صغيرتي المچنونة الفصل السابع والثامن بقلم الكاتبه منه ممدوح حصريه وجديده

من فريدة هي كده على طول .. 
فريدة بتريقة _ خلاص هتلعبي دور الام و كلنا عارفين طعمة البيض اللي بتعمليه وحش زاي .. 
مريم حست بعصبيتها طبطبت عليها هدتها لو دخلت في نقاش مع فريدة هتستقوي عليها معاذ غايب _ خلاص محصلش حاجة يا لين .. 
لين ابتسمت _ تسلم ايدك طيب أوي .. 
فريدة شدت المقلاية من قدام لين _ طيب وريني البيض ده بيقول إيه .. 
بعد أول لقمة تحججت انه ملوش طعم ناقص ملح أخدت عبوة الملح رشت منه مرة و اثنين على البيض مقتنعتش بطعمه قررت تملحه زيادة فتحت العبوة كبت نصها بمقلاية البيض و ملحقوش يمنعوها ..
فريدة قربت منها المقلاية _ اتفضلي يا حبيبتي بالهنا و الشفا على قلبك .. 
مريم بعتاب _ فريدة عملتي كده ليه حرام عليكي نعمة ربنا هتترمي بسببك .. 
لين مطت شفايفها _ مين قال إنها هتترمي هي عملت كده عن قصد مش هترضى تعترف ولا هترضى تصحح غلطتها و تاكل عشان كده انا هاكله و معدتي الحساسة هتتعب مين هرمي عليه اللوم و هشتكيه لبابا .. 
فريدة بلعت ريقها مقدرتش تخاطر بمحبة معاذ ليها كلته و قبل ما تقوم من على الطاولة جري اتوعدت لها _ ادعي ربنا ينجدك من إيدي .. 
لين بتقلد تعبيراتها القرفانة و هي بتاكل و مريم و سمية ميتين ضحك في غياب بسمة اللي لو موجودة مكنش الموقف هيخلص لصالحهم ..
لين بتتمشى في الجنينة ملت اوي القعدة في الاوضة لوحدها ساعتين _ الله إيه الجمال اللي يشرح القلب ده رجال معاذ دول حلوين اوي .. 
آنسة لين محتاجة حاجة .. 
لين بصت له من فوق لتحت ضحكت _ محتاجة اعرف اسمك لو تكرمت تقلهولي .. 
عينه في الارض _ غيث يا آنسة .. 
لين جبرته يقعد جنبها في الكرسي اللي في الجنينة هو متوتر مش عارف يودي عيونه فين _ من متى و انت بتشتغل مع بابا يا غيث .. 
غيث بيبلع ريقه _ اربع سنين .. 
لين بهزار _ بابا معاذ حاطط الوسامة ضمن شروط الإنضمام لرجاله ولا إيه .. 
قبل ما تشوف الصدمة على وشه الصدمة لي كانت هتكون مصدر تلسيتها لقت ودنها بتتشد جامد خليتها تصوت بتتنطط بتحاول تفك وذنها من إيد مريم 
مريم _ غيث قوم يا ابني اوقف في مكانك و متتحركش منه كملي كنت بتقولي إيه معاذ ماله حاطط الوسامة ضمن شروط إيه .. 
لين بتصوت من الۏجع _ الإنضمام لرجالته .. 
مريم سابت وذنها بس قرصتها من فخضها
خلتها تطير مترين لقدام هربانة _ لسا بتعيد و تزيد بتسمعها لاللي مسمعهاش يلا سمعي الجيران .. 
لين بتتنطط و بتفرك محل الۏجع حاسة زي ما يكون جزء من فخضها اتقطع _ حرام عليكي .. 
مريم بتلطم _ و طالعة بالبيجامة القصيرة على الجنينه قدام الرجاله .. 
شدت الشبشب من رجلها رمته عليها بس مصابهاش رجعت شالته من الارض و لحقتها على البيت بتجري وراها بالشبشب و بيلفو حوالين الكنب و الديكورات ..
لين بتنهج _ مركزتش في اللي كنت لابساه و انا نازلة .. 
مريم بغيظ _ مركزتيش قلتيلي .. 
بتفلت من رمية الشبشب كل مرة أخيرا حاصرتها عند الباب رمته عليها بس هي وطت و اللي فتح الباب فجأة ادماغه اتقسمت في النص بالشبشب ..
يتبع ..