حكايات هاجر_نور_الدين سلسلة_حلقات_رمضان2 سلسلة_حكايات_حسن_وهايا الحلقه الاولى الإعترافات

مش فاكرة عددها
هايا أول وأخر مرة تقوليلي حاجة زي دي ويلا بينا نروح عندي مذاكرة كتير.
دموعي نزلت من غير ما أحس وبوكيه الورد وقع مني وقولت بتساؤل
_ ليه يا حسن
ليه وإنت عارف من زمان إني بحبك وإنت كمان أنا متأكدة إنك بتحبني
إتنهد وشد على شعره بعصبية وزفير وهو باصص للأرض وبعدين بصلي وقال بعد ما إتنهد
خلاص بقى يا هايا كنا أطفال وقتها يلا بينا نمشي وإنسي اللي حصل وأنا كمان هنساه ونفضل زي ما إحنا.
روحت بعدها معاه للبيت وكانوا العيلتين بيحضروا فطار مع بعض قعد معاهم على الفطار وهو حاسس بتوتر وأنا دخلت الأوضة بتاعتي وقفلت الباب عليا وقعدت أعيط تقريبا شهر أو شهرين.
إتنهدت لما رجعت للذاكرة اللي بالنسبالي أسوء ذكرة عدت عليا من ساعة ما إتولدت ولكن مقدرتش الحقيقة إني أبطل أحب حسن وركزت مع حياتي الحالية ونزلت الشارع وكما هو متوقع لقيته واقف تحت وباصصلي پغضب.
إتكلم وقال وهو بيقرب عليا
_ قولتيلي نازلة فين يا روح شادية
بصيتله پصدمة مصتنعة وقولت
طيب هو حد جاب سيرة منال دلوقتي عشان تجيب سيرة شادية
إتكلم وهو بيجز على سنانه وقال
_ طيب إطلعي قدامي ونشوف منال وشادية هيعملوا إي لما يعرفوا اللي إنت رايحاه.
كټفت دراعاتي وقولت بإستهبال وڠضب مصتنع
مش طالعة في حتة وإبعد عني عشان متأخرش على الواد السكر اللي رايحة أقابله.
حط دراعه على الحيطة اللي جنبي يحاوطني عشان ممشيش وطلع موبايله وإتتصل على بابا إتكلم بتحدي وقال
_ هنشوف بقى عمي أيمن موافق على الكلام دا ولا إي الدنيا
أول ما سمعت إسم بابا مسكت منه الموبايل بسرعة وخوف وقفلت المكالمة بصلي وقال بتحدي
إي مش رايحة ديت
هجيبه عشان يربيك من أول وجديد عشان أنا ماليش ضړب عليك غير كدا كنت كسرت عضمك يا هايا لحد ما يبانلك صاحب.
إتكلمت پغضب بعد ما خبطته بالموبايل في دراعه وقولت
_ إنت عبيط يا حسن أكيد يعني بهزر معاك أنا خارجة مع صاحبتي ملك إنت عارفها.
بصلي بنظرة غامضة شوية وبعدين قال وهو بيشاور على الطريق
طيب يلا هاجي معاك.
إتكلمت بتساؤل وقولت
_ ودا ليه إن شاء الله شاكك فيا
إبتسم وقال ببساطة
أيوا.
عملت نفسي مصډومة ومشيت فعلا الأول عشان عارفة إنه يا هييجي معايا يا مش هخرج ولا هروح في حتة إتتصل ب ماما عرفها إنه رايح معايا عشان متأخرش ومبقاش لوحدي.
بعد حوالي تلت ساعة كنا وصلنا المكان اللي متجمع فيه صحابي كان من ضمنهم كريم أخو ملك ودا اللي مكنتش عارفة بوجوده بصراحة بصلي حسن برفعة حاجب وڠضب مكتوم.
حمحمت وروحت سلمت على ملك صاحبتي بإبتسامة وكعادتي مش بسلم بإيدي على رجالة ف لما كريم مدلي إيده فضلت ثواني بصاله ومش عارفة أعمل إي لحد ما حسن جه