيبناش قالها غالي طياب ناس الشرق لفحولة وشاف معاي هوما تاني شافوا معاي اصلا ميعرفونيش مليح خصوصا كيف درت النقاب على وجهي كي سمعتهم جاووو قالولي يعطيك الصحة قاټلي جداتي حفيدتي وخرجت ليا يديها كبيرة بيسك كثرثت حطيت بلاك