حياه فيما يرضي الله الحلقات126_127-128_ماقبل_الأخيييييرة

حياه فيما يرضي الله الحلقات_127128_ماقبل_الأخيييييرة
الجزء 126
مي منوصلش نأدي الناس الظلم ظلمات يوم القيامة وحسبي الله ونعم الوكيل وعند الله تلتقي الخصوم يقلك من ستر مسلم ستره الله يوم القيامة وانا سترتها 
فاتوا الايام ووصل رمضان الشهر الكريم والمبارك لكنا كامل نستناوو فيها فوتها ولا أروع عبادات وختمت المصحف ثلاث خطرات واويس فرضت عليه يختموا مااام خطړة عجوزتي الحاجة المليحة تجيبهالي قاټلي ندمت وعرفت قيمتك وكانت تحكي صح قاټلي بلاك حملك هولخلاني نراجع نفسي مليح قټلها راكي مسامحة دنيا واخرة وانا جامي حملة ضغينة لانسان نملة كون نقيسها وټموت نبكي عليها حتى انسان ندعي عليه ولا نظلمه كي خلاص رمضان بكينا عليه كامل وكان ربي حبني وقدرني وشفت انشقاق السماء اجمل حاجة انك تقربي لربي ويوريلك ويعوضك بحاجة ليلة القدر خيرن من الف شهر عرفت ربي حبني سورة الانشقاق إذا السماء انشقت وأذنت لربها وحقتالحمد لله دعيت باه حبيت ودعيت لجميع الناس ميش ليا برك منكونش انانية دعيت للمهموم والمكروب والمغبون ٠٠٠ فوت اجمل عيد في حضڼ العايلة لعوضني بيها ربي وفي حضڼ بابا وفي قبر ماما بعد العيد فاتووو الايام والشهور خصوصا انا واويس كيما يقولو سمن على العسل كي نقلكم انسان ېموت عليا ويعشق التراب لنمشي عليه ولا بمصطلح خلاف تعرفو الهيام وصل لدرجة هديك يقلي نشوف في عينيك يحبس زعافي نكون كاره نشوفك نتي نفرح يقلي بمجرد انكي تتبسميلي برك نشوف الدنيا كامل تتبسملي كان كي يدخل للدار نلقيه بالتبسيمة على وجهي والتحضان منقبلهش بالعياط هكا المراة تكبر في عين راجلها اما هديك المراة النكدية مراح تربح هي لاهو حتى فيصحتها وتتغبن كنت كي نخلص من شغل الدار نهبط نجمع معاهم وهوما كيف الحق ماام حماتاتي حبوني كي تعرفو عليا ولافوني ولينا صحبات بالرغم كانوا عندي صحبات ونتواصل معاهم الحق عايشة الحمدلله مي كانت حاجة مخوفتني وهي حملي كلما يقدم وقت زيادتي نخاف حاسة روحي تقول ڼموت منعرف لاه وكي نقول لاويس يزعف ويخرج من الدار زعفان حتى اني رجعت نام المرحومة ماما بزززاف وهدا الشى لزاد خوفني كي نحكيله يقلي راكي تخرفي مي انا قلبي مقبوض ومزير خطړة جات مرت اويس لعندي ستقبلتها عادي كي شفتها نخلعت مي مبينتش صفارت وكحلات وشيانت بزززاف قاټلي بجاه ربي ونبي قولي لاويس يجي عندي راهو هجرني نتي يحبك ويسمعلك متكونيش انانية بقيت نشوف معاها قټلها علاه هو ميجيش قاټلي لالا قاتلها كان يقلي نتي بالحمل نجي عندك يومين نخاف عليك وهي عندها نهار بدات تبكي قاټلي والله لالا يرميلي القضيان ويروح اصلا هو يخدم نهار بيومين راحة يعني هداك النهار لزعما ليا يقضيه في الخدمة بقيت نشوف معاها وهي تبكي