رواية زوجي الشبح الفصل السادس 6 بقلم نور محمد حصريه وجديده

ياله ياحبيبتي الوقت اتأخر ولازم تنامي حالا
رد ريم باعتراض وقالت لا انا مش هنام دلوقتي قبل مااشوف احمد الاول يابابا روح نام انت وانا هستناه لوحدي هنا
ياسين تجاهل كلامها ومسك الملايه وغطاها بيها بحنيه وقال طيب ياريم انتي تعبانه دلوقتي ومحتاجه الراحه نامي وانا هفضل هنا جنبك ولو اجه احمد انا هصحيكي فورا تمام
ابتسمت ريم بسعاده وقالت حاضر يابابا انا هنام ياله تصبح على خير ياحبيبي
قعد ياسين جنبها بتعب وشفقه وقال وانتي من اهله ياحبيبتي
نامت ريم وياسين فضل جنبها الليل كله پخوف عليها وفي الصباح رن عصام على ياسين الاول وطلع ياسين فتح الباب ليه وقال
صباح الخير يادكتور عصام عامل ايه
رد عصام ببسمه الحمد لله ياعم ياسين انا اجيت زي ماتفقنا والكاميرا اهه زي ماقولت لحضرتك انت هتحطها في غرفه ريم في مكان مخفي وتشغلها وهي هتبدأ تسجل كل اللي بيحصل مع الانسه ريم جوه الغرفه وبعد يومين هتاخدها تاني علشان نعرف الحقيقه تمام
هز ياسين رأسه بتفهم وقال تمام انا فهمت بس انا قلقان اوي من الموضوع ده
رد عليه عصام بتفهم لحالته وقال انا حاسس بيك ياعم ياسين بس صدقني دي الطريقه الوحيده علشان نعرف ريم مخبيه ايه عننا مش انت عاوز ترتاح من الحوار ده كله
رد عليه ياسين بتعب وقال ايوه نفسي اعرف الحقيقه وارتاح والله يابني
قرب عصام منه واحط ايده على كتفه بدعم وقال ان شاء الله هنعرف الحقيقه كلها وانا كمان منمتش الليل كله وانا بتفكر في حل للغز ده بس بدون فايده علشان كده عاوز اعرف حقيقه اللغز ده بأي تمن
رد عليه ياسين بحزن وقلق وقال تمام انا هدخل اعمل كده دلوقتي قبل ماريم تصحي عن ازنك
عصام ببسمه ازنك معاك ياعم ياسين
وفعلا ياسين دخل وحط الكاميرا في مكان مخفي زي ماطلب منه عصام بالظبط وشغلها وعدا باقي النهار مكنش فيه احداث جديده
لكن باليل في غرفه ريم كانت تجلس على سريرها بملل حتي سمعت صوت طرق الشباك الغرفه
فجرت عليه بفرحه كبيره وفتحته وقالت ادخل بسرعه يااحمد مجتش ليه امبارح بعد ماسبتني انا استنيتك هنا كتير بس انت مجتش برضو
دخل احمد الغرفه وابتسم لها بحب وقرب حضنها بشتياق وقال انا اسف ياقلبي بس كان عندي شغل مهم امبارح ومقدرتش اجي اشوفك بس انا النهاردا هقعد معاكي لصبح ومش هسيبك ابدا
بادلته ريم العناق بحب وقالت انا بحبك اوي اوي يااحمد خليك معايا هنا علطول متسبنش تاني انت بتمشي ليه كل يوم!!
بعد عنها احمد بأسف وقال معلش ياحبيبتي بس ڠصب عني بعمل كده انا لو بايدي اخطفك من هنا لمكان بعيد وافضل معاكي دايما
لمعه الفرحه في عين ريم وقالت احمد انا عاوزه اروح معاك لمكان بعيد ونفضل سوى مع بعض

بعيد عن الكل هنا
قرب منها احمد وحملها بعشق وقال حاضر قريب انا هاجي اخطفك من هنا لمكان تاني جميل اوي زيك وهنفضل سوى علطول
ريم بصت عليه بحب ودفنت وجهها في رقبته بخجل واحمد حطها على السرير بعشق وبعدين....
وبعد مرور يومين عصام اتصل على ياسين وطلب منه احضار الكاميرا لفتحها وفعلا ياسين عمل كده
وزهب لمنزل عصام بعد ماقفل المنزل كويس على ريم وهي نايمه جوه
وفي الصالون الخاص بمنزل عصام جلس ياسين وامامه عصام ومعه اللاب الخاص به ثم وصل الكاميرا به وفتحها وقال تعال ياعم ياسين اجه وقت كشف حقيقه اللغز ده واخيرا
قرب منه ياسين وقلبه بيدق پعنف وقلق وخوف وجلس جنبه وبعد دقائق بدأ تشغيل الفديو
وفي البدايه كان الوضع مستقر في غرفه ريم لكن بعد حلول الليل بدأ الحقيقه في الظهور وياسين وعصام بقوا يتابعوا بزهول حتي حدثت الصدمه الحقيقه بجد وووو
يتبع... بقلم نور محمد
روايه زوجي الشبح