رواية خدعتني بحبها البارت 14 و 15 بقلم سلمي تامر حصريه وجديده

النهارده
_اوامرك يا مهران بيه
مشى عتمان من قدامه بفرحه وبص مهران لحبيبة بإشمئزاز وطلع اوضته وجميله ابتسمت بشماته وطلعت وراه
بصيت للباب بأمل وجريت تفتحه علشان تهرب لكن لقيت حرس كتير واقفين قدام البيت
رجعت لورا پخوف منهم ودخلت الاوضه اللي كانت فيها بإنهزام
________________________
_نعم يامنار طلبتي من الخدامه تطلع تصحيني ليه بدري كده
اتدخل كرم بجدية
_انا اللي عاوزك بصي بقا ومن غير لف ودوران كتير علشان قسما بالله خلقي ضيق ومنمتش من امبارح وانا لما مش بنام كويس بقلب قت ال قتلة الصراحه ف جاوبي من غير مناهدة
مراتي فين
سميحه اتوترت من نبرته الرجولية لكن حافظت على ثباتها واتكلمت بكذب
_وانا هعرف منين مراتك فين يعني ايه السؤال ده
_اومال قفلتي عليا باب اوضتي امبارح ليه ولما طلعت لقيت اختي مش في البيت
_انا قفلت عليكي باب اوضتك!
ده امتى ده في احلامك ولا ايه
منار پحده
_طنط سميحه لو سمحتي خليكي صريحه وقولي ايه اللي حصل من امبارح
اختي مرجعتش البيت ومش لاقينها في اي حته ارجوكي اتكلمي علشان لو في خطړ نلحقها
_حبيبة مرجعتش من امبارح ازاي يعني يامنار
قالها سيف پغضب وقلق وهو داخل البيت
نفخ كرم بضيق وغيره لما شافه ورجع بص لسميحه تاني
_على فكره انا حاسس انك ورا اللي حصل ده علشان ټنتقمي لأبنك وانا عمر ما احساسي كدبني ف اتكلمي احسنلك
بصله سيف بعدم رضا بطريقته مع والدته وكلمه پحده
_ما تتكلم عدل انت كمان وحد يفهمني ايه اللي بيحصل هنا
كرم بنفس الحده
_امك ورا اختفاء مراتي ومش عايزة تنطق بمكانها
بص سيف پصدمه لأمه واتكلم بزعيق
_الكلام ده حقيقي ياماما
سميحه بنفي ودموع مصطنعه
_اكيد لأ طبعا يا ابني وانا هعمل كده ليه بس
رجع سيف بص بكرم
_وانا مصدق امي وطالما قالت كده يبقى مش بتكدب
ما تشوف مراتك ما يمكن طفشت منك ولا حاجه ما انت عارفها قلبها مش معاك وطول عمرها بتتصرف بتهور
كلامه عصب كرم جدا وقرب منه لكمه پعنف شديد ومنار صړخت پخوف وقربت تسلكهم من بعض ووجهت كلامها لسيف پحده
_انت ازاي تقول على اختي كده ياسيف
دي قبل ما تكون مراته بنت عمك اللي لسه مدفو ن
حس سيف ببعض الندم من اللي قاله بسبب غيرته من كرم ونفخ بضيق
واتكلم كرم بتساؤل لمنار
_هو فيه كاميرات في البيت
بصتله منار بلهفة وهزيت دماغها بموافقه
سميحه طبعا حسيت بړعب شديد انها هتتفضح دلوقت لما يبان اللي حصل وبصيت لسيف پخوف 
اللي اخد باله من خۏفها وتوترها وغمض عنيه پألم لما عرف ان هي فعلا ورا اختفاء حبيبة من خۏفها ده
رجع بص للمكان اللي كان واقف فيه كرم ومنار لقاهم اختفوا
خمن انهم راحوا لأوضة الحرس يراجعوا الكاميرات علشان كده راح وراهم بسرعه وهو بيتمنى من كل قلبه ان والدته تخيب ظنونه وتطلع بريئة من الموضوع ده
وقف كرم جنب الامن يراقب اللي حصل امبارح
لقى عربيتين وقفوا قدام البيت ونزل منها راجل كبير شويه في السن ووراه شاب صغير
وبعد خمس دقايق نزلوا ومعاهم حبيبة وهي فاقدة الوعي ولابسه لبس مكشوف جدا
وحطوها في العربية ومشوا
كور ايديه پغضب چحيمي وعنيه اتحولت للون الاحمر وهو شايف راجل غريب شايل مراته وبيخطفها منه
فاق على صوت منار المصعوق
_كرم ده خالي مهران اللي عايش في الصعيد
بصلها كرم واتكلم بجمود وهو بيحاول يخفي كل الاحاسيس اللي حاسس بيها دلوقت
_تعرفي مكانه
هزيت دماغها بتأكيد
_طبعا ياكرم
_هاتي العنوان واطلعي على اوضتك يامنار وكام ساعه واختك هتبقى في حضنك
هزيت دماغها بنفي وبكاء
_لأ ياكرم علشان خاطر حبيبة خدني معاك
انا حاسه انها في خطړ ومش كويسه والله
اعلم ايه اللي حصل علشان خالي ييجي من البلد وياخدها بالمنظر ده اكيد في مصېبه
خدني ياكرم علشان خاطري
صعبت عليه وهز دماغه بموافقه واتجه ناحيه العربية ومنار وراه
لمح سيف بيتجه ناحية عربيته علشان يلحقهم علشان كده اتكلم بتحذير
_رايح فين مراتي ورايح اجيبها من عند خالها ونرجع على بيتنا
ليك فيه
سيف پغضب
_دي بنت عمي وشكلها في مشكله ولازم ابقى جنبها
_حاجه متخصكش
بعد الكلام اللي قولته واللي لسه حسابنا مخلصش بسببه انت مبقاش ليك حكم عليها ولا صلة قرابة اصلا طالما شككت في اخلاقها وانها طفشت مني
ارجع لأمك ياحبيب امك 
يلا يامنار
بصيت منار لسيف بنظرة حزن وعتاب وڠضب من اللي قاله في حق اختها وركبت جنب كرم واتجهوا ناحية بيت مهران علشان ينقذوا حبيبة
ركب سيف عربيته واتحرك وراهم علشان يحمي بنات عمه لو احتاجوه والندم ماليه
بعد كام ساعه في بيت مهران 
عتمان ومهران والمأذون والشهود كانوا قاعدين مستنيين حبيبة تطلع علشان يكتبوا كتابها على عتمان
لكن حبيبة كانت رافضة تطلع من الاوضه وبتعيط وتصرخ وبتشتمهم كلهم
قربت منها جميله بغيظ منها وضر بتها تاني بالقلم وقعتها على الارض لدرجه ان بقها ومناخيرها نزفوا من قوته
وسحبتها من ايديها تطلعها بره للناس بمساعده الخدامة بتاعة جميله
ابتسم عتمان بفرحه اول ما لمحها طالعه واتكلم بحماس 
_ابدأ يامولانا خلينا نلحق نرجع بيتنا بقا
_نهار اللي خلفوكم اسود...انت بتعمل ايه يا انت وهو
قالها كرم بصړاخ وڠضب وهو بيبص للي بيحصل وجنبه منار المصدومه
يتبع
خدعتني بحبها البارت 15
سلمى_تامر
خدعتني_بحبها