حكايات هاجر_نورالدين الحلقه الخامسه الشك_واليقين سلسلة_حلقات_حسن_وهايا سلسلة_حكايات_رمضان

حكايات هاجر_نورالدين
الحلقه الخامسه الشك_واليقين
سلسلة_حلقات_حسن_وهايا
سلسلة_حكايات_رمضان
يعني إي هتتجوزي ودا مين دا
خدت نفس عميق عشان ميبانش عليا حاجة وقولت بإبتسامة
يعني هتجوز مش هتقولي مبروك
لف جسمه ناحيتي وقالي پصدمة والقلق ظاهر على ملامحه
_ إنت بتتكلمي بجد ولا بتهزري يا هايا
إبتسمت وقولت بهدوء
وهي الحاجات دي فيها هزار يا حسن
إتكلم بتوتر واضح في نبرة صوته وقال
_ ودا مين دا ولا إمتى أصلا إنت مش بتتكلمي مع حد حتى يا هايا!
بصيت ناحية الشارع وبعدين بصيتله وقولت بهدوء
عادي كل شيء نصيب والنصيب بييجي في الوقت المحدد.
بصلي وإبتسم إبتسامة ساخرة وحزينة وقال
_ قولي إنك بتهزري يا هايا.
إبتسمت أنا كمان وقولت بعد ما بصيت للشارع من تاني
بهزر إي بس زمانه إتكلم مع بابا عشان ياخذ ميعاد منه أصلا.
إتصدم بجد من كلامي وحط الكوباية بتاعته اللي كانت في إيده على الطربيزة وبعدين رجع وقف قدامي وقال بخضة حقيقية
_ وإنت تعرفيه يعني
جاوبت بكل هدوء وأنت لسة عيني على الشارع
أيوا.
رجع سأل من تاني بتردد وقال وهو مترقب للإجابة جدا
_ وبتحبيه
بصيتله بحزن وأنا بتابع ملامحه وعيونه المتوترة والحزينة عيونه بتترجاني مقولش أيوا ولكنني إبتسمت وقولت بهزار مش لايق على الموقف
ليه بتحبني يعني وزعلت ولا إي يابني مش جيتلك وإنت رفضتي
إتوتر وخد نفس عميق وبص هو المرة دي ناحية الشارع وقال بصوت واطي ولكنني سمعته
_ أنا اللي عملت كدا أنا اللي ضيعتك من إيدي.
إتكلمت بتساؤل وقولت بعد ما إتعقد من بين حواجبي
بتقول إي
إتكلم ببساطة مفهمتهاش بعد ما بصلي وقال
_ طيب يا هايا مادام مبسوطة ألف مبروك.
مش هكدب عليكم بس كلمته چرحتني أوي من جوايا حسيت وكإني سمعت صوت قلبي وهو بيتكسر خرج من البلكونة وأنا فضلت واقفة مكاني حزينة ودموعي نازلة وبس.
دخلت نمت واليوم عدا تاني يوم وإحنا بنفطر إتكلم بابا وقال بإبتسامة
_ في عريس طالب إيد هايا مني ومصمم أوي تصميمه وحبه ليها خلاني أوافق ييجي يتقدم ونشوفه.
كنت بسمع الكلام وأنا باكل وغير مهتمة شوية معروفة مين العريس ومعروف بالنسبالي كل حاجة والجوازة دي هتتم إزاي آما حسن وقف أكل پغضب وهو بيجز على سنانه.
بالنسبة لماما ومامته بصوا لبعض ب صدمة وإستغراب رحزن في نفس الوقت وهما بيبصوا علينا إحنا الإتنين إتكلمت ماما بتساؤل وقالت
دا مين العريس دا ياحج
إتكلم بابا وهو بيبصلي بإبتسامة ونظرة مداعبة
_ واحد مع هايا في الكلية وهي عرفاه.
كلهم بصوا ناحيتي بما فيهم حسن بإهتمام شديد إتكلم حسن هو المرة دي وقال بتساؤل وشك
ودا إسمه إي يا عمي
جاوبه بابا وهو بياكل وقال ببساطة
_ إسمه فارس بس باين عليه بيحبها أوي.
بصلي حسن پصدمة حقيقية وأنا بصيتله بكل هدوء كان بيبصلي بإستغراب وبعد تقريبا 3 دقايق من النظرات الصامتة قام حسن وساب الأكل.
آما