رواية عايزين يجوزوني الفصل الرابع والخامس بقلم كيرلس فيليب حصريه وجديده
رواية عايزين يجوزوني الفصل الرابع والخامس بقلم كيرلس فيليب حصريه وجديده
صحيت على صوت حد بينهج جنبي فتحت عيني ببطء وانا خاېف لقيت واحدة قاعدة بتنفخ وتفش ووشها أحمر كأنها كانت بتجري ورا ميكروباص عبود وما لحقتهوش.
إنتي مين! قلتها وأنا متجمد مكاني.
بصتلي ببرود وقالت أنا مراتك صباح الفل يا قلب أمك.
أنا إيه! تاني!
بصتلي وقالت ايه ياقلب امك شكلك مش مركز قوم بسرعة إحنا متأخرين!
قلب امك ومتأخرين ده شكلها ليلة سودة
متأخرين على إيه
عندنا كلاس زومبا!
زومبا إيه! زومبا ازاي ها
أومال ده الليلة الكبيرة مشهد متصور من الشارع يلا ياقلب امك كله بيعدي مش هتحس بيها خالص الكلاس لطيف ذي السن في التوته مش هتحس بيه
ها سن في ال ..... انتي مين ياولية انتي
سابتني وهي بتضحك ومشيت
بصيت حوالي البيت مختلف وأنا واضح إني في مصېبة جديدة.
قمت من السرير وأنا بحاول أفهم فجأة الست دي رمت علي بدلة رياضية من بتوعها باين وقالت يلا غير بسرعة !
انا ببص علي البدلة وهوبا الله الله الله
أنا إنتي متأكدة إننا متجوزين ده أنا آخر مرة فتحت عيني كنت متجوز ندي إيه اللي حصل
ندي إيه بس ركز معايا إحنا متجوزين وإنت لازم تخس ده مش بطن دي خزانة ذخيرة!
بصيت لنفسي في المراية لقيت كرش ما شفتوش قبل كده وشوية تجاعيد مكانتش عندي وكأني عديت الأربعين في ساعة زمن.
ده مش جسمي!
علا آه ده جسمك بس بعد ما كنت بتاكل عند أمي ربنا يباركلها ويخليهالنا
ده مقلب من ام ندي صح قوليلي عملتوا فيا ايه ها قوليلي ياام ندي ياام ندي
كانت بتتعامل معايا كأني واحد عبيط ولا معبراني اصلا
ومكملة بتقلعني وتلبسني البجامة بتاعتها اللي مقتنعه انها هتليق عليا
أنا فهمت إني في حفرة مش هعرف أطلع منها لبست وأنا بجرب آخد الموضوع ببساطة بس حسيت إني متكفن اللبس ضيق بطريقة كأن حد عامل مؤامرة علي.
وصلنا الجيم وأول ما دخلت حسيت إني دخلت أوضة عمليات كله ستات بيرقصوا كأنهم في إعلان لبن خالي الدسم وأنا واقف زي عمود النور.
مدربة الزومبا بصتلي وقالت إنت معانا في الكلاس
علا جاوبت بدالي بحماس طبعا جوزي لازم يخس لازم يضيع الكرش ده. وطبلت علي بطني
أنا أنا مصډوم!
بدأت الحصة وأنا بقيت كأني كومبارس في فيلم أكشن كل ما أحاول أتابع المدربة ألاقي نفسي بضړب واحدة بالغلط أو بوقع زجاجة مياه على الأرض لدرجة إن واحدة صړخت وقالت يا لهوي! ده ناوي يخلص علينا!
والله لو كان الوضع مختلف وكنت في حالتي الطبيعيه كنت هتبسط قوي وخاصة اني شفت حاجات ياجدع معرفش مشفتهاش ليه في ولا جوازة يلا بس كان الوضع صعب جدا
المهم بعد نص ساعة كنت واقع على الأرض ووشي بيشر عرق وعلا واقفة فوق دماغي بتضحك.
برافو
